====== MÔ-K‛O DJÜN FOH-ING SHÜ ======

馬可傳福音書

===== Mk. I. =====

第一章.

> ZÔNG-TI-KEH N, Yia-su Kyi-toh foh-ing-keh ky‛i-deo;
> 2 ziang keh-sih sin-ts-nying-keh shü-li sia-lôh, kông, “Ngô tang-fæh Ngô-keh ts‛a-s ze Ng min-zin, bi-bæn Ng zin-deo-keh lu.”
> 3 “Hông-ia di-fông yiu nying-keh sing-hyiang ze-teh ao, kông, ‘Ng hao k‛e bi-bæn Cü-keh lu, p‛u-dzih Ge-keh ka-dao.’ ”

上帝个 兒，耶穌 基督 福音个 起頭；

2 像 箇些 先知人个 書裏 寫落，講，“我 打發 我个 差使 在 爾 面前，備辦 爾 前頭个 路。”

3 “荒野 地方 有 人个 聲響 在𡍲 噢，講，‘爾 好 去 備辦 主个 路，鋪直 佢个 街道。’ ”

> 4 Iah-‛ön ze hông-ia di-fông ‛ang tsing-li, djün we-sing-cün-i-keh tsing-li, peh ze hao sô-gao.
> 5 T‛ong Yiu-t‛a di-fông, teh Yia-lu-sæh-lang-keh nying, tseo-c‛ih tao ge su-ze; tu tsiao-nying z-keh ze, ze Iah-dæn ‛o ziu Iah-‛ön-keh tsing-li.
> 6 Iah-‛ön tsiah-keh z lôh-do mao, kyi-iao z bi-ta; ge ky‛üoh-keh z wông-djong teh yia-mih.
> 7 Ge djün dao-li, kông, “Ngô ‛eo-deo yiu ih-ke neng-kön do-jü ngô we le; ziu-z gyü-lôh ka Ge ‛a-ta, ngô ah ky‛in hao.
> 8 Ngô z yüong shü teh ng-he ‛ang tsing-li; dæn-z Ge we yüong Sing-Ling ‛ang tsing-li peh ng-he.”

4 約翰 在 荒野 地方 行 浸禮，傳 回心轉意个 浸禮，畀 罪 好 赦爻。

5 統 猶太 地方，搭 耶路撒冷 人，走出 到 佢 所在；都 招認 自个 罪，在 約但 河 受 約翰个 浸禮。

6 約翰 撯个 是 駱駝 毛，繫腰 是 皮帶；佢 喫个 是 蝗蟲 搭 野蜜。

7 佢 傳 道理，講，“我 後頭 有 一個 能幹 大如 我 會 來；就是 跪落 解 佢 鞋帶，我 也 欠 好。

8 我 是 用 水 搭 爾許 行 浸禮；但是 佢 會 用 聖靈 行 浸禮 畀 爾許。”

> 9 Keh z-‛eo Yia-su jong Kô-li-li-keh Nô-sæh-leh le, ze Iah-dæn ‛o ziu Iah-‛ön-keh tsing-li.
> 10 Jong shü-keh su-ze tseo-zông-le, mah-ding-deo mông-djôh t‛in k‛e-k‛e, wæ-yiu Sing-Ling ziang ih-tsih bôh-kön kông-lôh ze Ge zông-deo:
> 11 ping-ts‛ia jong t‛in yiu sing-ing, kông, “Ng z Ngô ts‛ing-e-keh N, Ngô ting dzih-din-keh.”

9 箇 時候 耶穌 從 加利利个 拿撒勒 來，在 約但 河 受 約翰个 浸禮。

10 從 水个 所在 走上來，驀停頭 望着 天 開開，還有 聖靈 像 一隻 舶鴿‛ 降落 在 佢 上頭：

11 并且 從 天 有 聲音，講，“爾 是 我 親愛个 兒，我 頂 值錢个。”

> 12 Sing-Ling jü-tsih pih Yia-su tao hông-ia di-fông.
> 13 Ze kæn-min s-zih nyih kong-fu peh Sæh-dæn s-s Ge; yi ze yia-siu cong-yiang: yiu t‛in-s voh-z Ge.

12 聖靈 隨即 逼 耶穌 到 荒野 地方。

13 在 吤面 四十 日 工夫 畀 撒但 試試 佢；貤 在 野獸 中央：有 天使 服事 佢。

> 14 IAH-‛ÖN lôh-kæn ts-‛eo, Yia-su tao Kô-li-li k‛e djün Zông-ti koh keh foh-ing, kông,
> 15 “Z-‛eo tao-gao, Zông-ti-keh koh gying-gao: ng-he ke we-sing-cün-i, siang-sing foh-ing dao-li.”

14 約翰 落監 之後，耶穌 到 加利利 去 傳 上帝 國 个 福音，講，

15 “時候 到爻，上帝个 國 近爻：爾許 該 回心轉意，相信 福音 道理。”

> 16 Yia-su ze Kô-li-li he-pin tseo-tseo, mông-djôh Si-meng teh ge hyüong-di Ön-teh-lih, ze he-li tang mông; ing-yü z k‛ô-ng-keh.
> 17 Yia-su teh ge kông, “Keng Ngô le, Ngô we peh ng k‛e k‛ô nying.”
> 18 Ge-he lih-k‛eh mông tön-gao, keng Ge k‛e.
> 19 Yia-su yi tseo-ku ting, mông-djôh Si-pi-t‛a-keh n Ngô-kôh teh ge hüong-di Iah-‛ön, ah ze jün-li pu mông.
> 20 Ge jü-tsih ao ge-he: ge-he ziu li-k‛e ah-pang Si-pi-t‛a teh ku-le-keh nying ze jün-li, z keng Ge k‛e.

16 耶穌 在 加利利 海邊 走走，望着 西門 搭 佢 兄弟 安德烈，在 海裏 打 網；因爲 是 揢魚个。

17 耶穌 搭 佢 講，“跟 我 來，我 會 畀 爾 去 揢 人。”

18 佢許 立刻 網 斷爻，跟 佢 去。

19 耶穌 貤 走過 點，望着 西庇太个 兒 雅各 搭 佢 兄弟 約翰，也 在 船裏 補 網。

20 佢 隨即 噢 佢許：佢許 就 離開 阿伯‛ 西庇太 搭 僱來个 人 在 船裏，自 跟 佢 去。

> 21 GE-HE tseo-tsing Kô-pah-nong: Yia-su ziu ze ön-shih-nyih, tseo-tsing jü-we-dông kông dao-li.
> 22 Tu hyi-gyi Ge-keh kao-hyüing: ing-yü kao-hyüing ge-he ziang yiu gyün-ping, feh ziang doh-shü-nying.

21 佢許 走進 迦百農：耶穌 就 在 安息日，走進 聚會堂 講 道理。

22 都 希奇 佢个 教訓：因爲 教訓 佢許 像 有 權柄，不 像 讀書人。

> 23 Ge-keh jü-we-dông yiu ih-ke bi ‛ôh-c‛ôh kyü vu-teh-keh nying; ge ao-ky‛i-le, kông,
> 24 “ ‛E, Nô-sæh-leh-keh Yia-su, ngô-he teh Ng yiu zao siang-kön? Ng le djü-mih ngô-he feh? Ngô hyiao-teh Ng z kæh-nying, ziu-z Zông-ti-keh sing-zin Cü-ts.”
> 25 Yia-su si-ge, z-t‛ih kông, “Hyiao hyiang; tseo ge c‛ih-le.”
> 26 ‛Ôh-c‛ôh kyü ziu tsông ge weh-gyüông-weh-tin, ih-sing si tseo-c‛ih-le-gao.
> 27 Cong-nying tu kying-hôh, ze-teh kông, “Keh z tsa-sang? keh-z zao-teh dao-li? Ge yiu gyün-ping we feng-fu ‛ôh-c‛ôh kyü, kyü ziu i-jing Ge.”
> 28 Ge-keh ming-sing djün-pin Kô-li-li s-c‛ü di-fông.

23 佢个 聚會堂 有 一個 被 齷齪 鬼 附𡍲个 人；佢 噢起來，講，

24 “咳，拿撒勒个 耶穌，我許 搭 爾 有 倽 相干？爾 來 除滅 我許 不？我 曉得 爾 是 吤人，就是 上帝个 聖善 主子。”

25 耶穌 嘶佢，是僣 講，“𠏕 響；走 佢 出來。”

26 齷齪 鬼 就 妝 佢 活狂活癲，一聲 嘶 走出來爻。

27 衆人 都 驚𢞕，在𡍲 講，“箇 是 怎生？箇是 倽𡍲 道理？佢 有 權柄 會 吩咐 齷齪 鬼，鬼 就 依順 佢。”

28 佢个 名聲 傳遍 加利利 四處 地方。

> 29 Ge-he jong jü-we-dông tseo-c‛ih, ziu teh Ngô-kôh Iah-‛ön jü-de tseo-tsing Si-meng Ön-teh-lih-keh u-li.
> 30 K‛eo-k‛eo Si-meng-keh lao-dziang-m kyi-sing fæh-nyih tao-kæn; yiu nying t‛ong-ts Yia-su.
> 31 Yia-su tseo-k‛e, ky‛in ge-keh siu, tông ge nang-ky‛i-le: nyih-bing lih-k‛eh hao-gao; keh nyü-nying ziu le voh-z ge-he.

29 佢許 從 聚會堂 走出，就 搭 雅各 約翰 聚隊 走進 西門 安得烈个 塢裏。

30 扣扣 西門个 老丈母 己身 發熱 倒吤；有 人 通知 耶穌。

31 耶穌 走去，牽 佢个 手，擋 佢 玍起來：熱病 立刻 好爻；箇 女人 就 來 服事 佢許。

> 32 Æn-keng, nyih-deo lôh-sæn z-‛eo, yiu nying ta keh-sih sang-bing teh kyü mi-lao-keh tao Yia-su su-ze le;
> 33 zing-li nying tu jü-de tao meng-k‛eo.
> 34 Yia-su ziu i-hao hyü-to nying, sang kôh-yiang mao-bing keh; yi kön-c‛ih hyü-to kyü; ping-ts‛ia feh hyü kyü k‛e k‛eo, ing-yü kyü sih-teh Ge.

32 晏跟，日頭 落山 時候，有 人 帶 箇些 生病 搭 鬼 迷牢个 到 耶穌 所在 來；

33 城裏 人 都 聚隊 到 門口。

34 耶穌 就 醫好 許多 人，生 各樣 毛病 个；貤 趕出 許多 鬼；并且 不 許 鬼 開口，因爲 鬼 識得 佢。

> 35 Yia-su t‛in vong liang tsao-tsao nang-ky‛i, tseo-c‛ih tao hông-ia di-fông k‛e; ze kæn tao-kao.
> 36 Si-meng teh jü-de-keh nying jü-‛eo keng-k‛e.
> 37 P‛ong-djôh teh Geh kông, “Cong-nying tu zing Ng.”
> 38 Yia-su teh ge kông, “Ngô-he hao tao gying-ting hyiang-ts‛eng k‛e, Ngô kæn-min ah hao djün dao-li: ing-yü Ngô z yü keh z-kön le.”
> 39 Ziu ze t‛ong Kô-li-li kôh-c‛ü jü-we-dông djün dao-li, kön-c‛ih kyü.

35 耶穌 天 朆 亮 早早 玍起，走出 到 荒野 地方 去；在 吤 禱告。

36 西門 搭 聚隊个 人 隨後 跟去。

37 碰着 搭 佢 講，“衆人 都 尋 爾。”

38 耶穌 搭 佢 講，“我許 好 到 近點 鄉村 去，我 吤面 也 好 傳 道理：因爲 我 是 爲 箇 事幹 來。”

39 就 在 統 加利利 各處 聚會堂 傳 道理，趕出 鬼。

> 40 Yiu ih-ke sang da-mô-fong tao Yia-su su-ze le, gyü-lôh, gyiu Ge, kông, “Ng ziah k‛eng-keh, neng-keo i ngô kön-zing.”
> 41 Yia-su fæh z-pe sing, siu long-c‛ih-le, môh-môh ge, teh Ge kông, “Ngô k‛eng-keh; ng hao kön-zing.”
> 42 Ih kông, da-mô-fong lih-k‛eh hao-gao, nying ziu kön-zing.
> 43 Yia-su coh-fu ge, ziu ao ge k‛e, teh ge kông,
> 44 “Ts‛in-ding ih-kyü hyiao teh bih-nying kông: tæn-tsih k‛e peh tsi-s mông ih-mông; tsiao Mo-si-keh feng-fu, yü ng kön-zing hao hyin tsi-veh, peh ge-he tso bing-kyü.”
> 45 Dæn-z keh nying tseo-c‛ih, peh keh z-kön djün-le-djün-k‛e yiang-c‛ih-k‛e: su-i Yia-su feh neng-keo ming-ming tseo-tsing zing-li, tsih hao djü ze nga-min hông-ia di-fông: jong s-c‛ü yiu nying tao Ge su-ze le.

40 有 一個 生 大麻風 到 耶穌 所在 來，跪落，求 佢，講，“爾 若 肯个，能彀 醫 我 乾淨。”

41 耶穌 發 慈悲 心，手 隆出來，摸摸 佢，搭 佢 講，“我 肯个；爾 好 乾淨。”

42 一 講，大麻風 立刻 好爻，人 就 乾淨。

43 耶穌 囑咐 佢，就 噢 佢 去，搭 佢 講，

44 “千定 一句 𠏕 搭 別人 講：單只 去 畀 祭司 望 一望；照 摩西个 吩咐，爲 爾 乾淨 好 獻 祭物，畀 佢許 做 凭據。”

45 但是 箇 人 走出，畀 箇 事幹 傳來傳去 揚出去：所以 耶穌 不 能彀 明明 走進 城裏，只 好 住 在 外面 荒野 地方：從 四處 有 人 到 佢 所在 來。

===== Mk. II. =====

第二章.

> KU kyi-nyih, Yia-su yi tseo-tsing Kô-pah-nong. Bih-nying t‛ing-djoh Ge ze u-li;
> 2 yiu hyü-to nying lih-k‛eh jü-zih, lin meng-k‛eo tu m-yiu k‛ong: Ge ziu kông dao-li peh ge-he t‛ing.

過 幾日，耶穌 貤 走進 迦百農。別人 聽着 佢 在 塢裏；

2 有 許多 人 立刻 聚集，連 門口 都 無有 空：佢 就 講 道理 畀 佢許 聽。

> 3 Yiu ih-ke fong-t‛æn, s-ke nying kông ge, tao Yia-su su-ze le.
> 4 Yü nying to, m-c‛ü tsing: ziu ze Yia-su su-ze oh-pe ts‛ah ih-ke dong; peh p‛u-pæn, teh fong-t‛æn, tu fông-lôh-le.
> 5 Yia-su mông-djôh ge-he yiu siang-sing-keh sing, teh fong-t‛æn kông, “Ngô n, ng-keh ze sô-gao.”
> 6 Yiu kyi-ke doh-shü-nying zo ze-kæn, sing-li ze-teh nyi-leng,
> 7 “Keh Nying tsa-sang kông sih-doh shih-wa? djü Zông-ti ts-nga, kæh-nying neng-keo sô nying ze?”
> 8 Yia-su sing-li lih-k‛eh hyiao-teh ge-he ze-teh nyi-leng, teh ge-he kông, “Ng-he tsa-sang sing-li ze-teh nyi-leng keh-sih z-kön?
> 9 Wæ-z teh fong-t‛æn kông, Ng-keh ze sô-gao; wæ-z kông, Nang-ky‛i-le, do p‛u-pæn tseo;—tao-ti nô ih-yiang yüong-yi?
> 10 Keh-ts‛iah peh ng-he hao hyiao-teh, Nying-keh N ze si-kæn-zông yiu sô-ze-keh gyün-ping,” (ziu teh fong-t‛æn kông,)
> 11 “Ngô teh ng kông, Nang-ky‛i-le, do p‛u-pæn, cün u-li k‛e.”
> 12 Ge lih-k‛eh nang-ky‛i, do p‛u-pæn, ze cong-nying min-zin tseo-c‛ih-k‛e; peh cong-nying gyi-kwa-teh-mang, ziu ts‛ing-tsæn Zông-ti, kông, “Keh z-kön ngô-he jong m-yiu mông-djôh-ku.”

3 有一個 風癱，四個 人 扛 佢，到 耶穌 所在 來。

4 爲 人 多，無處 進：就 在 耶穌 所在 屋背 拆 一個 洞；畀 鋪板，搭 風癱，都 放落來。

5 耶穌 望着 佢許 有 相信个 心，搭 風癱 講，“我 兒，爾个 罪 赦爻。”

6 有 幾個 讀書人 坐 在吤，心裏 在𡍲 議論，

7 “箇 人 怎生 講 褻瀆 說話？除 上帝 之外，吤人 能彀 赦 人 罪？”

8 耶穌 心裏 立刻 曉得 佢許 在𡍲 議論，搭 佢許 講，“爾許 怎生 心裏 在𡍲 議論 箇些 事幹？

9 還是 搭 風癱 講，爾个 罪 赦爻；還是 講，玍起來，馱 鋪板 走；——到底 哪 一樣 容易？

10 箇且 畀 爾許 好 曉得，人个 兒 在 世間上 有 赦罪个 權柄，”（就 搭 風癱 講，）

11 “我 搭 爾 講，玍起來，馱 鋪板，轉 塢裏 去。”

12 佢 立刻 玍起，馱 鋪板，在 衆人 面前 走出去；畀 衆人 奇怪得猛，就 稱讚 上帝，講，“箇 事幹 我許 無有 望着過。”

> 13 YIA-SU yi tseo-c‛ih tao he-pin, yiu ih-do-pæn nying tao Ge su-ze le, Ge ziu kông dao-li peh ge-he t‛ing.

13 耶穌 貤 走出 到 海邊，有 一大班 人 到 佢 所在 來，佢 就 講 道理 畀 佢許 聽。

> 14 Ge tseo-ku-k‛e, mông-djôh Ô-leh-fi-keh n Li-vi zo ze shü-kwæn, teh ge kông, “Keng Ngô le.” Ge ziu nang-ky‛i, keng Yia-su k‛e.

14 佢 走過去，望着 亞勒非个 兒 利未 坐 在 稅關，搭 佢 講，“跟 我 來。” 佢 就 玍起，跟 耶穌 去。

> 15 Yia-su ze Li-vi u-li ky‛üoh-væn, yiu hyü-to siu-din-liang nying teh ze-nying teh Yia-su lin Ge meng-du jü-de zo-zih: ing-yü keng Ge-keh nying to.
> 16 Doh-shü-nying teh Fæh-li-se nying ze-nying jü-de ky‛üoh, ziu meng Ge meng-du kông, “Ge tsa-sang teh siu-din-liang nying ze-nying jü-de ky‛üoh jü-de hæh?”
> 17 Yia-su t‛ing-djôh, teh ge-he kông, “Gyin-keh nying feh iao t‛a-i sin-sang, yiu mao-bing nying iao. Ngô le, feh-z ao tsing-dzih nying we-sing-cün-i, z ao ze-nying we-sing-cün-i.”

15 耶穌 在 利未 塢裏 喫飯，有 許多 收錢糧 人 搭 罪人 搭 耶穌 連 佢 門徒 聚隊 坐席：因爲 跟 佢个 人 多。

16 讀書人 搭 法利賽 人 望着 佢 搭 收錢糧 人 罪人 聚隊 喫，就 問 佢 門徒 講，“佢 怎生 搭 收錢糧 人 罪人 聚隊 喫 聚隊 呷？”

17 耶穌 聽着，搭 佢許 講，“健个 人 不 要 太醫 先生，有 毛病 人 要。我 來，不是 噢 正直 人 回心轉意，是 噢 罪人 回心轉意。”

> 18 Iah-‛ön-keh meng-du, teh Fæh-li-se nying-keh meng-du kying-zih; ge-he tseo-le, teh Yia-su kông, “Iah-‛ön-keh meng-du teh Fæh-li-se nying-keh meng-du ze-teh kying-zih, Ng-keh meng-du feh kying-zih; keh z tsa-sang?”
> 19 Yia-su teh ge kông, “Sing-lông wæ teh ‛o-hyi-keh nying jü-de, tsa-sang hao kying-zih? yiu sing-lông jü-de z-‛eo, ge feh neng kying-zih.
> 20 Dæn-z tsiang-le-keh nyih-ts, sing-lông li-k‛e ge z-‛eo, keh-ts‛iah iao kying-zih.
> 21 M-yiu nying yüong sing pu, pu gyiu i-zông; ky‛üong-p‛ô keh-kw‛e pu-teh-keh sing pu iao pang-se keh gyiu i-zông, ge-keh se-k‛ong ziu kah-nga do.
> 22 Ah m-yiu nying yüong gyiu bi-de din sing-tsiu; ky‛üong-p‛ô sing-tsiu pao-k‛e keh bi-de, tsiu yi tao-gao, bi-de yi wa-gao: tsong z yüong sing bi-de din sing tsiu.”

18 約翰个 門徒，搭 法利賽 人个 門徒 禁食；佢許 走來，搭 耶穌 講，“約翰个 門徒 搭 法利賽 人个 門徒 在𡍲 禁食，爾个 門徒 不 禁食；箇 是 怎生？”

19 耶穌 搭 佢 講，“新郎 還 搭 賀喜个 人 聚隊，怎生 好 禁食？有 新郎 聚隊 時候，佢 不 能 禁食。

20 但是 將來个 日子，新郎 離開 佢 時候，箇且 要 禁食。

21 無有 人 用 新 布，補 舊 衣裳；恐怕 箇塊 補𡍲个 新 布 要 繃碎 箇 舊衣裳，佢个 碎孔 就 格外 大。

22 也 無有 人 用 舊 皮袋 填 新酒；恐怕 新酒 趵開 箇 皮袋，酒 貤 倒爻，皮袋 貤 壞爻：總 是 用 新 皮袋 填 新 酒。”

> 23 YIU ih-ke ön-sih-nyih Yia-su tseo-ku mah-din; meng-du tseo-keh z-‛eo tsah mah-deo.
> 24 Fæh-li-se nying teh Ge kông, “Nô! ön-sih-nyih ge tsa-sang tso feh ing-ke tso keh z-kön?”
> 25 Yia-su teh ge kông, “Da-bih teh ge jü-de nying yiu ky‛üih-siao du-hæh z-‛eo, Da-bih su tso-keh z-kön, ng p‛ô vong doh-ku?
> 26 ziu-z, Ô-pi-ô-t‛æh tso tsi-s-deo keh z-‛eo, tseo-tsing Zông-ti-keh oh ky‛üoh pa-kæn-keh ping, yi feng peh jü-de nying; keh ping z feh ing-ke ky‛üoh, tsih-yiu tsi-s hao ky‛üoh.”
> 27 Yia-su yi teh ge kông, “Ön-sih-nyih z yü nying sih-lih, feh-z nying yü ön-sih-nyih sih-lih.
> 28 Su-i Nying-keh N ah z ön-sih-nyih-keh Cü.”

23 有 一個 安息日 耶穌 走過 麥田；門徒 走个 時候 摘 麥頭。

24 法利賽 人 搭 佢 講，“嗱！安息日 佢 怎生 做 不 應該 做 个 事幹？”

25 耶穌 搭 佢 講，“大闢 搭 佢 聚隊 人 有 缺少 肚㾎 時候，大闢 所 做个 事幹，爾 怕 朆 讀過？

26 就是，亞比亞塔 做 祭司頭 个 時候，走進 上帝个 屋 喫 擺吤个 餅，貤 分 畀 聚隊 人；箇 餅 是 不 應該 喫，只有 祭司 好 喫。”

27 耶穌 貤 搭 佢 講，“安息日 是 爲 人 設立，不是 人 爲 安息日 設立。

28 所以 人个 兒 也 是 安息日个 主。”

===== Mk. III. =====

第三章.

>  Yia-su yi tseo-tsing jü-we-dông; yiu ih-ke nying, ge ih-tsih siu fong-gao.
> 2 Ge-he tsiang Ge, mông Yia-su ön-sih-nyih we i ge feh; i-s siang kao Ge zông.
> 3 Yia-su teh fong-siu cü-ts kông, “Nang-ky‛i, gyi ze cong-yiang.”
> 4 Ziu teh ge-he kông, “Ön-sih-nyih tso hao, tso ôh; kyiu sing-ming, ‛e sing-ming; nô ih-yiang tsôh-hying?” Ge-he feh hyiang.
> 5 Yia-su iu-zeo yü ge-he sing ngang, ziu fæh-nu deo-ky‛ün mông ge-he; teh keh nying kông, “Ng-keh siu long-c‛ih-le.” Ge long-c‛ih-le: siu ziu hao gao, teh keh-tsih ih-yiang.
> 6 Fæh-li-se nying tseo-c‛ih-k‛e, ziu teh Hyi-leh keh-tông jü-de siang-liang tsa-sang hao tsông-s Yia-su.

耶稣 貤 走進 聚會堂；有 一個 人，佢 一隻 手 風爻。

2 佢許 張 佢，望 耶穌 安息日 會 醫 佢 不；意思 想 告 佢 狀。

3 耶穌 搭 風手 主子 講，“玍起，徛 在 中央。”

4 就 搭 佢許 講，“安息日 做 好，做 惡；救 性命，害 性命；哪 一樣 作興？”佢許 不 響。

5 耶穌 憂愁 爲 佢許 心 硬，就 發怒 頭圈 望 佢許；搭 箇 人 講，“爾个 手 隆出來。”佢 隆出來：手 就 好 爻，搭 箇隻 一樣。

6 法利賽 人 走出來，就 搭 希律 箇檔 聚隊 商量 怎生 好 妝死 耶穌。

> 7 YIA-SU teh Ge meng-du li-k‛e keh su-ze, tao he-pin k‛e: yiu ih-do-pæn nying jong Ko-li-li, Yiu-t‛a,
> 8 Yia-lu-sæh-lang, Yi-t‛u-ma, Iah-dæn ‛o-nga keng Ge: wæ-yiu ih-do-pæn T‛e-lo Si-teng-keh nying, t‛ing-djôh Ge su tso z-kön, yi tao Ge su-ze le.
> 9 Yia-su ao meng-du k‛e bi-bæn ih-tsih jün teng Ge, sang-teh keh-pæn nying tsi Ge.
> 10 Yü Ge yi-kying i-hao hyü-to nying, su-i væn-pah yiu bing-keh tu tsi le, iao môh-môh Ge.
> 11 Wæ-yiu keh-sih ‛ôh-c‛ôh kyü, ih mông-djôh Ge, ziu gyü-lôh Ge min-zin, ao-hyiang kông, “Ng z Zông-ti-keh N.”
> 12 Yia-su tse-sæn feng-fu ge, feh iao yiang Ge-keh ming-sing.

7 耶穌 搭 佢 門徒 離開 箇 所在，到 海邊 去：有 一大班 人 從 加利利，猶太，

8 耶路撒冷，以土買，約但 河外 跟 佢：還有 一大班 推羅 西頓个 人，聽着 佢 所 做 事幹，貤 到 佢 所在 來。

9 耶穌 噢 門徒 去 備辦 一隻 船 等 佢，省得 箇班 人 擠 佢。

10 爲 佢 已經 醫好 許多 人，所以 凡百 有 病个 都 擠 來，要 摸摸 佢。

11 還有 箇些 齷齪 鬼，一 望着 佢，就 跪落 佢 面前，噢響 講，“爾 是 上帝个 爾。”

12 耶穌 再三 吩咐 佢，不 要 揚 佢个 名聲。

> 13 Yia-su ziu tseo-zông sæn, jü Ge su hwön-hyi-keh nying ao le: ge-he ziu tao Ge su-ze le.
> 14 Ge ziu sih-lih zih-nyi-ke nying, hao teh Ge jü-de, yi hao ts‛a ge k‛e djün dao-li;
> 15 ping-ts‛ia peh ge yiu i bing, teh kön-c‛ih kyü keh gyün-ping.
> 16 Ziu-z Si-meng; (Yia-su c‛ü ge ming-z Pi-teh;)
> 17 Si-pi-t‛a-keh n Ngô-kôh, teh Ngô-kôh-keh hyüong-di Iah-‛ön; (keh liang-ke Yia-su yi c‛ü ge Pön-nyi-gyi, ziu-z hyiang-le cü-ts keh i-sy;)
> 18 wæ-yiu Ön-teh-lih, Fi-lih, Pô-to-lo-ma, Mô-t‛a, To-mô, Ô-leh-fi-keh n Ngô-kôh, Dæh-t‛a teh Kô-nön-keh Si-meng;
> 19 wæ-yiu Kô-liah-keh Yiu-da, ziu-z ma Yia-su cü-ts. Ge-he ziu tseo-tsing oh-li:
> 20 yiu ih-pæn nying yi jü-zih, peh ge-he lin ky‛üoh-væn tu feh neng-keo.
> 21 Yia-su z-kô-nying t‛ing-djôh, tseo-c‛ih-le iao peh Ge bæh-lao, kông, “Ge z tin-gao.”
> 22 Keh-sih jong Yia-lu-sæh-lang le-keh doh-shü-nying kông, “Ge z Bih-si-poh mi-lao-ding:” yi kông, “Ge z k‛ao-djôh kyü-wông kön-c‛ih kyü.”
> 23 Yia-su ao ge le, yüong pi-fông shih-wa teh ge kông, “Sæh-dæn tsa hao kön-c‛ih Sæh-dæn?
> 24 Ziah-z ih-koh li-min feng-k‛e z tang z, keh ih-koh tsong lih-feh-lao.
> 25 Ziah-z ih-kô li-min feng-k‛e z tang z, keh ih-kô tsong lih-feh-lao.
> 26 Ziah-z Sæh-dæn z tang z feng-k‛e, ah-z lih-feh-lao, pih iao mih-gao.
> 27 M-nying neng-keo tseo-tsing hao-hön-keh u-li, ts‛iang-deh ge ze-veh; pih iao sin kw‛eng-lao keh hao-hön, ‛eo-deo hao ts‛iang-deh ge u-li-keh meh-z.
> 28 Ngô lao-zih teh ng kông, Nying-keh pah-yiang ze-ôh teh su kông sih-doh shih-wa, tu hao sô-gao:
> 29 tsih-yiu sih-doh Sing-Ling keh nying üong sô feh-gao, pih iao ziu üong-yün ying-væh.”
> 30 Ing-yü ge-he kông, “Ge z bi ‛ôh-c‛ôh kyü vu-teh.”

13 耶穌 就 走上 山，隨 佢 所 歡喜个 人 噢 來：佢許 就 到 佢 所在 來。

14 佢 就 設立 十二個 人，好 搭 佢 聚隊，貤 好 差 佢 去 傳 道理；

15 并且 畀 佢 有 醫 病，搭 趕出 鬼 个 權柄。

16 就是 西門；（耶穌 取 佢 名字 彼得；）

17 西庇太个 兒 雅各，搭 雅各个 兄弟 約翰；（箇 兩個 耶穌 貤 取 佢 半尼其，就是 響雷 主子 个 意思；）

18 還有 安得烈，非立，巴多羅買，馬太，多馬，亚勒非个 兒 雅各，達太 搭 迦南个 西門；

19 還有 加略个 猶大，就是 賣 耶穌 主子。佢許 就 走進 屋裏：

20 有 一班 人 貤 聚集，畀 佢許 連 喫飯 都 不 能彀。

21 耶穌 自家人 聽着，走出來 要 畀 佢 拔牢，講，“佢 是 癲爻。”

22 箇些 從 耶路撒冷 來个 讀書人 講，“佢 是 別西卜 迷牢定：” 貤 講，“佢 是 靠着 鬼王 趕出 鬼。”

23 耶穌 噢 佢 來，用 比方 說話 搭 佢 講，“撒但 怎 好 趕出 撒但？

24 若是 一國 裏面 分開 自 打 自，箇 一國 總 立不牢。

25 若是 一家 裏面 分開 自 打 自，箇 一家 總 立不牢。

26 若是  撒但 自 打 自 分開，也 是 立不牢，必要 滅爻。

27 無人 能彀 走進 好漢个 塢裏，搶奪 佢 財物；必要 先 綑牢 箇 好漢，後頭 好 搶奪 佢 塢裏个 物事。

28 我 老實 搭 爾 講，人个 百樣 罪惡 搭 所 褻瀆 說話，都 好 赦爻：

29 只有 褻瀆 聖靈 个 人 永 赦 不爻，必要 受 永遠 刑罰。”

30 因爲 佢許 講，“佢 是 被 齷齪鬼 附𡍲。”

> 31 Yia-su-keh hyüong-di teh nyiang tseo-le, gyi nga-min, ts‛a nying ao Ge.
> 32 Ih-do-pæn nying zo Yia-su sing-pin; ge-he ziu teh Ge kông, “Ng nyiang teh hyüong-di ze nga-min zing Ng.”
> 33 Ge we-teh, kông, “Ngô nyiang, Ngô hyüong-di, z kæh-nying?”
> 34 Ziu deo-ky‛ün mông-mông zo ze sing-pin cü-ts, kông, “Hao mông Ngô nyiang teh Ngô hyüong-di!
> 35 Ing-yü væn-pah i Zông-ti ts-i tso cü-ts, beh-z Ngô hyüong-di, Ngô ts-me, teh nyiang.”

31 耶穌个 兄弟 搭 孃 走來，徛 外面，差 人 噢 佢。

32 一大班 人 坐 耶穌 身邊；佢許 就 搭 佢 講，“爾 孃 搭 兄弟 在 外面 尋 爾。”

33 佢 回答，講，“我 孃，我 兄弟，是 吤人？”

34 就 頭圈 望望 坐 在 身邊 主子，講，“好 望 我 孃 搭 我 兄弟！

35 因爲 凡百 依 上帝 旨意 做 主子，便是 我 兄弟，我 姊妹，搭 孃。”

===== Mk. IV. =====

第四章.

> YIA-SU yi ze he-pin kông dao-li: yiu ih-do-pæn nying tseo tao ge su-ze le, peh ge tsih hao t‛iao-lôh jün, zo ze he-li; ‛en-kyi nying tu ze he-du-zông.
> 2 Yia-su ziu yüong pi-fông shih-wa kao-hyüing ge-he hyü-to z-kön; kao-hyüing z-‛eo teh ge kông: —
> 3 “Ng-he iao t‛ing: yiu ih-ke tsæh cong cü-ts tseo-c‛ih tsæh cong.
> 4 Ge tsæh-k‛e, yiu-sih tih-lôh lu-pin, tiao fi-le ky‛üoh-gao.
> 5 Yiu-sih tih-lôh yiu zih-deo su-ze, t‛u feh to; yü t‛u feh sing, jü-tsih ts‛iu-c‛ih-le;
> 6 nyih-deo ih c‛ih, ziu sô-pih k‛u-gao: ing-yü m keng.
> 7 Yiu-sih tih-lôh ts‛-bang-ha; ts‛ dziang-ky‛i-le peh ge tsô-lao, ziu m dao-zing.
> 8 Yiu-sih tih-lôh hao t‛u-li, ziu pao-c‛ih ngô-deo, dziang-ky‛i-le, yiu dao-zing; yiu-sih kyih sæn-zih be, yiu-sih loh-zih be, yiu-sih ih-pah be.”
> 9 Yi teh ge kông, “Yiu ng-tô we t‛ing cü-ts, ke t‛ing.”

耶穌 貤 在 海邊 講 道理：有 一大班 人 走 到 佢 所在 來，畀 佢 只 好 跳落 船，坐 在 海裏；合計 人 都 在 海塗上。

2 耶穌 就 用 比方 說話 教訓 佢許 許多 事幹；教訓 時候 搭 佢 講：——

3 “爾許 要 聽：有 一個 撒 種 主子 走出 撒 種。

4 佢 撒去，有些 跌落 路邊，鳥 飛來 喫爻。

5 有些 跌落 有 石頭 所在，土 不 多；爲 土 不 深，隨即 抽出來；

6 日頭 一 出，就 曬癟 枯爻：因爲 無 根。

7 有些 跌落 刺棚嶰；刺 長起來 畀 佢 遮牢，就 無 道成。

8 有些 跌落 好 土裏，就 趵出 芽頭，長起來，有 道成；有些 結 三十 倍，有些 六十 倍，有些 一百 倍。”

9 貤 搭 佢 講，“有 耳朵 會 聽 主子，該 聽。”

> 10 Yia-su Z ze-teh z-‛eo, zih-nyi-ke meng-du teh su-zông keng Ge-keh nying ziu le meng Ge keh pi-fông.
> 11 Ge ziu teh Ge kông, “Zông-ti koh-keh ao-miao z-kön z peh ng-he hao hyiao-teh; ziah-z nga-deo nying, yiang-yiang z-kön tu yüong pi-fông teh ge kông:
> 12 peh ‘ge-he mông z we mông-djôh, tsih-z feh ming-bah; t‛ing z we t‛ing-djôh, tsih-z feh hyiao-teh; ky‛üong-p‛ô we-sing-cün-i, teh-djôh ze-keh nyiao-sô.’ ”

10 耶穌 自 在𡍲 時候，十二個 門徒 搭 素常 跟 佢个 人 就 來 問 佢 箇 比方。

11 佢 就 搭 佢 講，“上帝 國个 奧妙 事幹 是 畀 爾許 好 曉得：若是 外頭 人，樣樣 事幹 都 用 比方 搭 佢 講：

12 畀 ‘佢許 望 是 會 望着，只是 不 明白；聽 是 會 聽着，只是 不 曉得；恐怕 回心轉意，得着 罪个 饒赦。’ ”

> 13 Yi teh ge-he kông, “Keh pi-fông ng wæ feh hyiao-teh, tsa neng-keo hyiao-teh pah-yiang pi-fông?
> 14 Tsæh cong cü-ts ziu-z tsæh dao-li.
> 15 Keh-sih tsæh ze lu-pin, ziu-z yiu dao-li tsæh-kæn; ge ih t‛ing-djôh Sæh-dæn ziu le, peh ge sing-li su tsæh-keh dao-li deh-k‛e.
> 16 Wæ-yiu keh-sih tsæh ze yiu zih-deo su-ze, ih t‛ing-djôh keh dao-li, lih-k‛eh hwön-hyi tsih-ziu:
> 17 dæn-z sing-li m keng, peh-ku z dzæn-z; ‛eo-deo yü keh dao-li p‛ong-djôh yiu w̆e-ky‛üoh pih-næn z-kön, lih-k‛eh pæn-tao.
> 18 Tsæh ze ts‛-bang-ha, ziu-z t‛ing keh dao-li cü-ts;
> 19 ge kying-si zeo, teh ze-veh-keh hong-p‛in, teh gyi-yü-keh s-yüoh, tseo-tsing-k‛e tsô-sæh keh dao-li, ziu m dao-zing.
> 20 Tsæh ze hao t‛u-keh, ziu-z t‛ing-djôh tsih-ziu keh dao-li cü-ts; ge yiu dao-zing, yiu-sih kyih sæn-zih be, yiu-sih loh-zih be, yiu-sih ih-pah be.”

13 貤 搭 佢許 講，“箇 比方 爾 還 不 曉得，怎 能彀 曉得 百樣 比方？

14 撒 種 主子 就是 撒 道理。

15 箇些 撒 在 路邊，就是 有 道理 撒吤；佢 一 聽着 撒但 就 來，畀 佢 心裏 所 撒个 道理 奪去。

16 還有 箇些 撒 在 有 石頭 所在，一 聽着 箇 道理，立刻 歡喜 接受：

17 但是 心裏 無 根，不過 是 暫時；後頭 爲 箇 道理 碰着 有 委屈 逼難 事幹，立刻 𥾵倒。

18 撒 在 刺棚嶰；就是 聽 箇 道理 主子；

19 佢 今世 愁，搭 財物个 哄骗，搭 其餘个 私慾，走進去 遮煞 箇 道理，就 無 道成。

20 撒 在 好 土个，就是 聽着 接受 箇 道理 主子；佢 有 道成，有些 結 三十 倍，有些 六十 倍，有些 一百 倍。”

> 21 Yia-su yi teh ge kông, “Nying tin teng, wæ-z fông ze teo-‛ô, ‛ôh-tsia min-zông-‛ô, ky‛i feh fông ze teng-de-zông?
> 22 S-‛ô z-kön, m-yiu ih-yiang fe ming-c‛ih-le; ing-mön z-kön, m-yiu ih-yiang fe lu-c‛ih-le.
> 23 Yiu ng-tô we t‛ing cü-ts, ke t‛ing.”

21 耶穌 貤 搭 佢 講，“人 點 燈，還是 放 在 斗下，或者 眠牀下，豈 不是 放 在 燈臺上？

22 無有 私下 事幹，𣍐 明出來；無有 隱瞞 事幹，𣍐 露出來。

23 有 耳朵 會 聽 主子，應該 聽。”

> 24 Yi teh ge-he kông, “Ng-he su t‛ing-keh iao liu-sing: ng-he liang peh bih-nying tsa-sang, bih-nying ah we tsa-sang liang peh ng; ng-he t‛ing-keh, ah we kô-ts‛eo peh ng.
> 25 Ing-yü yiu-keh cü-ts, wæ iao kô-ts‛eo peh ge; m-yiu cü-ts, lin ge su yiu ah iao peh ge deh-k‛e.”

24 貤 搭 佢許 講，“爾許 所 聽个 要 留心：爾許 量 畀 別人 怎生，別人 也 會 怎生 量 畀 爾；爾許 聽个，也 會 加湊 畀 爾。

25 因爲 有个 主子，還要 加湊 畀 佢；無有 主子，連 佢 所 有 也 要 畀 佢 奪去。”

> 26 Yia-su yi kông, “Zông-ti-keh koh, z k‛o-pi nying tsæh-cong ze din-di;
> 27 ge nyih-yia kw‛eng-lôh nang-ky‛i, keh cong tsa-sang ts‛iu-miao do-ky‛i-le, ge tu feh hyiao-teh.
> 28 Ing-yü din-di z-zin we sang meh-z; ky‛i-deo ts‛iu-miao, ‛eo-deo tso du, tse ‛eo c‛ih-deo zing koh.
> 29 Dao wông zing-joh, ziu yüong sô-kyin; ing-yü siu-keh z-‛eo tao-gao.”

26 耶穌 貤 講，“上帝个 國，是 可比 人 撒種 在 田地；

27 佢 日夜 睏落 玍起，箇 種 怎生 抽苗 大起來，佢 都 不 曉得。

28 因爲 田地 自然 會 生 物事；起頭 抽苗，後頭 做 肚，最 後 出頭 成 穀。

29 稻 旺 成熟，就 用 沙鍥；因爲 收割 時候 到爻。”

> 30 Yia-su yi kông, “Zông-ti-keh koh ziang zah-m? tao-ti yüong zah-m pi-fông hao pi ge?
> 31 K‛o-pi ih-leh ka-ts‛e-ts; tsæh ze di, t‛in-‛ô pah-yiang cong-ts z ge ting si:
> 32 tsæh-lôh-k‛e we fæh-c‛ih-le, pi pah-yiang ts‛e wæ do; yi sang-c‛ih do ô-ts‛ô; peh t‛in-li-keh tiao hao djü ze ge tsô-ing su-ze.”

30 耶穌 貤 講，“上帝个 國 像 倽某？到底 用 倽某 比方 好 比 佢？

31 可比 一粒 芥菜籽，撒 在 地，天下 百樣 種子 是 佢 頂 細：

32 撒落去 會 發出來，比 百樣 菜 還 大；貤 生出 大 椏杈；畀 天裏个 鳥 好 住 在 佢 遮蔭 所在。”

> 33 Ge yüong hyü-to keh yiang-ts pi-fông kông dao-li peh cong-nying t‛ing, tsiao ge su neng-keo t‛ing-keh.
> 34 Ziah feh-z pi-fông, feh teh ge kông: ‛eo-deo Z ze-teh z-‛eo ziu ka-shih ‛en-kyi z-kön peh Ge meng-du ming-bah.

33 佢 用 許多 箇樣子 比方 講 道理 畀 衆人 聽，照 佢 所 能彀 聽个。

34 若 不是 比方，不 搭 佢 講：後頭 自 在𡍲 時候 就 解說 合計 事幹 畀 佢 門徒 明白。

> 35 KEH nyih æn-keng, Yia-su teh meng-du kông, “Ngô teh ng hao tao te-‛ön k‛e.”
> 36 Ge sæn-k‛e keh-pæn nying, Yia-su lôh-jün k‛e: wæ-yiu bih-tsih siao-jün jü-de k‛e.
> 37 Do fong-lông tsôh-ky‛i-le; lông p‛ah-tsing jün-li; jün-li shü iao mön-gao.
> 38 Yia-su ze jün ‛eo-sao tsing-deo din-kæn kw‛eng: meng-du peh Ge ao-sing, teh Ge kông, “Sin-sang, ngô-he kw‛a tsing-s, Ng feh kwön-tsiang?”
> 39 Ge ziu nang-ky‛i-le, tsah-væh fong, yi dziao he kông, “Zing-lôh-k‛e, hyiao hyiang.” Fong ziu hyih-gao, lông ziu t‛a-bing-gao.
> 40 Yia-su teh ge kông, “Ng tæn tsa-sang t‛ih si? tsa-sang m-yiu siang-sing-keh sing?”
> 41 Ge-he hôh-mang, jü-de kông, “Keh Nying tao-ti tsa-sang? lin fong teh he tu we i-jing Ge!”

35 箇 日 晏跟，耶穌 搭 門徒 講，“我 搭 爾 好 到 對岸 去。”

36 佢 散去 箇班 人，耶穌 落船 去：還有 別隻 小船 聚隊 去。

37 大 風浪 作起來；浪 拍進 船裏，船裏 水 要 滿爻。

38 耶穌 在 船 後艄 枕頭 磹吤 睏：門徒 畀 佢 噢醒，搭 佢 講，“先生，我許 快 浸死，爾 不 管賬？”

39 佢 就 玍起，責罰 風，貤 朝 海 講，“靜落去，𠏕 響。”風 就 歇爻，浪 就 太平爻。

40 耶穌 搭 佢 講，“爾 膽 怎生 僣 細？怎生 無有 相信个 心？”

41 佢許 𢞕猛，聚隊 講，“箇 人 到底 怎生？連 風 搭 海 都 會 依順 佢！”

===== Mk. V. =====

第五章.

> GE-HE tao te-‛ön, Kô-da-læh di-fông.
> 2 Yia-su zông jün, p‛ong-djoh ih-ke jong veng-dong tseo-c‛ih-le keh nying, bi ‛ôh-c‛ôh kyü vu-teh,
> 3 su-zông z djü ze veng-dong; nying ziu-z yüong t‛ih-lin, ah feh neng-keo so ge lao:
> 4 ing-yü liao-k‛ao to t‛ao so ge, keh t‛ih-lin bi ge dôh-dön, liao-k‛ao bi ge k‛ao-gao; m-nying neng-keo æh-tsi ge.
> 5 Nyih-yia dziang ze sæn-li teh veng-dong ia-ia sing, yi do zih-deo tang-siang z.

佢許 到 對岸，加大拉 地方。

2 耶穌 上 船，碰着 一個 從 墳洞 走出來 个 人，被 齷齪 鬼 附𡍲，

3 素常 是 住 在 墳洞；人 就是 用 鐵鍊，也 不 能彀 鎖 佢 牢：

4 因爲 鐐銬 多 套 鎖 佢，箇 鐵鍊 被 佢 鐸斷，鐐銬 被 佢 敲爻；無人 能彀 壓制 佢。

5 日夜 長 在 山裏 搭 墳洞 吆吆 聲，貤 馱 石頭 打傷 自。

> 6 Yün-yün mông-djôh Yia-su, ziu diao-le pa Ge,
> 7 djong-djong ao-hyiang, kông, “Ting kao Zông-ti-keh N Yia-su, ngô teh Ng yiu zao siang-kön? ngô k‛ao-djôh Zông-ti-keh ming-deo gyiu Ng, hyiao mo-næn ngô.”
> 8 (Ing-yü Yia-su yi-kying teh ge kông, “Ng ‛ôh-c‛ôh kyü, jong keh nying tseo-c‛ih-le.”)
> 9 Yia-su meng ge, “Ng zao ming-z?” Ge we-teh, kông, “Ngô ming-z ‘Ying’; ing-yü ngô-he yiu hyü-to.”
> 10 Kyü ziu tse-sæn gyiu Yia-su, feh iao kön ge c‛ih keh di-fông.
> 11 Ze kæn, sæn-pin, yiu ih-do-pæn ts ze-teh ky‛üoh:
> 12 kyü tu gyiu Ge, kông, “Hao peh ngô-he tao ts cong-yiang k‛e, tseo-tsing ge li-min.”
> 13 Yia-su ing-hyü ge. Keh-sih ‛ôh-c‛ôh kyü c‛ih-le, tseo-tsing ts li-min: keh-pæn ts diao-lôh sæn-k‛ön, ts‛ön ze he-li; (mao nyi-ts‛in;) tu ze he-li tsing s.

6 遠遠 望着 耶穌，就 趒來 拜 佢，

7 重重 噢響，講，“頂 高 上帝个 兒 耶穌，我 搭 爾 有 倽 相干？我 靠着 上帝个 名頭 求 爾，𠏕 磨難 我。”

8 （因爲 耶穌 已經 搭 佢 講，“爾 齷齪 鬼，從 箇 人 走出來。”）

9 耶穌 問 佢，“爾 倽 名字？” 佢 回答，講，“我 名字 ‘營’；因爲 我許 有 許多。”

10 鬼 就 再三 求 耶穌，不 要 趕 佢 出 箇 地方。

11 在吤，三遍，有 一大班 豬 在𡍲 喫：

12 鬼 都 求 佢，講，“好 畀 我許 到 豬 中央 去，走進 佢 裏面。”

13 耶穌 應許 佢。箇些 齷齪 鬼 出來，走進 豬 裏面：箇班 豬 趒落 山墈，躥 在 海裏；（毛 二千；）都 在 海裏 浸 死。

> 14 Kön ts keh nying diao-k‛e, t‛ong-ts zing-li teh hyiang-‛ô nying. Ge-he ziu tseo-c‛ih-le, iao mông-mông keh-ky‛i z-kön:
> 15 tseo tao Yia-su su-ze, mông-djôh keh tin-nying, ziu-z jong-zin yiu ih-ying kyü ze-teh-keh, zo-kæn; yiu i-zông tsiah-teh, nying yi ts‛ing-k‛ôh: ge ziu hôh-ky‛i-le.
> 16 Keh-pæn mông-djôh cü-ts t‛ong-ts ge, keh tin-nying teh keh-sih ts z-kön z tsa-sang-ke.
> 17 Cong-nying ziu gyiu Yia-su li-k‛e ge di-ka.

14 趕 豬 个 人 趒去，通知 城裏 搭 鄉下 人。佢許 就 走出來，要 望望 箇起 事幹：

15 走 到 耶穌 所在，望着 箇 癲人，就是 從前 有 一營 鬼 在𡍲个，坐吤；有 衣裳 撯𡍲，人 貤 清確：佢 就 𢞕起來。

16 箇班 望着 主子 通知 佢，箇 癲人 搭 箇些 豬 事幹 是 怎生个。

17 衆人 就 求 耶穌 離開 佢 地界。

> 18 Yia-su lôh jün z-‛eo, keh zin-deo tin-ku-keh nying le gyiu Yia-su peh ge jü-de.
> 19 Yia-su feh hyü ge, teh ge kông, “Ng hao cün tao u-li, t‛ong-ts ng ts‛ing-kyün Cü teh ng tso tsa do z-kön, tsa k‛o-lin ng.”
> 20 Ge ziu k‛e, ze Di-kô-po-li djün-k‛e Yia-su teh ge su tso z-kön. Cong-nying tu hyi-gyi.

18 耶穌 落船 時候，箇 前頭 癲過个 人 來 求 耶穌 畀 佢 聚隊。

19 耶穌 不 許 佢，搭 佢 講，“爾 好 轉 到 塢裏，通知 爾 親眷 主 搭 爾 做 怎 大 事幹，怎 可憐 爾。”

20 佢 就 去，在 提加波利 傳開 耶穌 搭 佢 所 做 事幹。衆人 都 希奇。

> 21 YIA-SU zo jün tse tao te-‛ön, yiu ih-do-pæn nying jü-de tao Ge su-ze le: Ge ze he-pin.

21 耶穌 坐 船 再 到 對岸，有 一大班 人 聚隊 到 佢 所在 來：佢 在 海邊。

> 22 Kwön jü-we-dông keh nying, yiu ih-ke ming-z Nga-lu tseo-le; ih mông-djôh Yia-su, ziu p‛oh-lôh pa Ge,
> 23 tse-sæn gyiu Ge, kông, “Ngô siao nô kw‛a iao s: ts‛ing Ng le, yüong siu môh-môh ge, i ge; ziu we weh.”
> 24 Yia-su teh ge jü-de k‛e; ih-do-pæn nying a-tsi keng ge.

22 管 聚會堂 个 人，有 一個 名字 睚魯 走來；一 望着 耶穌，就 覆落 拜 佢，

23 再三 求 佢，講，“我 小 囡 快 要 死：請 爾 來，用 手 摸摸 佢，醫 佢；就 會 活。”

24 耶穌 搭 佢 聚隊 去；一大班 人 挨擠 跟 佢。

> 25 Yiu ih-ke nyü-k‛ah, sang zih-nyi nyin hyüih-leo bing;
> 26 bi hyü-to sin-sang su ‛e, kô-s fi-wön, ih-ting fe hao, fæn-cün kah-nga li-‛e:
> 27 ge t‛ing-djôh Yia-su z-kön, ziu ze Yia-su ‛eo-pe, gæn-tsing cong-yiang, môh Ge i-zông:
> 28 ing-yü ge sing-li kông, “Ngô tsih iao môh Ge i-zông, ziu yiu kyiu-sing.”
> 29 Ge hyüih-leo bing lih-k‛eh ts-lao; ge kyi-sing ziu hyiao-teh keh bing i hao-gao.
> 30 Yia-su hyiao-teh jong Ge sing-zông yiu neng-kön c‛ih-le, ziu lih-k‛eh ze keh-pæn nying cong-yiang le-cün, kông, “Kæh-nying môh Ngô i-zông?”
> 31 Meng-du teh Ge kông, “Ng mông keh-pæn nying tsi Ng; tsa-sang kông, kæh-nying môh Ngô?”
> 32 Yia-su deo-ky‛ün mông-mông, iao mông-djôh tso keh z-kön keh nyü-k‛ah.
> 33 Keh nyü-k‛ah hôh-teh gæh-gæh-teo, hyiao-teh z-keh sing-zông tso-ku z-kön, ziu le gyü-lôh Ge min-zin, peh keh z-kön lao-zih teh Ge kông.
> 34 Yia-su teh ge kông, “Nô, z ng siang-sing-keh sing kyiu ng: hao ön-ön-w̆eng-w̆eng k‛e; ng bing z jün-yü.”

25 有 一個 女客，生 十二 年 血漏 病；

26 被 許多 先生 所 害，家私 費完，一點 𣍐 好，反轉 格外 厲害：

27 佢 聽着 耶穌 事幹，就 在 耶穌 後背，陷進 中央，摸 佢 衣裳：

28 因爲 佢 心裏 講，“我 只 要 摸 佢 衣裳，就 有 救星。”

29 佢 血漏 病 立刻 止牢；佢 己身 就 曉得 箇 病 醫 好爻。

30 耶穌 曉得 從 佢 身上 有 能幹 出來，就 立刻 在 箇班 人 中央 擂轉，講，“吤人 摸 我 衣裳？”

31 門徒 搭 佢 講，“爾 望 箇班 人 擠 爾；怎生 講，吤人 摸 我？”

32 耶穌 頭圈 望望，要 望着 做 箇 事幹 个 女客。

33 箇 女客 𢞕得 軋軋抖，曉得 自个 身上 做過 事幹，就 來 跪落 佢 面前，畀 箇 事幹 老實 搭 佢 講。

34 耶穌 搭 佢 講，“嗱，是 爾 相信个 心 救 爾：好 安安穩穩 去；爾 病 是 痊癒。”

> 35 Wæ ze-teh kông, yiu nying jong kwön jü-we-dông cü-ts u-li tseo-le kông, “Ng-keh nô s-gao: ‛o-yüong lao-dong Sin-sang?”
> 36 Yia-su t‛ing-djôh ge kông keh shih-wa, ziu teh kwön jü-we-dông cü-ts kông, “Hyiao hôh; tsih iao siang-sing.”
> 37 Yia-su, djü Pi-teh, Ngô-kôh, teh Ngô-kôh-keh hyüong-di Iah-‛ön ts-nga, feh hyü bih-nying keng Ge k‛e.
> 38 Tseo tao kwön jü-we-dông cü-ts keh u-li; mông-djôh ge lôh-lön ze-teh k‛oh:
> 39 ziu tseo-tsing-k‛e, teh ge-he kông, “tsa-sang lôh-lön ze-teh k‛oh? Nô vong s, z kw‛eng-k‛e.”
> 40 Ge-he ziu siao Ge. Yia-su peh ge-he tu tseo-c‛ih, ziu ta nô-keh nyiang-pang teh keng Ge cü-ts, tseo-tsing nô tao-kæn su-ze;
> 41 ky‛in ge siu, teh ge kông, “Da-li-da, ku-mi:” fæn-c‛ih-le ziu-z, “Nô, Ngô ao ng nang-ky‛i-le.”
> 42 Nô lih-k‛eh nang-ky‛i, we tseo: ge yiu zhih-nyi shü. Ge-he tu gyi-kwa-teh-mang.
> 43 Yia-su ziu tse-sæn coh-fu ge, feh iao peh bih-nying hyiao-teh keh-ky‛i z-kön: yi ao ge do ting peh nô ky‛üoh.

35 還 在𡍲 講，有 人 從 管 聚會堂 主子 塢裏 走來 講，“爾个 囡 死爻：何用 勞動 先生？”

36 耶穌 聽着 佢 講 箇 說話，就 搭 管 聚會堂 主子 講，“𠏕 𢞕；只 要 相信。”

37 耶穌，除 彼得，雅各，搭 雅各个 兄弟 約翰 之外，不 許 別人 跟 佢 去。

38 走 到 管 聚會堂 主子 个 塢裏；望着 佢 六亂 在𡍲 哭：

39 就 走進去，搭 佢許 講，“怎生 六亂 在𡍲 哭？囡 朆 死，是 睏去。”

40 佢許 就 笑 佢。耶穌 畀 佢許 都 走出，就 帶 囡个 孃伯‛ 搭 跟 佢 主子，走進 囡 到吤 所在；

41 牽 佢 手，搭 佢 講，“大利大，古米：” 翻出來 就是，“囡，我 噢 爾 玍起來。”

42 囡 立刻 玍起，會 走：佢 有 十二 歲。佢許 都 奇怪得猛。

43 耶穌 就 再三 囑咐 佢，不 要 畀 別人 曉得 箇起 事幹：貤 噢 佢 馱 點 畀 囡 喫。

===== Mk. VI. =====

第六章.

> YIA-SU li-k‛e keh su-ze, tseo tao Z peng di-fông: meng-du keng Ge.
> 2 Tao ön-sih-nyih Ge ze jü-we-dông kông dao-li: yiu hyü-to nying t‛ing-djôh, ziu gyi-kwa, kông, “Keh Nying jong ‛ah-yi teh-djôh keh-sih z-kön? su s-peh Ge keh ts‛ong-ming t‛ih do, we ts‛ing-siu tso-c‛ih t‛ih do gyi-z!
> 3 Ge ky‛i feh-z Mô-li-ô-keh N, keh moh-ziang lao-s? ky‛i feh-z Ngô-kôh, Iah-si, Yiu-da, Si-meng-keh hyüong-di? Ge ts-me ky‛i feh-z teh ngô-he jü-de djü?” Ziu k‛ön-ky‛ing Ge.
> 4 Yia-su teh ge kông, “Sin-ts-nying, ziah feh ze ge-z di-fông, z ts‛ing-kyün, z u-li, fe m t‛i-min.”

耶穌 離開 所在，走到 自 本 地方：門徒 跟 佢。

2 到 安息日 佢 在 聚會堂 講 道理：有 許多 人 聽着，就 奇怪，講，“箇 人 從 何倚 得着 箇些 事幹？所 賜畀 佢 箇 聰明 僣 大，會 親手 做出 僣 大 奇事！

3 佢 豈 不是 馬利亞个 兒，箇 木匠 老司？豈 不是 雅各，約西，猶大，西門个 兄弟？佢 姊妹 豈 不是 搭 我許 聚隊 住？” 就 看輕 佢。

4 耶穌 搭 佢 講，“先知人，若 不 在 佢自 地方，自 親眷，自 塢裏，𣍐 無 體面。”

> 5 Su-i ze kæn feh neng-keo tso zah-m gyi-z, tsih-yiu siu môh-môh kyi-ke bing-nying, i ge hao.
> 6 Ping-ts‛ia gyi-kwa ge-he feh siang-sing-keh sing. Ziu tseo-pin s-c‛ü hyiang-ts‛eng kông dao-li.

5 所以 在 吤 不 能彀 做 倽某 奇事，只有 手 摸摸 幾個 病人，醫 佢 好。

6 并且 奇怪 佢許 不 相信个 心。就 走遍 四處 鄉村 講 道理。

> 7 YIA-SU ao zih-nyi-keh meng-du, liang-ke tso pæn ts‛a ge k‛e; s-peh ge yiu gyün-ping hao æh-tsi ‛ôh-c‛ôh kyü:
> 8 yi feng-fu ge, djü en-siu-bông ts-nga, ih-ting feh iao ta lu-zông yüong-keh meh-z; pao-voh, liang-zih, du-yü-li-keh dong-din, tu feh iao ta:
> 9 tsih iao ‛a tsiah: feh iao tsiah liang-t‛ong i-zông.
> 10 Yi teh ge-he kông, “Jü-bin nô su-ze ng tseo-tsing ih-veng nying-kô, hao ze-kæn tæn-kôh, ih-dzih tao k‛e z-‛eo.
> 11 Ziah yiu nying feh tsih-ziu ng, feh k‛eng t‛ing ng, hao li-k‛e ge, tæn ng kyiah-ti-keh nyi peh ge-he tso te-tsing. Ngô lao-zih teh ng kông, Tao sing-p‛ön nyih-ts, Su-to-mô teh Ngô-mo-læh-keh ying-væh pi keh zing-li wæ ky‛ing.”

7 耶穌 噢 十二個 門徒，兩個 做 班 差 佢 去；賜畀 佢 有 權柄 好 壓制 齷齪 鬼：

8 貤 吩咐 佢，除 按手棒 之外，一點 不 要 帶 路上 用个 物事；包袱，糧食，肚圍裏个 銅錢，都 不 要 帶：

9 只 要 鞋 撯：不 要 撯 兩統 衣裳。

10 貤 搭 佢許 講，“隨便 哪 所在 爾 走進 一份 人家，好 在吤 耽擱，一直 到 去 時候。

11 若 有 人 不 接受 爾，不 肯 聽 爾，好 離開 佢，担 爾 腳底个 泥 畀 佢許 做 對證。我 老實 搭 爾 講，到 審判 日子，所多瑪 搭 雅摩拉个 刑罰 比 箇 城裏 還 輕。”

> 12 Meng-du tseo-c‛ih-k‛e djün dao-li, ao nying we-sing-cün-i:
> 13 ping-ts‛ia kön-c‛ih hyü-to kyü; yi do yiu fu hyü-to sang-bing nying, i ge hao.

12 門徒 走出去 傳 道理，噢 人 回心轉意：

13 并且 趕出 許多 鬼；貤 馱 油 敷 許多 生病 人，醫 佢 好。

> 14 Hyi-leh wông t‛ing-djôh, (ing-yü Yia-su-keh ming-sing djün-yiang c‛ih-k‛e,) ziu kông, “‛Ang-tsing-li-keh Iah-‛ön jong s-nying weh-cün-le; su-i we hyin-c‛ih keh-sih gyi-z le.”
> 15 Yiu nying kông, “Z Yi-li-ô:” yi yiu kông, “Z sin-ts-nying, ‛ôh-tsia ziang ih-ke ku-z-tsih sin-ts-nying.”
> 16 Hyi-leh ih t‛ing-djôh, kông, “Keh ziu-z ngô su sæh-ku Iah-‛ön: ge z jong s-nying weh-cün-le.”

14 希律 王 聽着，（因爲 耶穌个 名聲 傳揚 出去，）就講，“行浸禮个 約翰 從 死人 活轉來；所以 會 顯出 箇些 奇事 來。”

15 有 人 講，“是 以利亞：” 貤 有 講，“是 先知人，或者 像 一個 古時節 先知人。”

16 希律 一 聽着，講，“箇 就是 我 所 殺過 約翰：佢 是 從 死人 活轉來。”

> 17 Keh Hyi-leh yü ge hyüong-di Fi-lih-keh nyü-k‛ah Hyi-lo-ti z-kön, ts‛a nying k‛ô Iah-‛ön, kwæn ge ze kæn-lao; Hyi-leh z c‛ü Hyi-lo-ti.
> 18 Iah-‛ön teh Hyi-leh kông, “Ng feh ing-ke c‛ü hyüong-di-keh nyü-k‛ah.”
> 19 Su-i Hyi-lo-ti ky‛i Iah-‛ön, wa-sön sæh ge; tsih-z feh neng-keo.
> 20 Ing-yü Hyi-leh hyiao-teh Iah-‛ön z tsing-dzih, yi sing-zin, su-i p‛ô-gyü ge, pao-wu ge; wæ-yiu t‛ing ge kông ziu tso hyü-to z-kön, ping-ts‛ia hwön-hyi t‛ing ge.
> 21 Tao ih-ke kyi-we nyih-ts, ziu-z Hyi-leh-keh sang-nyih bæn-tsiu, ts‛ing do kwön-fu, ts‛in-tsong, teh Kô-li-li kyü-djong-keh nying;
> 22 keh Hyi-lo-ti-keh nô tseo-tsing t‛iao-vu, peh Hyi-leh teh tsiu-yin-zông-keh nying-k‛ah tu hwön-hyi; wông ziu teh keh nô kông, “Jü ng t‛ao zah-m, ngô ziu peh ng.”
> 23 Ping-ts‛ia væh-tsiu, kông, “Feh-leng meng ngô t‛ao zah-m, ziu-z ngô koh-kô ih-pön, ngô tu we peh ng.”
> 24 Keh nô ziu tseo-c‛ih, teh ge m kông, “Ngô hao t‛ao zah-m meh-z?” Ge m kông, “‛Ang-tsing-li Iah-‛ön-keh deo.”
> 25 Ge hông-mông tseo-tsing-k‛e kyin wông-ti, meng ge, kông, “Ngô iao ng peh ngô ‛Ang-tsing-li Iah-‛ön-keh deo, fông ze bön-li, lih-k‛eh s-peh ngô.”
> 26 Wông-ti ting iu-zeo; tsih-z yü væh-ku tsiu, yi yü tsiu-yin-zông nying-k‛ah ze-teh, feh t‛e z.
> 27 Wông-ti ziu ts‛a kwe-ts-siu, feng-fu k‛e do Iah-‛ön-keh deo. Ge ziu k‛e, ze kæn-lao sæh Iah-‛ön;
> 28 deo fông ze bön-li do-le peh keh nô: nô do-k‛e peh ge m.
> 29 Iah-‛ön-keh meng-du t‛ing-djôh, ziu le siu ge s-siu tsông ze veng-di.

17 箇 希律 爲 佢 兄弟 非立个 女客 希羅底 事幹，差 人 揢 約翰，關 佢 在 監牢；希律 是 娶 希羅底。

18 約翰 搭 希律 講，“爾 不應該 娶 兄弟个 女客。”

19 所以 希羅底 氣 約翰，畫算 殺 佢；只是 不 能彀。

20 因爲 希律 曉得 約翰 是 正直，貤 聖善，所以 怕懼 佢，保護 佢；還有 聽 佢 講 就 做 許多 事幹，并且 歡喜 聽 佢。

21 到 一個 機會 日子，就是 希律个 生日 辦酒，請 大 官府，千總，搭 加利利 舉上个 人；

22 箇 希羅底个 囡 走進 跳舞，畀 希律 搭 酒筵上个 人客 都 歡喜；王 就 搭 囡 講，“隨 爾 套 倽某，我 就 畀 爾。”

23 并且 罰咒，講，“不論 問 我 討 倽某，就是 我 國家 一半，我 都 會 畀 爾。”

24 箇 囡 就 走出，搭 佢 母 講，“我 好 討 倽某 物事？” 佢 母 講，“行浸禮 約翰个 頭。”

25 佢 慌忙 走進去 見 皇帝，問 佢，講，“我 要 爾 畀 我 行浸禮 約翰个 頭，放在 盤裏，立刻 賜畀 我。”

26 皇帝 頂 憂愁；只是 爲 罰過 咒，貤 爲 酒筵上 人客 在𡍲，不 推 辭。

27 皇帝 就 差 劊子手，吩咐 去 馱 約翰个 頭。佢 就 去，在 監牢 殺 約翰；

28 頭 放 在 盤裏 馱來 畀 个 囡：囡 馱去 畀 佢 母。

29 約翰个 門徒 聽着，就 來 收 佢 屍首 葬 在 墳地。

> 30 S-DU jü-zih tao Yia-su su-ze le, peh yiang-yiang su tso z-kön, su kông-keh dao-li tu t‛ong-ts Ge.
> 31 Yia-su ziu teh ge kông, “Ng z hao s-‛ô tao ih-ke hông-ia di-fông k‛e tsiang-sih ih-ts‛iang.” Ing-yü le-k‛e-keh nying to, lin ky‛üoh-væn m kong-fu.
> 32 Ge-he ziu lôh jün, s-‛ô tao ih-ke hông-ia di-fông k‛e.

30 使徒 聚集 到 耶穌 所在 來，畀 樣樣 所 做 事幹，所 講个 道理 都 通知 佢。

31 耶穌 就 搭 佢 講，“爾 是 好 私下 到 一個 荒野 地方 去 將息 一瑲。” 因爲 來去个 人 多，連 喫飯 無 工夫。

32 佢許 就 落 船，私下 到 一個 荒野 地方 去。

> 33 Yiu ih-do-pæn nying mông-djôh ge k‛e, yiu hyü-to nying-teh Yia-su; ziu jong kôh zing-li tseo-le diao tao kæn, ping-ts‛ia pi ge-he sin tao, jü-de tao Ge su-ze.
> 34 Yia-su tseo-c‛ih-le, mông-djôh yiu ih-do-pæn nying, ziu fæh z-pe sing e-lin ge, ing-yü tsing-ziang m-nying ke-kwön-keh yiang; Ge ziu kao-hyüing ge-he hyü-to z-kön.

33 有 一大班 人 望着 佢 去，有 許多 認得 耶穌；就 從 各 城裏 走來 趒 到 吤，并且 比 佢許 先 到，聚隊 到 佢 所在。

34 耶穌 走出來， 望着 有 一大班 人，就 發 慈悲 心 愛憐 佢，因爲 真像 無人 該管个 羊；佢 就 教訓 佢許 許多 事幹。

> 35 Kw‛a æn z-‛eo meng-du tseo-le, teh Ge kông, “Keh su-ze z hông-ia di-fông, z-‛eo yi-kying æn-gao;
> 36 hao sæn-k‛e keh-sih nying, peh ge tao deo-ky‛ün hyiang-ts‛eng, z k‛e ma liang-zih; ing-yü ge-he m-kao ky‛üoh.”
> 37 Yia-su we-teh ge-he, kông, “Ng hao peh ge ky‛üoh.” Meng-du teh Ge kông, “Ngô-he hao k‛e ma nyin-liang nying-ts mæn-deo, feng peh ge ky‛üoh!”
> 38 Yia-su teh ge kông, “Ng-he yiu kyi-ke mæn-deo ze-i? hao k‛e mông-mông-siang.” Ge-he mông-ku kông, “Ng-ke; wæ-yiu liang-kwang ng.”
> 39 Yia-su ziu feng-fu ge-he ao cong-nying ze ts‛ing-ts‛ao di ba-ko-ba zo-lôh.
> 40 Ge-he ziu zo-lôh, yiu ih-pah ih-pæn, ng-zih ih-pæn ah yiu.
> 41 Yia-su do keh ng-ke mæn-deo liang-kwang ng, deo nyiang-ky‛i hyiang t‛in, coh-zia-hao; peh mæn-deo p‛ah-k‛e, kao-de meng-du hao pa ze ge-he min-zin: keh liang-kwang ng ah feng peh cong-nying.
> 42 ‛En-kyi ky‛üoh-ku, yi ky‛üoh-pao.
> 43 Siu-zih ling-se, din-mön zih-nyi læn, yi siu-zih ky‛üoh-dzing-keh ng.
> 44 Ky‛üoh mæn-deo cü-ts, mao ng-ts‛in nying.

35 快 晏 時候 門徒 走來，搭 佢 講，“箇 所在 是 荒野 地方，時候 已經 晏爻；

36 好 散去 箇些 人，畀 佢 到 頭圈 鄉村，自 去 買 糧食；因爲 佢許 無較 喫。”

37 耶穌 回答 佢許，講，“爾 好 畀 佢 喫。” 門徒 搭 佢 講，“我許 好 去 買 廿兩 銀子 饅頭，分 畀 佢 喫！”

38 耶穌 搭 佢 講，“爾許 有 幾個 饅頭 在倚？好 去 望望相。” 佢許 望過 講，“五個；還有 兩桄 魚。”

39 耶穌 就 吩咐 佢許 噢 衆人 在 青草 地 排加排 坐落。

40 佢許 就 坐落，有 一百 一班，五十 一班 也 有。

41 耶穌 馱 箇 五個 饅頭 兩桄 魚，頭 仰起 向 天，祝謝好；畀 饅頭 𤖼開，交代 門徒 好 擺 在 佢許 面前：箇 兩桄 魚 也 分畀 衆人。

42 合計 喫過，貤 喫飽。

43 收拾 零碎，填滿 十二 籃，貤 收拾 喫剩个 魚。

44 喫 饅頭 主子，毛 五千 人。

> 45 Yia-su jü-siu ts‛e meng-du lôh jun, sin tao te-‛ön Pah-se-da di-fông k‛e; Z iao teng tao sæn-k‛e keh-do-pæn nying.
> 46 Cong-nying sæn-k‛e yi-‛eo, ziu tao sæn-li k‛e tao-kao.
> 47 Yi-kying æn-gao, keh-tsih jün ze he cong-yiang, Yia-su doh-z ze ‛ön-zông.
> 48 Mông-djôh meng-du ts‛ang jün ting ky‛üoh-lih, yü fong feh jing; tông-yia mao s-kang z-‛eo, tao ge su-ze k‛e; ze he-zông tseo; i-s iao tseo ge ku-sin.
> 49 Meng-du mông-djôh Ge ze he-zông tseo, ts‛eng z hyin-ling, ziu ao-ky‛i-le:
> 50 ing-yü ge tu mông-djôh Ge, hôh-mang. Yia-su teh ge-he kông ih-sing, “Fông-sing; z Ngô; hyiao hôh.”
> 51 Ziu tseo-tsing ge jün; fong ziu zing-gao. Ge-he sing-li kah-nga hôh, hyi-gyi.
> 52 Ge-he ts‛eng-feh-tao keh mæn-deo z-kön, ing-yü ge-keh sing ngang.

45 耶穌 隨手 催 門徒 落船，先 到 對岸 伯賽大 地方 去；自 要 等 到 散去 箇大班 人。

46 衆人 散去 以後，就 到 山裏 去 禱告。

47 已經 晏爻，箇些 船 在 海 中央，耶穌 獨自 在 岸上。

48 望着 門徒 撐 船 頂 喫力，爲 風 不 順；當夜 毛 四更 時候，到 佢 所在 去；在 海上 走；意思 要 走 佢 過先。

49 門徒 望着 佢 在 海上 走，忖 是 顯靈，就 噢起來：

50 因爲 佢 都 望着 佢，𢞕猛。耶穌 搭 佢許 講 一聲，“放心；是 我；𠏕 𢞕。”

51 就 走進 佢 船；風 就 靜爻。佢許 心裏 格外 𢞕，希奇。

52 佢許 忖不到 箇 饅頭 事幹，因爲 佢个 心 硬。

> 53 Ge-he ziu ku-du tao Kah-nyi-sæh-leh di-fông, long-‛ön.
> 54 Jong jün tseo-zông, da-hyiang ziu nying-teh Yia-su;
> 55 ziu diao-pin deo-ky‛ün di-fông, yüong p‛u-pæn kông sang-bing cü-ts, t‛ing Ge ze ‛ah-yi, ziu kông tao kæn-min.
> 56 Væn-pah Yia-su su tseo-tsing-keh, feh-leng zing-li, ts‛eng-zông, hyiang-‛ô, da-hyiang peh sang-bing cü-ts fông ze ka-zông; gyiu Ge tæn-tsih peh ge-he môh-môh Ge i-zông-kying: môh-djôh cü-ts tu hao-gao.

53 佢許 就 過渡 到 革尼撒勒 地方，攏岸。

54 從 船 走上，大向 就 認得 耶穌；

55 就 趒遍 頭圈 地方，用 鋪板 扛 生病 主子，聽 佢 在 何倚，就 扛 到 吤面。

56 凡百 耶穌 所 走進个，不論 城裏，村上，鄉下，大向 畀 生病 主子 放 在 街上；求 佢 單只 畀 佢許 摸摸 佢 衣裳襟：摸着 主子 都 好爻。

===== Mk. VII. =====

第七章.

> YIU Fæh-li-se nying teh kyi-ke doh-shü-nying, jong Yia-lu-sæh-lang le, jü-de tseo tao Yia-su su-ze.
> 2 Mông-djôh Ge kyi-ke meng-du feh kyih-zing-keh siu ze-teh ky‛üoh-væn; (ziu-z vong si-siu;) ziu p‛i-bing ge.
> 3 (Ing-yü Fæh-li-se nying teh ‛en-kyi Yiu-t‛a nying, iao siu tsu-tsong djün-lôh-le-keh ku-tin, ziah feh-z ts-ts-si-si si-siu, feh ky‛üoh-væn.
> 4 Ping-ts‛ia lôh-z cün-le, feh si-si ah feh ky‛üoh. Wæ-yiu hyü-to bih-yiang z-kön z ge-he tsih-ziu iao pao-siu; ziu-z, si-si wön-tsæn teh pe, dong-beng, teh k‛ông-zông.)
> 5 Keh-ts‛iah keh-sih Fæh-li-se nying teh doh-shü-nying meng Yia-su kông, “Ng-keh meng-du tsa-sang feh i tsu-tsong djün-lôh-le-keh ku-tin, feh tsôh si-siu ziu ky‛üoh-væn?”

有 法利賽 人 搭 幾個 讀書人，從 耶路撒冷 來，聚隊 走到 耶穌 所在。

2 望着 佢 幾個 門徒 不 潔淨个 手 在𡍲 喫飯；（就是 朆 洗手；）就 批評 佢。

3 （因爲 法利賽人 搭 合計 猶太 人，要 守 祖宗 傳落來个 古典，若 不是 仔仔細細 洗手，不 喫飯。

4 并且 落市 轉來，不 洗洗 也 不 喫。還有 許多 別樣 事幹 是 佢許 接受 要 保守；就是 洗洗 碗盞 搭 杯，銅盤，搭 囥牀。）

5 箇且 箇些 法利賽 人 搭 讀書人 問 耶穌 講，“爾个 門徒 怎生 不 依 祖宗 傳落來个 古典，不 作 洗手 就 喫飯？”

> 6 Yia-su we-teh kông, “Yi-se-ô ts-tin ng kô-hao-nying zin-deo kông-keh shih-wa zih-ze z-keh, ziang ge sia-teh, kông, ‘Keh pah-sing tsiang-cü kying-djong Ngô; tsih-z ge-keh sing teh Ngô li-yün.
> 7 Ge-he yüong nying-keh feng-fu tông Zông-ti-keh kao-hyüing, z bah-bah voh-z Ngô.’
> 8 Ing-yü ng-he z tön-gao Zông-ti-keh leh-fæh, pao-siu nying djün-lôh-le-keh ku-tin, ziang si wön-tsæn teh pe: yi tso hyü-to keh-yiang-ts z-kön.”
> 9 Yi teh ge kông, “Ng zih-ze z fi Zông-ti leh-fæh, deh-di k‛e pao-siu ng djün-lôh-le-keh ku-tin.
> 10 Mo-si kông, ‘Yüong kying-djong ng-keh vu-meo:’ yi kông, ‘Zôh ah-pang ‛ôh-tsia m cü-ts, pih iao bæn ge s-ze.’
> 11 Dæn-z ng kông, ‘Ziah yiu nying teh ge pang ‛ôh-tsia m kông, ‘Ngô ing-tông tao ng-keh hao-c‛ü kôh-pæn,’ ziu-z, tseng-ky‛i peh Zông-ti keh ka-shih, —
> 12 ng ‛eo-deo feh hyü ge tse do zah-m hao-c‛ü peh pang teh m.
> 13 Z-t‛ih, yü ng djün-k‛e-keh ku-tin, fi-gao Zông-ti-keh dao-li. Ng yi tso hyü-to keh-yiang-ts z-kön.”

6 耶穌 回答 講，“以賽亞 指點 爾 假好人 前頭 講个 說話 實在 是个，像 佢 寫𡍲，講，‘箇 百姓 張嘴 敬重 我；只是 佢个 心 搭 我 離遠。

7 佢許 用 人个 吩咐 當 上帝个 教訓，是 白白 服事 我。’

8 因爲 爾許 是 斷爻 上帝个 律法，保守 人 傳落來个 古典，像 洗 碗盞 搭 杯：貤 做 許多 箇樣子 事幹。”

9 貤 搭 佢 講，“爾 實在 是 廢 上帝 律法，特地 去 保守 爾 傳落來个 古典。

10 摩西 講，‘用 敬重 爾个 父母：’ 貤 講，‘𧮙 阿伯‛ 或者 母 主子，必要 辦 佢 死罪。’

11 但是 爾 講，‘若 有 人 搭 佢 伯‛ 或者 母 講，‘我 應當 到 爾个 好處 各板，’ 就是，罇器 畀 上帝 个 解說，——((Beno：此處讀起來很不順，或有誤))

12 爾 後頭 不 許 佢 再 馱 倽某 好處 畀 伯‛ 搭 母。

13 是僣，爲 爾 傳開个 古典，廢爻 上帝个 道理。爾 貤 做 許多 箇樣子 事幹。”

> 14 Yia-su ziu ao keh-pæn nying le, teh ge kông, “Ng cong-nying tu ke t‛ing Ngô, ah iao ming-bah:
> 15 Jong nying nga-min tseo-tsing-keh meh-z feh neng-keo tsông ge ‛ôh-c‛ôh, tsih-yiu jong ge li-min c‛ih-le-keh, keh we tsông nying ‛ôh-c‛ôh.
> 16 Yiu ng-to we t‛ing-keh cü-ts, ke t‛ing.”

14 耶穌 就 噢 箇班 人 來，搭 佢 講，“爾 衆人 都 該 聽 我，也 要 明白：

15 從 人 外面 走進个 物事 不 能彀 妝 佢 齷齪，只有 從 佢 裏面 出來个，箇 會 妝 人 齷齪。

16 有 耳朵 會 聽个 主子，該 聽。”

> 17 Yia-su li-k‛e keh-pæn nying tseo-tsing u-li z-‛eo, meng-du ziu meng Ge keh pi-fông-keh i-s.
> 18 Ge kông, “Lin ng-he ah feh ming-bah! Ky‛i feh hyiao-teh, væn-pah jong nga-min tseo-tsing nying li-min feh neng-keo tsông ge ‛ôh-c‛ôh?
> 19 Ing-yü feh tseo-tsing ge sing-li, z ‛ang-lôh du-li; ziu ka-c‛ih mang-k‛ang: z-t‛ih, ge væn-pah su ky‛üoh-keh hwa kön-zing-gao.”
> 20 Yi kông, “Jong nying c‛ih-le-keh, keh z we tsông ge ‛ôh-c‛ôh.
> 21 Ing-yü jong li-min, nying-keh sing-li fæh-c‛ih-le, z yiu ôh-keh ts‛eng-deo, t‛eo nyü-k‛ah, biao piao-ts, tso hyüong-siu,
> 22 tso dao-zeh, t‛ön-ze, ôh-doh, kæn-tsô, ‛eo s-yüoh, sang tu-gyi, teh hyü-pông, kyiao-ngao, gyüông-vông, keh-sih.
> 23 Væn-pah keh-yiang-ts feh hao tu z jong li-min c‛ih-le, we tsông nying ‛ôh-c‛ôh.”

17 耶穌 離開 箇班 人 走進 塢裏 時候，門徒 就 問 佢 箇 比方个 意思。

18 佢 講，“連 爾許 也 不 明白！豈 不 曉得，凡百 從 外面 走進 人 裏面 不 能彀 妝 佢 齷齪？

19 因爲 不 走進 佢 心裏，是 行落 肚裏；就 解出 甿坑：是僣，佢 凡百 所 喫个 化 乾淨爻。”

20 貤 講，“從 人 出來个，箇 是 會 妝 佢 齷齪。

21 因爲 從 裏面，人个 心裏 發出來，是 有 惡个 忖頭，偷 女客，嫖 婊子，做 兇手，

22 做 盜賊，貪財，惡毒，奸詐，候 私慾，生 妒忌，搭 毀謗，驕傲，狂妄，箇些。

23 凡百 箇樣子 不 好 都 從 裏面 出來，會 妝 人 齷齪。”

> 24 YIA-SU jong kæn ky‛i-sing, tao T‛e-lo Si-teng di-ka k‛e: tseo-tsing ih-veng nying-kô, feh iao peh bih-nying hyiao-teh; tsih-z ing-mön-feh-le.
> 25 Ing-yü yiu ih-ke nyü-k‛ah, ge siao nô bi ‛ôh-c‛ôh kyü vu-teh, t‛ing Yia-su-keh z-kön, tseo-le p‛oh-lôh Ge kyiah-‛ô.
> 26 Keh nyü-k‛ah z Hyi-leh nying, sang ze Jü-li-Fi-nyi-kyi keh koh: ge gyiu Yia-su peh ge nô kön-c‛ih keh kyü.
> 27 Yia-su teh ge kông, “Ke peh n-nô sin ky‛üoh-pao: feh hao do n-nô-keh ky‛üoh-zih tön peh keo.”
> 28 Keh nyü-k‛ah we-teh Ge, kông, “Cü, z-keh: ing-yü keo ze côh-‛ô hao ky‛üoh siao-nying tih-lôh-keh ling-se.”
> 29 Yia-su teh ge kông, “Yü keh shih-wa, ng hao k‛e; kyü yi-kying jong ng-keh nô tseo-c‛ih-gao.”
> 30 Ge tseo-tao u-li; mông-djôh kyü yi-kying c‛ih-k‛e-gao, nô ze min-zông kw‛eng-kæn.

24 耶穌 從 吤 起身，到 推羅 西頓 地界 去：走進 一份 人家，不 要 畀 別人 曉得；只是 隱瞞不來。

25 因爲 有 一個 女客，佢 小 囡 被 齷齪 鬼 附𡍲，聽 耶穌个 事幹，走來 覆落 佢 腳下。

26 箇 女客 是 希律 人，生 在 敘利非尼基 箇 國：佢 求 耶穌 畀 佢 囡 趕出 箇 鬼。

27 耶穌 搭 佢 講，“該 畀 兒囡 先 喫飽：不 好 馱 兒囡个 喫食 斷 畀 狗。”

28 箇 女客 回答 佢，講，“主，是个：因爲 狗 在 桌下 好 喫 小人 跌落个 零碎。”

29 耶穌 搭 佢 講，“爲 箇 說話，爾 好 去；鬼 已經 從 爾个 囡 走出爻。”

30 佢 走到 塢裏；望着 鬼 已經 出去爻，囡 在 眠牀 睏吤。

> 31 YIA-SU li-k‛e T‛e-lo Si-teng di-ka, tang Di-kô-po-li di-fông ku, tao Kô-li-li he-pin.
> 32 Yiu nying ta-le ih-ke long-bang yi z keh-zih, gyiu Yia-su siu en-en ge.
> 33 Yia-su ta ge li-k‛e keh-pæn nying tao s-‛ô su-ze; peh tsih-mih-deo long-tsing ge ng-to, yi t‛u zæn-t‛u, t‛æh ge k‛eo-zih;
> 34 deo nyiang-ky‛i hyiang t‛in, t‛æn ih-k‛eo ky‛i, teh ge kông, “Yi-fæh-da,” ziu-z “Hao k‛e” keh ka-shih.
> 35 Ge-keh ng-to lih-k‛eh k‛e-gao, k‛eo-zih-keh kyih ka-sæn, kông shih-wa ziu li-ts‛ing.

31 耶穌 離開 推羅 西頓 地界，打 提加波利 地方 過，到 加利利 海邊。

32 有 人 帶來 一個 聾棚 貤 是 結舌，求 耶穌 手 按按 佢。

33 耶穌 帶 佢 離開 箇班 人 到 私下 所在；畀 節末頭 隆進 佢 耳朵，貤 吐 瀺吐，搨 佢 口舌；

34 頭 仰起 向 天，嘆 一口 氣，搭 佢 講，“以法大，” 就是 “好 去” 个 解說。

35 佢个 耳朵 立刻 開爻，口舌个 結 解散，講 說話 就 濾清。

> 36 Yia-su coh-fu ge-he hyiao teh bih-nying kông: dæn-z yüih coh-fu, ge-he yüih-fæh yiang-k‛e.
> 37 Ping-ts‛ia kah-nga hyi-gyi-teh-mang, kông, “Ge yiang-yiang z-kön tso-teh hao: long-bang, we peh ge t‛ing; ô-lao, we peh ge kông.”

36 耶穌 囑咐 佢許 𠏕 搭 別人 講：但是 越 囑咐，佢許 越發 揚開。

37 并且 格外 希奇得猛，講，“佢 樣樣 事幹 做得 好：聾棚，會 畀 佢 聽；啞佬，會 畀 佢 講。”

===== Mk. VIII. =====

第八章.

> KEH z-‛eo yiu ih-do-pæn nying jü-de, yi m-kao ky‛üoh, Yia-su ziu ao Ge meng-du le, teh ge kông,
> 2 “Ngô e-lin keh-pæn nying, ing-yü teh Ngô jü-de yi-kying sæn-nyih, keh-ts‛iah m-kao hao ky‛üoh:
> 3 Ngô ziah peh ge nge-du kyü-kô, ge lu-zông iao m-lih; ing-yü yiu-sih z yün di-fông le.”
> 4 Meng-du we-teh Ge, kông, “Ze-i z hông-ia di-fông, ‛ah-yi le yiu ky‛üoh-zih hao peh ge-he ky‛üoh pao?”
> 5 Yia-su meng ge-he kông, “Ng-he yiu kyi-ke mæn-deo ze-teh?” Ge kông, “Ts‛ih-ke.”
> 6 Yia-su ziu feng-fu keh-pæn nying zo ze di-zông: do keh ts‛ih-ke mæn-deo, coh-zia hao, p‛ah-k‛e, kao-de meng-du hao pa-k‛e; meng-du ziu pa ze keh-pæn nying min-zin.
> 7 Ge-he wæ-yiu kyi-kwang siao ng: Yia-su yi coh-zia hao, feng-fu ah z-t‛ih k‛e pa-kæn.
> 8 ‛En-kyi ky‛üoh-pao: ky‛üoh-dzing-keh ling-se siu-zih, yiu ts‛ih læn.
> 9 Ky‛üoh-keh cü-ts mao s-ts‛in nying. Yia-su ziu sæn-k‛e ge-he.

箇 時候 有 一大班 人 聚隊，貤 無較 喫，耶穌 就 噢 佢 門徒 來，搭 佢 講，

2 “我 愛憐 箇班 人，因爲 搭 我 聚隊 已經 三日，箇且 無較 好 喫：

3 我 若 畀 佢 餓肚 歸家，佢 路上 要 無力；因爲 有些 是 遠 地方 來。”

4 門徒 回答 佢，講，“在倚 是 荒野 地方，何倚 來 有 喫食 好 畀 佢許 喫 飽？”

5 耶穌 問 佢許 講，“爾許 有 幾個 饅頭 在𡍲？” 佢 講，“七個。”

6 耶穌 就 吩咐 箇班 人 坐 在 地上：馱 箇 七個 饅頭，祝謝 好，𤖼開，交代 門徒 好 擺開；門徒 就 擺 在 箇班 人 面前。

7 佢許 還有 幾桄 小 魚：耶穌 貤 祝謝 好，吩咐 也 是僣 去 擺吤。

8 合計 喫飽：喫剩个 零碎 收拾，有 七 籃。

9 喫个 主子 毛 四千 人。耶穌 就 散去 佢許。

> 10 Ge jü-siu teh meng-du lôh jün, tao Da-mô-nu-da di-fông k‛e.
> 11 Yiu Fæh-li-se nying tseo-c‛ih-le, bön-meng Ge, gyiu Ge ih-ke t‛in-li-keh dziao-deo; i-s iao s-s Ge.
> 12 Yia-su sing-li ziu t‛æn-ky‛i, kông, “Keh si-de tsa-sang iao gyiu dziao-deo? Ngô lao-zih teh ng kông, Tsong feh hyin-c‛ih dziao-deo peh keh si-de mông.”
> 13 Ziu li-k‛e ge, yi lôh jün tao te-‛ön k‛e.
> 14 Meng-du mông-kyi ta liang-zih; ge jün-li m-kao bih-yiang ze-teh, tsih-yiu ih-ke mæn-deo.

10 佢 隨手 搭 門徒 落船，到 大瑪努大 地方 去。

11 有 法利賽 人 走出來，盤問 佢，求 佢 一個 天裏个 兆頭；意思 要 試試 佢。

12 耶穌 心裏 就 嘆氣，講，“箇 世代 怎生 要 求 兆頭？我 老實 搭 爾 講，總 不 顯出 兆頭 畀 箇 世代 望。”

13 就 離開 佢，貤 落 船 到 對岸 去。

14 門徒 忘記 帶 糧食；佢 船裏 無較 別樣 在𡍲，只有 一個 饅頭。

> 15 Yia-su coh-fu ge-he, kông, “Yüong siao-sing vông-bi Fæh-li-se nying-keh kao-shü, teh Hyi-leh-keh kao-shü.”
> 16 Meng-du ziu jü-de nyi-leng, kông, “Keh z yü ngô-he m-yiu mæn-deo.”
> 17 Yia-su hyiao-teh, ziu teh ge-he kông, “Ng tsa-sang yü m-yiu mæn-deo ze-teh nyi-leng? Ng wæ feh hyiao-teh, wæ feh ming-bah? Ng-keh sing wæ z ngang?
> 18 Ng yiu ngæn tsa-sang feh mông? yiu ng-to tsa-sang feh t‛ing? tsa-sang feh kyi-teh?
> 19 Ngô zin-deo p‛ah-k‛e keh ng-ke mæn-deo feng peh ng-ts‛in nying, ng-he siu-zih ling-se din-mön yiu kyi læn?” Ge-he kông, “Zih-nyi læn.”
> 20 “Wæ-yiu keh ts‛ih-ke mæn-deo feng peh s-ts‛in nying, ng siu-zih ling-se din-mön yiu kyi læn?” Ge-he kông, “Ts‛ih læn.”
> 21 Ziu teh ge-he kông, “Ng-he tsa-sang wæ feh ming-bah?”

15 耶穌 囑咐 佢許，講，“用 小心 防備 法利賽 人个 酵水，搭 希律个 酵水。”

16 門徒 就 聚隊 議論，講，“箇 是 爲 我許 無有 饅頭。”

17 耶穌 曉得，就 搭 佢許 講，“爾 怎生 爲 無有 饅頭 在𡍲 議論？爾 還 不 曉得，還 不 明白？爾个 心 還 是 硬？

18 爾 有 眼 怎生 不 望？有 耳朵 怎生 不 聽？怎生 不 記得？

19 我 前頭 𤖼開 箇 五個 饅頭 分 畀 五千 人，爾許 收拾 零碎 填滿 有 幾 籃？” 佢許 講，“十二 籃。”

20 “還有 箇 七個 饅頭 分 畀 四千 人，爾 收拾 零碎 填滿 有 幾籃？” 佢許 講，“七 籃。”

21 就 搭 佢許 講，“爾許 怎生 還 不 明白？”

> 22 Tseo tao Pah-se-da; yiu nying ta ih-ke hæh-ngæn le, gyiu Yia-su môh-môh ge.
> 23 Ge ziu ky‛in hæh-ngæn-keh siu, ta ge tseo-c‛ih hyiang-ts‛eng; keh-ts‛iah t‛u zæn-t‛u ze ge ngæn-li, siu en-en ge, meng ge yiu zah-m mông-djôh feh.
> 24 Hæh-ngæn deo nyiang-ky‛i mông-mông, kông, “Ngô mông-djôh nying, ziang jü ze-teh tseo.”
> 25 Yi siu en-en ge ngæn, ao ge tse nyiang-ky‛i mông-mông: ge ziu hao-gao, yiang-yiang mông-djôh ts‛ing-k‛ôh.
> 26 Yia-su ao ge cün u-li k‛e, kông, “Feh iao tseo-tsing keh hyiang-ts‛eng k‛e; ah feh iao kông peh hyiang-ts‛eng-li nying t‛ing.”

22 走 到 伯賽大； 有 人 帶 一個 瞎眼 來，求 耶穌 摸摸 佢。

23 佢 就 牽 瞎眼个 手，帶 佢 走出 鄉村；箇且 吐 瀺吐 在 佢 眼裏，手 按按 佢，問 佢 有 倽某 望着 不。

24 瞎眼 頭 仰起 望望，講，“我 望着 人，像 樹 在𡍲 走。”

25 貤 手 按按 佢 眼，噢 佢 再 仰起 望望：佢 就 好爻，樣樣 望着 清確。

26 耶穌 噢 佢 轉 塢裏 去，講，“不 要 走進 箇 鄉村 去；也 不 要 講 畀 鄉村裏 人 聽。”

> 27 YIA-SU teh meng-du ky‛i-sing, tao Ke-sæh-li-ô Fi-lih-pi-keh hyiang-ts‛eng k‛e: lu-zông meng Ge meng-du, kông, “Bih-nying kông Ngô z kæh-nying?”
> 28 Ge we-teh kông, “Yiu-sih kông z ‛Ang-tsing-li-keh Iah-‛ön; yiu-sih z Yi-li-ô; wæ-yiu kông z sin-ts-nying nen-cong ih-ke.”
> 29 Yia-su teh ge-he kông, “Ng-he kông Ngô z kæh-nying?” Pi-teh we-teh Ge, kông, “Ng z keh-yü Kyi-toh.”
> 30 Ge ziu coh-fu ge-he, feh iao teh bih-nying kông Ge-keh z-kön.

27 耶穌 搭 門徒 起身，到 該撒利亞 非立比个 鄉村 去：路上 問 佢 門徒，講，“別人 講 我 是 吤人？”

28 佢 回答 講，“有些 講 是 行浸禮个 約翰；有些 是 以利亞；還有 講 是 先知人 內中 一個。”

29 耶穌 搭 佢許 講，“爾許 講 我 是 吤人？” 彼得 回答 佢，講，“爾 是 箇位 基督。”

30 佢 就 囑咐 佢許，不 要 搭 別人 講 佢个 事幹。

> 31 Keh-ts‛iah Yia-su kao ge-he kông, “Nying-keh N pih iao ziu hyü-to k‛u-næn, bi tsiang-lao, tsi-s-deo, teh doh-shü-nying in-ky‛i, tsông-s, ku sæn-nyih yi weh-cün-le.”
> 32 Ge ming-ming kông keh shih-wa. Pi-teh te-te Ge, ky‛ün Ge.
> 33 Yia-su le-cün, mông-mông meng-du, ziu tsah-væh Pi-teh, kông, “Sæh-dæn tseo-ku: ing-yü ng feh liu-sing Zông-ti z-kön, tæn liu-sing nying-keh z-kön.”

31 箇且 耶穌 教 佢許 講，“人个 爾 必 要 受 許多 苦難，被 長老，祭司頭，搭 讀書人 厭棄，妝死，過 三日 貤 活轉來。”

32 佢 明明 講 箇 說話。彼得 𠡒𠡒 佢，勸 佢。

33 耶穌 擂轉，望望 門徒，就 責罰 彼得，講，“撒但 走過：因爲 爾 不 留心 上帝 事幹，單 留心 人个 事幹。”

> 34 Ziu ao cong-nying teh meng-du le, teh ge-he kông, “Ziah yiu nying iao keng Ngô, ing-tông feh ‛eo z, gwæn z zih-z-kô, le keng Ngô.
> 35 Væn-pah iao pao-jün z sing-ming cü-ts, we sông-gao ge; væn-pah yü Ngô teh foh-ing sông-gao sing-ming, we pao-jün ge.
> 36 Ziah yiu nying teh-djôh t‛ong-t‛in-‛ô-keh ze-veh, sông-gao z ling-weng, yiu zah-m ih-c‛ü?
> 37 ‛Ôh-tsia ih-ke nying hao pa zah-m meh-z k‛e c‛ü ge ling-weng?
> 38 Væn-pah ze keh kæn-ying ze-ôh-keh si-de ôh-nying-siang Ngô teh Ngô-keh dao-li, Nying-keh N yiu Ge Pang-keh yüong-wa teh sing-zin t‛in-s jü-de le z-‛eo, ah pih-ding iao ôh-nying-siang ge.”

34 就 噢 衆人 搭 門徒 來，搭 佢許 講，“若 有 人 要 跟 我，應當 不 候 自，擐 自 十字架，來 跟 我。

35 凡百 要 保全 自 性命 主子，會 喪爻 佢；凡百 爲 我 搭 福音 喪爻 性命，會 保全 佢。

36 若 有 人 得着 統天下个 財物，喪爻 自 靈魂，有 倽某 益處？

37 或者 一個 人 好 擺 倽某 物事 去 取 佢 靈魂？

38 凡百 在 箇 姦淫 罪惡个 世代 下人相 我 搭 我个 道理，人个 兒 有 佢 伯‛个 榮華 搭 聖善 天使 聚隊 來 時候，也 必定 要 下人相 佢。”

===== Mk. IX. =====

第九章.

> Yia-su yi teh ge kông, “Ngô lao-zih teh ng kông, Gyi ze-i yiu nying, vong s zin-deo we mông-djôh Zông-ti-keh koh yiu gyün-ping le.”

耶穌 貤 搭 佢 講，“我 老實 搭 爾 講，徛 在倚 有 人，朆 死 前頭 會 望着 上帝个 國 有 權柄 來。”

> 2 KU loh-nyih, Yia-su ta Pi-teh, Ngô-kôh, Iah-‛ön, tseo-zông ih-tu kao sæn tao s-‛ô su-ze Z ze-kæn. Ze ge-he min-zin pin kôh-yiang siang-mao:
> 3 Ge-keh i-zông fæh kwông, ziang shih t‛ih bah, si-zông m-yiu ih-ke p‛iao-bah lao-s neng-keo p‛iao ge t‛ih bah.
> 4 Ge-he mông-djôh Yi-li-ô teh Mo-si yin-c‛ih-le, teh Yia-su ze-teh kông.
> 5 Pi-teh ziu teh Yia-su kông, “Fu-ts, ngô-he ze-i ting hao: ngô-he hao tæh sæn-ting tsiang-bong; ih-ting peh Ng, ih-ting peh Mo-si, ih-ting peh Yi-li-ô.”
> 6 Ge feh hyiao-teh ke tsa-sang kông; ing-yü Ge-he tu hôh-mang.
> 7 Ziu yiu ih-tu yüing tsô-lao ge-he; yüing-li yiu sing-ing c‛ih-le, kông, “Keh z Ngô ts‛ing-e-keh N: Ng yüong t‛ing ge.”
> 8 Ge-he hweh-zin deo-ky‛ün mông-mông, feh tse mông-djôh bih-nying, tsih-yiu Yia-su teh ge-he jü-de.

2 過 落日，耶穌 帶 彼得，雅各，約翰，走上 一堵 高 山 到 私下 所在 自 在吤。在 佢許 面前 變 各樣 相貌：

3 佢个 衣裳 發 光，像 雪 僣 白，世上 無有 一個 漂白 老司 能彀 漂 佢 僣 白。

4 佢許 望着 以利亞 搭 摩西 現出來，搭 耶穌 在𡍲 講。

5 彼得 就 搭 耶穌 講，“父子，我許 在倚 頂 好：我許 好 搭 三頂 帳篷；一頂 畀 爾，一頂 畀 摩西，一頂 畀 以利亞。”

6 佢 不 曉得 該 怎生 講；因爲 佢許 都 𢞕猛。

7 就 有 一朵 雲 遮牢 佢許；雲裏 有 聲音 出來，講，

8 佢許 忽然 頭圈 望望，不 再 望着 別人，只有 耶穌 搭 佢許 聚隊。

> 9 Tseo-lôh sæn z-‛eo, Yia-su coh-fu ge-he feh iao teh bih-nying kông su mông-djôh-keh z-kön, ih-dzih tao Nying-keh N jong s-nying cong-yiang weh-cün-le.
> 10 Ge-he k‛ông keh shih-wa, jü-de nyi-leng, keh “Jong s-nying cong-yiang weh-cün-le” tao-ti zao i-s.

9 走落 山 時候，耶穌 囑咐 佢許 不 要 搭 別人 講 所 望着个 事幹，一直 到 人个 兒 從 死人 中央 活轉來。

10 佢許 囥 箇 說話，聚隊 議論，箇 “從 死人 中央 活轉來” 到底 倽 意思。

> 11 Ge-he ziu meng Ge, kông, “Doh-shü-nying tsa-sang kông Yi-li-ô pih iao sin le?”
> 12 Yia-su we-teh ge-he, kông, “Yi-li-ô z-zin sin le, w̆æn-we væn-pah z-kön: ping-ts‛ia ng-he hyiao-teh Sing-shü-li tsa kông, Nying-keh N pih iao ziu hyü-to k‛u-næn, bi bih-nying mông-feh-ky‛i.
> 13 Ngô teh ng kông, Yi-li-ô z yi-kying le-ku, nying ah ‛eo z i-s de ge, ziang Sing-shü li ts-tin ge.”

11 佢許 就 問 佢，講，“讀書人 怎生 講 以利亞 必 要 先 來？”

12 耶穌 回答 佢許，講，“以利亞 自然 先 來，挽回 凡百 事幹：并且 爾許 曉得 聖書裏 怎 講，人个 兒 必 要 受 許多 苦難，被 別人 望不起。

13 我 搭 爾 講，以利亞 是 已經 來過，人 也 候 自 意思 代 佢，像 聖書 裏 指點 佢。”

> 14 TSEO tao meng-du su-ze, mông-djôh ih-do-pæn nying wu-lao, ping-ts‛ia yiu doh-shü-nying teh ge-he bin-leng.
> 15 Cong-nying ih mông-djôh Yia-su, tu kying-hyin, ziu diao-le tsiao-tsih Ge.
> 16 Ge ziu meng keh-sih doh-shü-nying, kông, “Ng teh ge-he bin-leng zah-m?”
> 17 Cong-nying li-min yiu ih-ke we-teh Ge, kông, “Sin-sang, ngô ta ngô-keh n tao Ng su-ze le, z yiu ô-lao kyü vu-teh-keh:
> 18 ziah-z nô su-ze vu-djôh ge, ziu peh ge nyiu-lao; tsiang-cü liu-c‛ih bah-væh, ngao-ngô ts‛ih-ts‛, ge tsih we kyiang-le: ngô yi-kying gyiu Ng-keh meng-du kön ge c‛ih; ge-he feh neng-keo.”
> 19 Yia-su we-teh ge, kông, “‛E! feh siang-sing-keh si-de! Ngô wæ iao teh ng-he jü-de tao kyi-z? wæ iao zing-ne ng-he tao kyi-z? Hao ta ge tao Ngô su-ze le.”

14 走 到 門徒 所在，望着 一大班 人 護牢，并且 有 讀書人 搭 佢許 評論。

15 衆人 一 望着 耶穌，都 驚險，就 趒來 招接 佢。

16 佢 就 問 箇些 讀書人，講，“爾 搭 佢許 評論 倽某？”

17 衆人 裏面 有 一個 回答 佢，講，“先生，我 帶 我个 兒 到 爾 所在 來，是 有 啞佬 鬼 附𡍲个：

18 若是 哪 所在 附着 佢，就 畀 佢 扭牢；張嘴 流出 白泛，咬牙 切齒，佢 只 會 僵來：我 已經 求 爾个 門徒 趕 佢 出；佢許 不 能彀。”

19 耶穌 回答 佢，講，“咳！不 相信个 世代！我 還 要 搭 爾許 聚隊 到 幾時？還 要 忍耐 爾許 到 幾時？好 帶 佢 到 我 所在 來。”

> 20 Ge ziu ta ge le: ih mông-djôh Yia-su, kyü lih-k‛eh tsông ge weh-gyüông-weh-tin; ge ziu tih ze di, fæn-le-foh-k‛e, cü liu-c‛ih bah-væh le.
> 21 Yia-su meng ge pang, kông, “Ge keh yiang-ts yiu kyi-z?” Ge kông, “Jong siao:
> 22 kyü peh-zông tön ge ze ho-ha, yi tön ge ze shü-ha, iao djü-mih ge: Ng ziah yiu zah-m neng-kön, gyiu Ng fæh z-pe sing pông-zu ngô-he.”
> 23 Yia-su teh ge kông, “Ng ziah neng-keo siang-sing, siang-sing cü-ts pah-yiang z-kön tu neng-keo.”
> 24 Siao-nying-keh pang ziu ngæn-li-c‛ih, ao-hyiang kông, “Cü, ngô siang-sing; gyiu Ng pông-zu ngô feh siang-sing-keh sing.”

20 佢 就 帶 佢 來：一 望着 耶穌，鬼 立刻 妝 佢 活狂活癲；佢 就 跌 在 地，翻來覆去，嘴 流出 白泛 來。

21 耶穌 問 佢 伯‛，講，“佢 箇 樣子 有 幾時？” 佢 講，“從 小：

22 鬼 不常 斷 佢 在 火嶰，貤 斷 佢 在 水嶰，要 除滅 佢：爾 若 有 倽某 能幹，求 爾 發 慈悲 心 幫助 我許。”

23 耶穌 搭 佢 講，“爾 若 能彀 相信，相信 主子 百樣 事幹 都 能彀。”

24 小人个 伯‛ 就 眼淚出，噢響 講，“主，我 相信；求 爾 幫助 我 不 相信个 心。”

> 25 Yia-su mông-djôh cong-nying diao-le, ziu si keh ‛ôh-c‛ôh kyü, teh ge kông, “Ng ô-lao long-bang-keh kyü, Ngô feng-fu ng jong ge c‛ih-le, feh-k‛o tse tseo-tsing-k‛e.”
> 26 Kyü ziu ia-ia-sing, tsông ge weh-gyüông-weh-tin teh-mang c‛ih-k‛e: keh siao-nying ziang s-nying; yiu hyü-to nying kông, “Ge z s-gao.”
> 27 Yia-su ky‛in ge siu, tông ge ky‛i; ge ziu gyi-ky‛i-le.

25 耶穌 望着 衆人 趒來，就 嘶 箇 齷齪 鬼，搭 佢 講，“爾 啞佬 聾棚个 鬼，我 吩咐 爾 從 佢 出來，不可 走進 去。”

26 鬼 就 吆吆聲，妝 佢 活狂活癲 得猛 出去：箇 小人 像 死人；有 許多 人 講，“佢 是 死爻。”

27 耶穌 牽 佢 手，擋 佢 起；佢 就 徛起來。

> 28 Yia-su tseo-tsing oh-li, meng-du s-‛ô meng Ge, kông, “Ngô-he tsa-sang feh neng-keo kön ge c‛ih?”
> 29 Yia-su teh ge kông, “Keh ‛ao kyü, ziah feh yüong tao-kao teh kying-zih, tsong feh neng-keo kön-c‛ih.”

28 耶穌 走進 屋裏，門徒 私下 問 佢，講，“我許 怎生 不 能彀 趕 佢 出？”

29 耶穌 搭 佢 講，“箇 號 鬼，若 不 用 禱告 搭 禁食，總 不 能彀 趕出。”

> 30 GE-HE ziu li-k‛e keh su-ze, tseo-ku Kô-li-li; Ge feh iao peh bih-nying hyiao-teh.
> 31 Ing-yü ze-teh kao-hyüing Ge-keh meng-du, kông, “Nying-keh N iao song peh nying-keh siu-li, bi ge tsông-s; tsông-s ts-‛eo, tao di-sæn-nyih yi we weh-cün-le.”
> 32 Keh shih-wa meng-du feh ming-bah, yi feh-kön meng Ge.

30 佢許 就 離開 箇 所在，走過 加利利；佢 不 要 畀 別人 曉得。

31 因爲 在𡍲 教訓 佢个 門徒，講，“人个 兒 要 送 畀 人个 手裏，被 佢 妝死；妝死 之後，到 第三日 貤 會 活轉來。”

32 箇 說話 門徒 不 明白，貤 不敢 問 佢。

> 33 Yia-su tseo tao Kô-pah-nong: ze oh-li, meng ge meng-du kông, “Ng-he lu-zông jü-de nyi-leng zah-m?”
> 34 Ge feh ing: ing-yü lu-zông z jü-de nyi-leng tao-ti kæh-nying do.
> 35 Ge ziu zo-lôh, ao zih-nyi meng-du le, teh ge kông, “Kæh-nying siang tso deo, pih iao ze cong-nying lôh-‛eo, voh-z cong-nying.”
> 36 Ziu ky‛in-le ih-ke siao-nying, peh ge gyi ze cong-yiang, ping-ts‛ia yi do ge, teh ge-he kông,
> 37 “Ziah yiu nying yü Ngô ming-deo tsih-de ih-ke keh yiang-ts siao-nying, ziu-z tsih-de Ngô: ziah yiu nying tsih-de Ngô, feh-z tsih-de Ngô, z tsih-de ts‛a Ngô le Cü-ts.”

33 耶穌 走 到 迦百農：在 屋裏，問 佢 門徒 講，“爾許 路上 聚隊 議論 倽某？”

34 佢 不 應：因爲 路上 是 聚隊 議論 到底 吤人 大。

35 佢 就 坐落，噢 十二 門徒 來，搭 佢 講，“吤人 想 做 頭，必 要 在 衆人 落後，服事 衆人。”

36 就 牽來 一個 小人，畀 佢 徛 在 中央，并且 貤 馱 佢，搭 佢許 講，

37 “若 有 人 爲 我 名頭 接待 一個 箇 樣子 小人，就是 接待 我：若 有 人 接待 我，不是 接待 我，是 接待 差 我 來 主子。”

> 38 Iah-ön ziu teh Ge kông, “Sin-sang, ngô-he mông-djôh ih-ke nying, yüong Ng-keh ming-deo kön-c‛ih kyü: ge z feh keng ngô-he, yü ge feh keng ngô-he, su-i tsu-djü ge.”
> 39 Yia-su kông, “Feh-k‛o tsu-djü ge: ih-ke nying t‛ôh Ngô ming-deo tso zing-tsih, we kw‛a k‛e hyü-pông Ngô, tsong m-yiu.
> 40 Væn-pah feh tso ngô-he te-deo, ziu-z ngô-he-keh pông-siu.
> 41 Væn-pah yü Ngô-keh ming-z do ih-tsæn shü peh ng ky‛üoh, ing-yü ng z Kyi-toh-keh nying, Ngô lao-zih teh ng kông, ge tsong fe sih-gao pao-ing.
> 42 Ziah yiu nying ta-li ih-ke siang-sing Ngô-keh siao meng-du k‛e væn-ze, wæ-z yüong ih-p‛in mo kwa ze ge deo-kying, tön-lôh he-li, keh ying-væh sön ky‛ing.

38 約翰 就 搭 佢 講，“先生，我許 望着 一個 人，用 爾个 名頭 趕出 鬼：佢 是 不 跟 我許，爲 佢 不 跟 我許，所以 阻住 佢。”

39 耶穌 講，“不可 阻住 佢：一個 人 托 我 名頭 做 神蹟，會 快 去 毀謗 我，總 無有。

40 凡百 不 做 我許 對頭，就是 我許个 幫手。

41 凡百 爲 我个 名字 馱 一盞 水 畀 爾 喫，因爲 爾 是 基督个 人，我 老實 搭 爾 講，佢 總 𣍐 失爻 報應。

42 若 有 人 帶累((同寧波話聖經)) 一個 相信 我个 小 門徒 去 犯罪，還是 用 一片 磨 掛 在 佢 頭頸，斷落 海裏，箇 刑罰 算 輕。

> 43 “Ziah-z ng ih-tsih siu ta-li ng væn-ze, hao tsôh ge gao: ng neng-ts zæn-zih tseo-tsing weh-ming k‛e, feh iao liang-tsih siu tseo-lôh di-nyüoh, üong feh u-keh ho-li k‛e;
> 44 ziu-z ‘ge-he djong feh s, ho feh u’ keh si-ka.
> 45 Ziah-z ng ih-tsih kyiah ta-li ng væn-ze, hao tsôh ge gao: ng neng-ts pa-kyiah tseo-tsing weh-ming k‛e, feh iao liang-tsih kyiah tön-lôh di-nyüoh, üong feh u-keh ho-li k‛e;
> 46 Ziu-z ‘ge-he djong feh s, ho feh u’ keh si-ka.
> 47 Ziah-z ng ih-tsih ngæn ta-li ng væn-ze, hao l̆eo ge c‛ih; ng neng-ts ih-tsih ngæn tseo-tsing Zông-ti-keh koh, feh iao liang-tsih ngæn tön-lôh di-nyüoh-keh ho;
> 48 ziu-z ‘ge-he djong feh s ho feh u’ keh si-ka.

43 “若是 爾 一隻 手 帶累((同寧波話聖經)) 爾 犯罪，好 斫 佢 爻：爾 寧之 殘疾 走進 活命 去，不 要 兩隻 手 走落 地獄，永 不 烏个 火裏 去；

44 就是 ‘佢許 蟲 不 死，火 不 烏’ 个 世界。

45 若是 爾 一隻 腳 帶累((同寧波話聖經)) 爾 犯罪，好 斫 佢 爻：爾 寧之 跛腳 走進 活命 去，不要 兩隻 腳 斷落 地獄，永 不 烏个 火裏 去；

46 就是 ‘佢許 蟲 不 死，火 不 烏’ 个 世界。

47 若是 爾 一隻 眼 帶累((同寧波話聖經)) 爾 犯罪，好 剅 佢 出；爾 寧之 一隻 眼 走進 上帝个 國，不要 兩隻 眼 斷落 地獄个 火；

48 就是 ‘佢許 蟲 不 死 火 不 烏’ 个 世界。

> 49 “Væn-pah nying, pih iao yüong ho lin ge; væn-pah tsi-veh, pih iao yüong yin yin ge.
> 50 Yin z hao meh-z: yin ziah sih gao ‛æn-keh mi-dao, ng-he wæ-yiu zah-m hao tsông ge ‛æn? Ng sing-li ke yiu yin; yi ing-ke jü-de ‛o-moh.”

49 “凡百 人，必 要 用 火 煉 佢；凡百 祭物，必 要 用 鹽 鹽 佢。

50 鹽 是 好 物事：鹽 若 失 爻 鹹个 味道，爾許 還有 倽某 好 妝 佢 鹹？爾 心裏 該 有 鹽；貤 應該 聚隊 和睦。”

===== Mk. X. =====

第十章.

> YIA-SU jong kæn-min ky‛i-sing, tang Iah-dæn ‛o-nga ku tao Yiu-t‛a-keh di-ka le: yiu ih-do-pæn nying yi jü-zih; Yia-su ziang jü-zông, tse kông dao-li peh ge-he t‛ing.

耶穌 從 吤面 起身，打 約但 河外 過 到 猶太个 地界 來：有 一大班 人 貤 聚集；耶穌 像 如常，再 講 道理 畀 佢許 聽。

> 2 Yiu Fæh-li-se nying tseo-c‛ih-le, meng Ge kông, “Nying li-k‛e ge nyü-k‛ah, tsôh-hying feh?” i-s iao s-s Ge.
> 3 Ge we-teh ge-he, kông, “Mo-si tsa-sang feng-fu ng-he?”
> 4 Ge kông, “Mo-si ing-hyü sia-ku li-shü hao li-k‛e ge.”
> 5 Yia-su we-teh ge, kông, “Ge sia keh leh-fæh peh ng, z yü ng-he sing-dziang ngang.
> 6 Dæn-z k‛e-bih ky‛i-deo, Zông-ti ‘zao ge ih-nön ih-nyü.’
> 7 ‘Su-i ih-ke nying hao li-k‛e ge vu-meo, ts‛ing-gying ge nyü-k‛ah;
> 8 keh liang-ke zing yü ih-t‛i. Z-t‛ih, ge feh tse sön liang-ke, tsih sön ih-t‛i.
> 9 Su-i Zông-ti su p‛e-‛eh, nying feh-k‛o peh ge feng-k‛e.”
> 10 Ze oh-li meng-du yi meng Ge keh z-kön.
> 11 Yia-su teh ge kông, “Ziah yiu nying li-k‛e nyü-k‛ah, c‛ü bih-ke, keh z tso kæn-ying z-kön teh-ze ge:
> 12 ziah-z nyü-k‛ah li-k‛e ge dziang-fu, kô bih-ke, ah-z tso kæn-ying.”

2 有 法利賽 人 走出來，問 佢 講，“人 離開 佢 女客，作興 不？” 意思 要 試試 佢。

3 佢 回答 佢許，講，“摩西 怎生 吩咐 爾許？”

4 佢 講，“摩西 應許 寫過 離書 好 離開 佢。”

5 耶穌 回答 佢，講，“佢 寫 箇 律法 畀 爾，是 爲 爾許 心腸 硬。

6 但是 開闢 起頭，上帝 ‘造 佢 一男 一女。’

7 ‘所以 一個 人 好 離開 佢 父母，親近 佢 女客；

8 箇 兩個 成 爲 一體。是僣，佢 不 再 算 兩個，只 算 一體。

9 所以 上帝 所 配合，人 不可 畀 佢 分開。”

10 在 屋裏 門徒 貤 問 佢 箇 事幹。

11 耶穌 搭 佢 講，“若 有 人 離開 女客，娶 別個，箇 是 做 姦淫 事幹 得罪 佢：

12 若是 女客 離開 佢 丈夫，嫁 別個，也是 做 姦淫。”

> 13 YIU nying ta siao-nying tao Yia-su su-ze; iao Ge siu en-en ge-he: meng-du si ta ge-he le cü-ts.
> 14 Yia-su ih mông-djôh, feh cong-i, teh ge-he kông, “Hao peh keh-sih siao-nying tao Ngô su-ze le; feh iao tsu-djü ge: ing-yü keh yiang-ts nying, Zông-ti-keh koh z ge-ke.
> 15 Ngô lao-zih teh ng kông, Væn-pah feh k‛eng ziang siao-nying tsih-ziu Zông-ti-keh koh, feh neng-keo tseo-tsing-k‛e.”
> 16 Ge ziu do ge-he, siu en-en coh-foh ge-he.

13 有 人 帶 小人 到 耶穌 所在；要 佢 手 按按 佢許：門徒 洗 帶 佢許 來 主子。

14 耶穌 一 望着，不 中意，搭 佢許 講，“好 畀 箇些 小人 到 我 所在 來；不 要 阻住 佢：因爲 箇 樣子 人，上帝个 國 是 佢个。

15 我 老實 搭 爾 講，凡百 不 肯 像 小人 接受 上帝个 國，不 能彀 走進去。”

16 佢 就 馱 佢許，手 按按 祝福 佢許。

> 17 IH tseo-c‛ih lu-zông, yiu ih-ke nying diao-le, gyü-lôh, meng Ge, kông, “Hao Sin-sang, ngô ke tsa tso fæh, hao teh-djôh üong-yün weh-ming?”
> 18 Yia-su teh ge kông, “Tsa-sang ts‛ing-hwu Ngô z hao? hao cü-ts m-yiu; tsih-yiu Ih-yü, ziu-z Zông-ti.
> 19 Keh-sih leh-fæh ng hyiao-teh, ziu-z, ‘Ng feh-k‛o kæn-ying,’ ‘Feh-k‛o sæh-nying,’ ‘Feh-k‛o t‛eo-dao,’ ‘Feh-k‛o hông-kao bih-nying,’ ‘Feh-k‛o kwa-p‛in bih-nying,’ ‘Yüong hao-kying vu-meo.’”
> 20 Ge we-teh Yia-su, kông, “Sin-sang, keh-sih ngô jong siao tu pao-siu-keh.”
> 21 Yia-su mông-djôh ge, e-sih ge, teh ge kông, “Ng wæ siao ih-yiang: ng su yiu-keh t‛ong k‛e ma-gao, feng peh gyüong-nying; keh-t‛ih, ng yiu ze-veh ze t‛in-zông: ping-ts‛ia hao gwæn zih-z-kô le keng Ngô.”
> 22 Ge t‛ing-djôh keh-kyü shih-wa, ziu pin-seh, iu-zeo k‛e-gao: ing-yü yiu do kô-s.

17 一 走出 路上，有 一個 人 趒來，跪落，問 佢，講，“好 先生，我 該 怎 做 法，好 得着 永遠 活命？”

18 耶穌 搭 佢 講，“怎生 稱呼 我 自 好？好 主子 無有；只有 一位，就是 上帝。

19 箇些 律法 爾 曉得，就是，‘爾 不可 姦淫，’ ‘不可 殺人，’ ‘不可 偷盜，’ ‘不可 謊告 別人，’ ‘不可 拐騙 別人，’ ‘用 孝敬 父母。’ ”

20 佢 回答 耶穌，講，“先生，箇些 我 從 小 都 保守个。”

21 耶穌 望着 佢，愛惜 佢，搭 佢 講，“爾 還 少 一樣：爾 所 有个 統 去 賣爻，分 畀 窮人；箇僣，爾 有 財物 在 天上：并且 好 擐 十字架 來 跟 我。”

22 佢 聽着 箇位 說話，就 變色，憂愁 去爻：因爲 有 大 家私。

> 23 Yia-su deo-ky‛ün mông-mông, teh meng-du kông, “Yiu kô-s cü-ts tseo-tsing Zông-ti-keh koh, næn-teh-mang!”
> 24 Meng-du t‛ing Ge shih-wa ziu kying-nga. Yia-su yi teh ge kông, “Siao-nying, k‛ao-djôh kô-s cü-ts tseo-tsing Zông-ti-keh koh, tsa næn!
> 25 Lôh-do c‛ün-ku tsing-ngæn, pi ze-cü tseo-tsing Zông-ti-keh koh, wæ-z ge yüong-yi.”
> 26 Meng-du yüih-fæh kying-nga, jü-de kông, “Kæh-nying neng-keo teh-djôh kyiu?”
> 27 Yia-su mông-mông ge-he, kông, “Nying, z feh neng-keo; Zông-ti neng-keo: ing-yü Zông-ti vu-su-peh-neng.”

23 耶穌 頭圈 望望，搭 門徒 講，“有 家私 主子 走進 上帝个 國，難得猛！”

24 門徒 聽 佢 說話 就 驚訝。耶穌 貤 搭 佢 講，“小人，靠着 家私 主子 走進 上帝个 國，怎 難！

25 駱駝 穿過 針眼，比 財主 走進 上帝个 國，還是 佢 容易。”

26 門徒 越發 驚訝，聚隊 講，“吤人 能彀 得着 救？”

27 耶穌 望望 佢許，講，“人，是 不 能彀；上帝 能彀：因爲 上帝 無所不能。”

> 28 Pi-teh teh Ge kông, “Ngô-he z yiang-yiang tön-gao, keng Ng.”
> 29 Yia-su we-teh, kông, “Ngô lao-zih teh ng kông, Væn-pah nying yü Ngô teh foh-ing tön-gao oh-yü, hyüong-di, ts-me, nyiang-pang, lao-bo, n-nô, din-di;
> 30 kying-si we teh-djôh ih-pah be-keh oh-yü, hyüong-di, ts-me, nyiang, n-nô, teh din-di, wæ-yiu pih-næn z-kön; ‘ô-si we teh-djôh üong-yün weh-ming.
> 31 Dæn-z hyü-to ze-zin we lôh-‛eo; ze-‛eo we zông-zin.”

28 彼得 搭 佢 講，“我許 是 樣樣 斷爻，跟 爾。”

29 耶穌 回答，講，“我 老實 搭 爾 講，凡百 人 爲 我 搭 福音 斷爻 屋宇，兄弟，姊妹，孃伯‛，老婆，兒囡，田地；

30 今世 會 得着 一百 倍个 屋宇，兄弟，姊妹，孃，兒囡，搭 田地，還有 逼難 事幹；下世 會 得着 永遠 活命。

31 但是 許多 在前 會 落後，在後 會 上前。”

> 32 ZÔNG Yia-lu-sæh-lang tseo lu z-‛eo, Yia-su sin tseo; meng-du kying-hyin; yi p‛ô-gyü, keng Ge tseo. Yia-su ziu di-nyi t‛ao ta keh zih-nyi-ke, Z tsiang-le iao p‛ong-djôh z-kön teh ge-he kông, z-t‛ih kông,
> 33 Ngô-he nông-ze zông Yia-lu-sæh-lang: Nying-keh N iao song peh tsi-s-deo teh doh-shü-nying; ge-he we ding Ge s-ze, yi ka peh bih-koh-nying;
> 34 bih-koh-nying we tsao-t‛æh Ge, yüong pin tang Ge, zæn-t‛u t‛u Ge, tsông-s Ge; tao di-sæn-nyih yi we weh-cün-le.”

32 上 耶路撒冷 走 路 時候，耶穌 先 走；門徒 驚險；貤 怕懼，跟 佢 走。耶穌 就 第二 套 帶 箇 十二個，是 將來 要 碰着 事幹 搭 佢許 講，是僣 講，

33 我許 曩在 上 耶路撒冷：人个 兒 要 送 畀 祭司頭 搭 讀書人；佢許 會 定 佢 死罪，貤 解 畀 別國人；

34 別國人 會 遭塌 佢，用 鞭 打 佢，瀺吐 吐 佢，妝死 佢；到 第三日 貤 活轉來。”

> 35 Keh-ts‛iah Si-pi-t‛a-keh n, Ngô-kôh, Iah-‛ön, tseo-le kông, “Sin-sang, ngô-he iao gyiu Ng-keh, dæn-nyün Ng we peh ngô-he tso-zing.”
> 36 Yia-su teh ge kông, “Iao Ngô peh ng tsa tso fæh?”
> 37 Ge-he kông, “Iao ze Ng yüong-wa-keh z-‛eo, peh ngô-he ih-ke zo ze Ng jing-siu-pin, ih-ke zo ze Ng tsi-siu-pin.”
> 38 Yia-su teh ge-he kông, “Ng su gyiu-keh, z ng-he feh hyiao-teh. Ngô su ky‛üoh-keh pe, ng-he neng-keo ky‛üoh feh? Ngô su ziu-keh tsing-li, ng neng-keo ziu feh?”
> 39 Ge-he kông, “Neng-keo.” Yia-su teh ge kông, “Ngô su ky‛üoh-keh pe, z ng pih iao ky‛üoh; Ngô su ziu tsing-li, z ng pih iao ziu:
> 40 dæn-z zo ze Ngô jing-siu-pin tsi-siu-pin, tæn-tsih Ngô Pang yü ge-he bi-bæn hao keh nying, Ngô hao peh ge.”

35 箇且 西庇太个 兒，雅各，約翰，走來 講，“先生，我許 要 求 爾个，但願 爾 會 畀 我許 做成。”

36 耶穌 搭 佢 講，“要 我 畀 爾 怎 做 法？”

37 佢許 講，“要 在 爾 榮華个 時候，畀 我許 一個 坐 在 爾 順手邊，一個 坐在 爾 濟手邊。”

38 耶穌 搭 佢許 講，“爾 所 求个，是 爾許 不 曉得。我 所 喫个 杯，爾許 能彀 喫 不？我 所 受个 浸禮，爾 能彀 受 不？”

39 佢許 講，“能彀。” 耶穌 搭 佢 講，“我 所 喫个 杯，是 爾 必 要 喫；我 所 受 浸禮，是 爾 必 要 受：

40 但是 坐 在 我 順手邊 濟手邊，單只 我 伯‛ 爲 佢許 備辦 好 个 人，我 好 畀 佢。”

> 41 Keh zih-ke meng-du t‛ing-djôh, ziu ma-ün Ngô-kôh, Iah-‛ön.
> 42 Yia-su ao ge-he le, teh ge-he kông, “Bih-koh sön wông-ti-keh æh-voh pah-sing, do-keh cü-ts tsih-tsông gyün-ping kwön ge-he; keh z ng-he hyiao-teh.
> 43 Dæn-z ng-he feh iao keh yiang-ts: ng-he cong-yiang kæh-nying siang tso do, ge ke tso ng yüong-nying;
> 44 kæh-nying siang tso ng deo, ge ke tso cong-nying-keh nu-boh.
> 45 Ing-yü Nying-keh N le, feh-z iao nying voh-z Ge, z le voh-z bih-nying; wæ-yiu sô-c‛ih Z sing-ming tso hyü-to nying-keh t‛i-de.”

41 箇 十個 門徒 聽着，就 埋怨 雅各，約翰。

42 耶穌 噢 佢許 來，搭 佢許 講，“別國 算 皇帝个 壓服 百姓，大个 主子 執掌 權柄 管 佢許；箇 是 爾許 曉得。

43 但是 爾許 不 要 箇 樣子：爾許 中央 吤人 想 做 大，佢 該 做 爾 傭人；

44 吤人 想 做 爾 頭，佢 該 做 衆人个 奴僕。

45 因爲 人个 爾 來，不是 要 人 服事 佢，是 來 服事 別人；還有 捨出 自 性命 做 許多 人个 替代。”

> 46 GE-HE tseo-tao Yia-li-ko. Yia-su teh meng-du lin ih-do-pæn nying tseo-c‛ih Yia-li-ko z-‛eo, yiu ih-ke hæh-ngæn Pô-ti-ma, z Ti-ma-keh n; zo ze lu-pin t‛ao-væn.
> 47 T‛ing-djôh z Nô-sæh-leh Yia-su, ziu ao-hyiang, kông, “Da-bih-keh ‛Eo-de, Yia-su, k‛o-lin ngô.”
> 48 Hyü-to nying si ge, ao ge hyiao-hyiang: ge fæn-cün kah-nga ao-teh hyiang, kông, “Da-bih-keh ‛Eo-de, k‛o-lin ngô.”
> 49 Yia-su gyi lao, feng-fu ao ge le: ge-he ziu ao hæh-ngæn, teh ge kông, “Ng fông-sing, hao nang-ky‛i; Ge ao ng le.”
> 50 Hæh-ngæn tön-gao i-zông, nang-ky‛i tao Yia-su su-ze le.
> 51 Yia-su teh ge kông, “Iao Ngô peh ng tso zah-m?” Hæh-ngæn kông, “Lah-po-nyi((應爲：Læh-po-nyi)), iao peh ngô mông-djôh.”
> 52 Yia-su teh ge kông, “Ng k‛e; z ng siang-sing-keh sing kyiu ng.” Hæh-ngæn lih-k‛eh mông-djôh, i-lu keng Yia-su.

46 佢許 走到 耶利哥。耶穌 搭 門徒 連 一大班 人 走出 耶利哥 時候，有 一個 瞎眼 巴底買，是 底買个 兒；坐 在 路邊 討飯。

47 聽着 是 拿撒勒 耶穌，就 噢響，講，“大闢个 後代，耶穌，可憐 我。”

48 許多 人 嘶 佢，噢 佢 𠏕響：佢 反轉 格外 噢得 響，講，“大闢个 後代，可憐 我。”

49 耶穌 徛 老，吩咐 噢 佢 來：佢許 就 噢 瞎眼，搭 佢 講，“爾 放心，好 玍起；佢 噢 爾 來。”

50 瞎眼 斷爻 衣裳，玍起 到 耶穌 所在 來。

51 耶穌 搭 佢 講，“要 我 畀 爾 做 倽某？” 瞎眼 講，“拉波尼，要 畀 我 望着。”

52 耶穌 搭 佢 講，“爾 去；是 爾 相信个 心 救 爾。” 瞎眼 立刻 望着，依路 跟 耶穌。

===== Mk. XI. =====

第十一章.

> GE-HE kw‛a tao Yia-lu-sæh-lang, yi-kying tao Pah-fæh-gyi teh Pah-da-nyi, ze Kæh-læn sæn-pin, Yia-su ziu ts‛a liang-ke meng-du, teh ge-he kông,
> 2 “Ng-he hao tao te-min hyiang-ts‛eng k‛e: tseo-tsing ziu we p‛ong-djôh ih-p‛ih siao-lü kyi-kæn, jong-le m-nying gyi-ku: ka-gao, hao ky‛in-le.
> 3 Ziah yiu nying teh ng kông, ‘Tso zah-m?’ hao kông, ‘Z Cü iao yüong ge;’ ge ziu we peh ge le.”

佢許 快 到 耶路撒冷，已經 到 伯法其 搭 伯大尼，在 橄欖 山邊，耶穌 就 差 兩個 門徒，搭 佢許 講，

2 “爾許 好 到 對面 鄉村 去：走進 就 會 碰着 一匹 小驢 繫吤，從來 無人 騎過：解爻，好 牽來。

3 若有 人 搭 爾 講，‘做 倽某？’ 好 講，‘是 主 要 用 佢；’ 佢 就 會 畀 佢 來。”

> 4 Meng-du ziu k‛e, p‛ong-djôh siao lü meng-nga lu-k‛eo-deo kyi-kæn; ziu ka ge.
> 5 Gyi ze-kæn-keh nying yiu kyi-ke teh ge kông, “Ng ka lü tso zah-m?”
> 6 Meng-du tsiao Yia-su feng-fu shih-wa teh ge kông: ge ziu ing-hyü.
> 7 Meng-du ky‛in siao lü tao Yia-su su-ze, do z-keh i-zông shih ze ge zông-min; Yia-su ziu gyi-zông-k‛e.
> 8 Yiu hyü-to nying do i-zông p‛u lu; wæ-yiu-sih tsôh jü-ts p‛u ze lu-zông.
> 9 Keh-sih zin-zin ‛eo-‛eo keh nying do ‛eo-long ao-ky‛i-le, kông, “‛O-sæn-næh! k‛ao-djôh Cü ming-deo le Cü-ts z ing-ke coh-tsæn!
> 10 Ngô-he tsu-tsong Da-bih-keh koh, k‛ao-djôh Cü ming-deo le-keh, z ing-ke coh-tsæn! Dæn-nyün ze ting kao su-ze yiu ‛O-sæn-næh!”

4 門徒 就 去，碰着 小驢 門外 路口頭 繫吤；就 解 佢。

5 徛 在吤个 人 有 幾個 搭 佢 講，“爾 解 驢 做 倽某？”

6 門徒 照 耶穌 吩咐 說話 搭 佢 講：佢 就 應許。

7 門徒 牽 小 驢 到 耶穌 所在，馱 自个 衣裳 shih 在 佢 上面；耶穌 就 騎上去。

8 有 許多 人 馱 衣裳 鋪 路；還有寫 斫 樹枝 鋪 在 路上。

9 箇些 前前 後後 个 人 大 喉嚨 噢起來，講，“和散納！靠着 主 名頭 來 主子 是 應該 祝讚！

10 我許 祖宗 大闢个 國，靠着 主 名頭 來个，是 應該 祝讚！但願 在 頂 高 所在 有 和散納！”

> 11 Yia-su tao Yia-lu-sæh-lang, tseo-tsing sing-din-li: deo-ky‛ün ‛en-kyi mông-ku, ing-yü z-‛eo yi-kying æn-gao, teh zih-nyi-ke meng-du tao Pah-da-nyi k‛e.

11 耶穌 到 耶路撒冷，走進 聖殿裏：頭圈 合計 望過，因爲 時候 已經 晏爻，搭十二個 門徒 到 伯大尼 去。

> 12 Di-nyi nyih jong Pah-da-nyi tseo-c‛ih, Yia-su du-hæh.
> 13 Yün-yün mông-djôh ih-cü vu-hwa-ko jü, yiu yih ze-teh, tseo tao pin, ‛ôh-tsia ze jü-zông yiu zah-m hao teh-djôh: ih tseo tao, tsih mông-djôh yih, m-yiu bih-yiang; ing-yü ko-ts z-eo vong tao.
> 14 Yia-su dziao keh-cü jü kông, “Jong-kying-yi-‛eo üong m-nying hao ky‛üoh ng-keh ko-ts.” Keh shih-wa meng-du t‛ing-djôh.

12 第二日 從 伯大尼 走出，耶穌 肚㾎。

13 遠遠 望着 一株 無花果 樹，有 葉 在𡍲，走 到 邊，或者 在 樹上 有 倽某 好 得着：一 走 到，只 望着 葉，無有 別樣；因爲 果子 時候 朆 到。

14 耶穌 朝 箇株 樹 講，“從今以後 永無人 好 喫 爾个 果子。” 箇 說話 門徒 聽着。

> 15 Ge-he tseo tao Yia-lu-sæh-lang: Yia-su tseo-tsing sing-din, kön-c‛ih ze sing-din ‛en-kyi ma meh-z cü-ts; fæn-tao de dong-din cü-ts-keh gyü-deo, teh ma boh-kön cü-ts-keh ü;
> 16 yi feh hyü nying ta kô-sang tseo-ku sing-din.
> 17 Ping-ts‛ia kao-hyüing ge-he kông, “Shü-li ky‛i feh-z sia-teh, ‘Ngô-keh oh iao ts‛ing-hwu z væn-koh-nying tao-kao-keh oh?’ ng-he peh ge tso zeh-k‛o.”
> 18 Keh-pæn doh-shü-nying teh tsi-s-deo t‛ing-djôh, ziu wa-sön tsa-sang hao tsông-s Ge: ge-he p‛ô Ge, ing-yü cong pah-sing tu gyi-deh Ge-keh kao-hyüing.
> 19 Kw‛a æn, Yia-su tseo-c‛ih zing-li.

15 佢許 走到 耶路撒冷：耶穌 走進 聖殿，趕出 在 聖殿 合計 賣 物事 主子；反倒 兌 銅錢 主子个 櫃頭，搭 賣 鵓鴿 主子个 椅；

16 貤 不 許 人 帶 家生 走過 聖殿。

17 并且 教訓 佢許 講，“書裏 豈 不是 寫𡍲，‘我个 屋 要 稱呼 是 萬國人 禱告个 屋？’ 爾許 畀 佢 做 賊窠。”

18 箇班 讀書人 搭 祭司頭 聽着，就 畫算 怎生 好 妝死 佢：佢許 怕 佢，因爲 衆 百姓 都 奇特 佢个 教訓。

19 快 晏，耶穌 走出 城裏。

> 20 DI-NYI kw‛eng-sing ge tseo-ku, mông-djôh vu-hwa-ko jü lin keng tu k‛u-gao.
> 21 Pi-teh ziu ts‛eng-tao, teh Ge kông, “Fu-ts, nô! Ng su tsiu-mô-keh vu-hwa-ko jü yi-kying k‛u-gao.”

20 第二 睏心 佢 走過，望着 無花果 樹 連 根 都 枯爻。

21 彼得 就 忖到，搭 佢 講，“夫子，嗱！爾 所 咒罵个 無花果 樹 已經 枯爻。”

> 22 Yia-su we-teh ge kông, “Yüong siang-sing Zông-ti.
> 23 Ngô lao-zih teh ng kông, Ziah yiu nying dziao keh-tu sæn kông, ‘Hao yi-ku-k‛e, tön-lôh he,’ ge sing-li ih-ting feh nyi-‛ôh, siang-sing su kông-keh z-kön pih we zing-kong; ge su kông-keh z-zin we zing-kong.
> 24 Ngô su-i teh ng-he kông, Tao-kao z-‛eo ng-he væn-pah su gyiu, tsih iao siang-sing we teh-djôh, ziu pih-ding we teh-djoh.
> 25 Ping-ts‛ia gyi ze-teh tao-kao z-‛eo, ng ziah teh bih-nying yiu ün-‛eng, iao nyiao ge; ng T‛in-Vu ah we nyiao-sô ng-keh ze.
> 26 Ng ziah-z feh k‛eng nyiao bih-nying, ng T‛in-Vu ah feh k‛eng nyiao ng-keh ze.”

22 耶穌 回答 佢 講，“用 相信 上帝。

23 我 老實 搭 爾 講，若 有 人 朝 箇堵 山 講，‘好 移過去，斷落 海，’ 佢 心裏 一點 不 疑惑，相信 所 講个 事幹 必 會 成功；佢 所 講个 自然 會 成功。

24 我 所以 搭 爾許 講，禱告 時候 爾許 凡百 所 求，只 要 相信 會 得着，就 必定 會 得着。

25 并且 徛 在𡍲 禱告 時候，爾 若 搭 別人 有 怨恨，要 饒 佢；爾 天父 也 會 饒赦 爾个 罪。

26 爾 若是 不 肯 饒 別人，爾 天父 也 不 肯 饒 爾个 罪。”

> 27 GE-HE yi tao Yia-lu-sæh-lang: Yia-su ze sing-din-li tseo-le-tseo-k‛e z-‛eo, keh-pæn tsi-s-deo doh-shü-nying teh tsiang-lao tseo-le,
> 28 teh Ge kông, “Ng yüong zah-m gyün-ping tso keh-sih z-kön? z kæh-nying peh ng keh gyün-ping hao tso keh-sih z-kön?”

27 佢許 貤 到 耶路撒冷：耶穌 在 聖殿裏 走來走去 時候，箇班 祭司頭 讀書人 搭 長老 走來，

28 搭 佢 講，“爾 用 倽某 權柄 做 箇些 事幹？是 吤人 畀 爾 箇 權柄 好 做 箇些 事幹？”

> 29 Yia-su we-teh ge-he, kông, “Ngô ah iao meng ng ih-kyü shih-wa, ng-he hao teh Ngô kông; Ngô yüong zah-m gyün-ping tso keh-sih z-kön ziu we teh ng kông.
> 30 Iah-‛ön-keh tsing-li, wæ-z jong t‛in le, wæ-z jong nying? hao teh Ngô kông.”
> 31 Ge-he s-‛ô siang-liang, kông, “Ziah kông, Z jong tin; Ge ziu we kông, ‘Ng tsa-sang feh siang-sing ge?’
> 32 Ziah kông, z jong nying; ngô-he z p‛ô pah-sing: ing-yü cong-nying tu sön Iah-‛ön zih-ze z sin-ts-nying.”
> 33 Ziu we-teh Yia-su, kông, “Ngô-he feh hyiao-teh.” Yia-su we-teh ge-he, kông, “Ngô yüong zah-m gyün-ping tso keh-sih z-kön, ah feh teh ng kông.”

29 耶穌 回答 佢許，講，“我 也 要 問 爾 一句 說話，爾許 好 搭 我 講；我 用 倽某 權柄 做 箇些 事幹 就 會 搭 爾 講。

30 約翰个 浸禮，還是 從 天 來，還是 從 人？好 搭 我 講。”

31 佢許 私下 商量，講，若 講，是 從 天；佢 就 會 講，‘爾 怎生 不 相信 佢？’

32 若 講，是 從 人；我許 是 怕 百姓：因爲 衆人 都 算 約翰 實在 是 先知人。”

33 就 回答 耶穌，講，“我許 不 曉得。” 耶穌 回答 佢許，講，“我 用 倽某 權柄 做 箇些 事幹，也 不 搭 爾 講。”

===== Mk. XII. =====

第十二章.

> Keh-ts‛iah Yia-su yüong pi-fông shih-wa teh ge-he kông, “Yiu ih-ke nying cong ih-yün bu-dao, deo-ky‛ün tang ts‛iang-li, gyüih ih-ke tsiu-tsô, ky‛i ih-ke kao-leo, shü peh cong-din-nying, ziu c‛ih-meng k‛e.
> 2 Tao siu tsu z-‛eo, ts‛a ih-ke nu-boh tao cong-din-nying su-ze, iao hyiang cong-din-nying siu yün-li-keh ko-ts. 
> 3 Ge-he ziu k‛ô-lao tang ge, peh ge k‛ong-siu cün-k‛e.
> 4 Yi ts‛a ih-ke nu-boh; ge-he do zih-deo p‛ang-siang ge-keh deo, peh ge tao-me cün-k‛e.
> 5 Tse ts‛a ih-ke; ge-he peh ge sæh-gao: wæ-yiu hyü-to nu-boh le, yiu-sih peh ge-he tang-gao, yiu-sih peh ge-he sæh-gao.
> 6 Ge wæ-yiu ih-ke n, z ge ts‛ing-e-keh; lôh-kyiang ah ts‛a ge, kông, ‘Ge-he pih-ding kying-djong ngô n.’
> 7 Dæn-z keh-pæn cong-din-nying jü-de kông, ‘Keh z teng ziu sæn-nyih cü-ts, ngô-he peh ge sæh-gao, sæn-nyih ziu kyü peh ngô-he.’
> 8 Ziu k‛ô-lao sæh ge, tön ge c‛ih yün nga.
> 9 Keh ke-yün-keh cü tsa bæn-fæh? Ge we le djü-mih keh-pæn cong-din-nying, peh bu-dao-yün kao-de bih-nying.
> 10 Keh-tsih Sing-shü su kông, ‘Ky‛i-oh-keh lao-s su tön-gao keh-kw‛e zih-deo, z tso oh kôh-lôh-deo deo ih-kw‛e zih-deo:
> 11 keh-z Cü su tso-keh, tsiao ngô-he mông-le z hyi-gyi:’ keh shih-wa ng p‛ô vong doh-ku?”

箇且 耶穌 用 比方 說話 搭 佢許 講，“有 一個 人 種 一園 葡萄，頭圈 打 槍籬，掘 一個 酒榨，起 一個 高樓，稅 畀 種田人，就 出門 去。

2 到 收 租 時候，差 一個 奴僕 到 種田人 所在，要 向 種田人 收 園裏个 果子。

3 佢許 就 揢牢 打 佢，畀 佢 空手 轉去。

4 貤 差 一個 奴僕；佢許 馱 石頭 砰傷 佢个 頭，畀 佢 倒霉 轉去。

5 再 差 一個；佢許 畀 佢 殺爻：還有 許多 奴僕 來，有些 畀 佢許 打爻，有些 畀 佢許 殺爻。

6 佢 還有 一個 兒，是 佢 親愛个；落腳‛ 也 差 佢，講，‘佢許 必定 敬重 我 兒。’

7 但是 箇班 種田人 聚隊 講，‘箇 是 __等__ 受 產業 主子，我許 畀 佢 殺爻，產業 就 歸 畀 我許。’

8 就 揢牢 殺 佢，斷 佢 出 園 外。

9 箇 賅園个 主 怎 辦法？佢 會 來 除滅 箇班 種田人，畀 葡萄園 交代 別人。

10 箇即 聖書 所 講，‘起屋个 老司 所 斷爻 箇塊 石頭，是 做 屋 角落頭 頭 一塊 石頭：

11 箇是 主 所 做个，照 我許 望來 是 希奇：’ 箇 說話 爾 怕 朆 讀過。”

> 12 Keh-pæn nying hyiao-teh Yia-su kông keh pi-fông z ts-tin ge-he z, sing-siang iao k‛ô Ge; tsih-z p‛ô pah-sing: ziu li-k‛e Ge k‛e-gao.
> 13 GE-HE ts‛a kyi-ke Fæh-li-se nying teh Hyi-leh keh-tông tao Ge su-ze le, iao peh Ge shih-wa tso ky‛ün-t‛ao ‛e Ge.
> 14 Ziu tseo-le, teh Ge kông, “Sin-sang, ngô-he hyiao-teh Ng z sing-zih, ih-ting feh p‛in-de nying, ah feh cing nying-keh min-zing, tsih-yiu lao-lao-zih-zih kông Zông-ti-keh dao-li: næh din-liang peh Ke-sæh, z feh z? wæ-z næh, hyiao næh?”
> 15 Yia-su hyiao-teh ge-keh kô-i, teh ge-he kông, “Ng tsa-sang siang s-s Ngô? Do ih-kw‛e yiang-din peh Ngô mông.”
> 16 Ge-he ziu do-le. Yia-su teh ge-he kông, “Keh siang-mao teh koh-‛ao z kæh-nying-ke?” Ge-he kông, “Z Ke-sæh-ke.”
> 17 Yia-su we-teh ge, kông, “Z Ke-sæh-keh meh-z, hao peh Ke-sæh: z Zông-ti-keh meh-z hao peh Zông-ti.” Ge-he tu hyi-gyi Yia-su.

12 箇班 人 曉得 耶穌 講 箇 比方 是 指點 佢許 自，心想 要 揢 佢；只是 怕 百姓：就 離開 佢 去爻。

13 佢許 差 幾個 法利賽 人 搭 希律 箇檔 到 佢 所在 來，要 畀 佢 說話 做 圈套 害 佢。

14 就 走來，搭 佢 講，“先生，我許 曉得 爾 是 信實，一點 不 偏待 人，也 不 進 人个 面情，只有 老老實實 講 上帝个 道理：納 錢糧 畀 該撒，是 不 是？還是 納，𠏕 納？”

15 耶穌 曉得 佢个 假意，搭 佢許 講，“爾 怎生 想 試試 我？馱 一塊 洋錢 畀 我 望。”

16 佢許 就 馱來。耶穌 搭 佢許 講，“箇 相貌 搭 鼓號 是 吤人个？” 佢許 講，“是 該撒个。”

17 耶穌 回答 佢，講，“是 該撒个 物事，好 畀 該撒：是 上帝个 物事 好 畀 上帝。” 佢許 都 希奇 耶穌。

> 18 Sæh-t‛u-ke nying, ziu-z kông weh-cün-le z-kön z m-yiu, ge-he yiu-sih tseo-le, meng Ge kông,
> 19 “Sin-sang, Mo-si sia-lôh peh ngô-he, kông, Kæh-nying ziah yiu ko s-gao, dzing ih-ke nyü-k‛ah, m-yiu n-nô liu-lôh, di iao c‛ü ge nyü-k‛ah, hao peh ko djün-tsong-tsih-de.
> 20 Jü-kying yiu ts‛ih-ke hyüong-di: do-ke nyü-k‛ah t‛ao-le, ‛eo-deo s-gao, m-yiu n-nô liu-lôh.
> 21 Di-nyi-ke t‛ao ge, ah s-gao, ge yi m-yiu n-nô; di-sæn-ke ah z-t‛ih.
> 22 T‛ong ts‛ih-ke tu t‛ao ge, tu m-yiu n-nô liu-lôh. Ting lôh-kyiang, nyü-k‛ah ah s-gao.
> 23 Keh-t‛ih, weh-cün-le z-‛eo, keh-sih nying tu weh-cün-le, ge tao-ti sön kæh-nying-keh nyü-k‛ah? ing-yü keh ts‛ih-ke nying tu t‛ao ge ku.”
> 24 Yia-su we-teh ge-he, kông, “Ng-he, yü feh hyiao-teh Sing-shü teh Zông-ti-keh neng-kön, ky‛i feh-z dzæn-gao?
> 25 Ing-yü jong s-nying cong-yiang weh-cün-le z-‛eo, ge-he feh t‛ao-tsing kô-c‛ih; z teh t‛in-zông t‛in-s ih-yiang.
> 26 Ziah kông tao s-nying weh-cün-le z-kön, ze Mo-si shü-li ts‛-bang jü keh-p‛in, Zông-ti teh ge su kông-keh, ‘Ngô z Ô-pah-læh-hön-keh Zông-ti, Yi-sæh-keh Zông-ti, Ngô-kôh-keh Zông-ti;’ ng p‛ô vong doh-ku?
> 27 Zông-ti feh-z s-nying-keh Zông-ti, z weh-nying-keh Zông-ti: su-i ng da dzæn.”

18 撒土該 人，就是 講 活轉來 事幹 是 無有，佢許 有些 走來，問 佢 講，

19 “先生，摩西 寫落 畀 我許，講，吤人 若 有 哥 死爻，剩 一個 女客，無有 兒囡 留落，弟 要 娶 佢 女客，好 畀 哥 傳宗接代。

20 如今 有 七個 兄弟：大個 女客 討來，後頭 死爻，無有 兒囡 留落。

21 第二個 討 佢，也 死爻，佢 貤 無有 兒囡；第三個 也 是僣。

22 統 七個 都 討 佢，都 無有 兒囡 留落。頂 落腳‛，女客 也 死爻。

23 箇僣，活轉來 時候，箇些 人 都 活轉來，佢 到底 算 吤人个 女客？因爲 箇 七個 人 都 討 佢 過。”

24 耶穌 回答 佢許，講，“爾許，爲 不 曉得 聖書 搭 上帝个 能幹，豈 不是 賺爻？

25 因爲 從 死人 中央 活轉來 時候，佢許 不 討進嫁出；是 搭 天上 天使 一樣。

26 若 講 到 死人 活轉來 事幹，在 摩西 書裏 刺棚 樹 箇篇，上帝 搭 佢 所 講个，‘我 是 亞伯拉罕个 上帝，以撒个 上帝，雅各个 上帝；’ 爾 怕 朆 讀過？

27  上帝 不是 死人个 上帝，是 活人个 上帝：所以 爾 大 賺。”

> 28 YIU ih-ke doh-shü-nying tseo-le, t‛ing ge-he jü-de nyi-leng, mông-djôh Yia-su we-teh hao, ziu meng Ge, kông, “Ting do leh-fæh z nô ih-diao?”
> 29 Yia-su we-teh ge, kông, “Leh-fæh li-min ting do, ziu-z kông, ‘Yi-seh-lih nying yüong t‛ing; Cü ngô-he-keh Zông-ti, z doh-ih-yü Cü:
> 30 ng tông-ke yüong jün-fu sing-dziang, jün-fu tsing-zing, jün-fu ze-neng, jün-fu lih-liang, e-kying Cü ng-keh Zông-ti.’ Keh z di-ih-diao leh-fæh.
> 31 Di-nyi ah siang-ziang, ‘Tông-ke e-sih ng-keh ling-sô teh z ih-yiang.’ M-yiu bih-diao leh-fæh do-jü keh liang-yiang.”
> 32 Keh doh-shü-nying teh Ge kông, “Sin-sang, hao-keh; Ng-keh shih-wa zih-ze z-keh: ing-yü Zông-ti z tsih-yiu ih-yü, djü Ge ts-nga m-yiu bih-ke:
> 33 ping-ts‛ia yüong jün-fu sing-dziang, jün-fu tsing-zing, jün-fu ze-neng, jün-fu lih-liang, e-kying Ge, wæ-yiu e-sih ling-sô teh z ih-yiang, keh z pi væn-pah siao-hwa tsi-veh teh foh-li kang-kô hao.”
> 34 Yia-su mông-djôh ge we-teh ts‛ong-ming, ziu teh ge kông, “Ng li Zông-ti-keh koh feh yün.” Yi-‛eo m-nying kön tse meng Ge.

28 有 一個 讀書人 走來，聽 佢許 聚隊 議論，望着 耶穌 回答 好，就 問 佢，講，“頂 大 律法 是 哪 一條？”

29 耶穌 回答 佢，講，“律法 裏面 頂 大，就是 講，‘以色列 人 用 聽；主 我許个 上帝，是 獨一位 主：

30 爾 當該 用 全副 心腸，全副 精神，全副 才能，全副 力量，愛敬 主 爾个 上帝。’ 箇 是 第一條 律法。

31 第二 也 相像，‘當該 愛惜 爾个 鄰舍 搭 自 一樣。’

32 箇 讀書人 搭 佢 講，“先生，好个；爾个 說話 實在 是个：因爲 上帝 是 只有 一位，除 佢 之外 無有 別個：

33 并且 用 全副 心腸，全副 精神，全副 才能，全副 力量，愛敬 佢，還有 愛惜 鄰舍 搭 自 一樣，箇 是 比 ̣凡百 燒化 祭物 搭 福禮 更加 好。”

34 耶穌 望着 佢 回答 聰明，就 搭 佢 講，“爾 離 上帝个 國 不 遠。”以後 無人 敢 再 問 佢。

> 35 YIA-SU ze sing-din kao-hyüing z-‛eo, teh ge kông, “Keh-sih doh-shü-nying tsa-sang kông, Kyi-toh z Da-bih-keh ‛Eo-de?
> 36 Da-bih z bi Sing-Ling kön-dong kông, ‘Cü teh ngô-keh Cü kông, Hao zo ze Ngô jing-siu-pin, teng-tao Ngô peh Ng-keh dziu-dih tso Ng-keh kyiah-teng.’
> 37 Su-i, Da-bih z ts‛ing-hwu Ge z Cü, Ge tsa-sang wæ z Da-bih-keh ‛Eo-de?” Cong pah-sing tu hwön-hyi t‛ing Ge.

35 耶穌 在 聖殿 教訓 時候，搭 佢 講，“箇些 讀書人 怎生 講，基督 是 大闢个 後代？

36 大闢 是 被 聖靈 感動 講，‘主 搭 我个 主 講，好 坐 在 我 順手邊，等到 我 畀 爾个 讎敵 做 爾个 腳凳。’

37 所以，大闢 是 稱呼 佢 是 主，佢 怎生 還 是 大闢个 後代？” 衆 百姓 都 歡喜 聽 佢。

> 38 Kao-hyüing z-‛eo, yi teh ge-he kông, “Ng yüong kying-vông keh-sih doh-shü-nying: ge-he iao tsiah dziang i-zông tseo-le-tseo-k‛e; z-zông hwön-hyi bih-nying ts‛ing ge ön;
> 39 jü-we-dông iao zo zông-yü, tsiu-yin-zông iao zo deo-yü;
> 40 ping-ts‛ia t‛eng-ky‛üoh kwa-vu-keh kô-s, kô-i tao-kao mæn-dziang. Ge-he pih-ding ziu ze kah-nga djong.”

38 教訓 時候，貤 搭 佢許 講，“爾 用 謹防 箇些 讀書人：佢許 要 撯 長 衣裳 走來走去；市上 歡喜 別人 請 佢 安；

39 聚會堂 要 坐 上位，酒筵上 要 坐 頭位；

40 并且 吞喫 寡婦个 家私，假意 禱告 漫長。佢許 必定 受 罪 格外 重。”

> 41 YIA-SU dziao din-k‛u zo-kæn, mông-djôh cong-nying dong-din tön-lôh din-k‛u-li. Hyü-to ze-cü tön-lôh to:
> 42 yiu ih-ke gyüong kwa-vu le, tön liang-ke dong-din, z dzih ih-li nying-ts.
> 43 Yia-su ao meng-du le, teh ge kông, “Ngô lao-zih teh ng kông, Cong-nying tön ze din-k‛u-li, wæ-z keh gyüong kwa-vu tön-lôh to.
> 44 “Ing-yü cong-nying tu pa to-deo tön-lôh: keh kwa-vu z ky‛üih-siao, z ge su yiu tu tön-tsing-k‛e; keh z ge ‛en-kyi kô-s.”

41 耶穌 朝 錢庫 坐吤，望着 衆人 銅錢 斷落 錢庫裏。許多 財主 斷落 多：

42 有 一個 窮 寡婦 來，斷 兩個 銅錢，是 值 一釐 銀子。

43 耶穌 噢 門徒 來，搭 佢 講，“我 老實 搭 爾 講，衆人 斷 在 錢庫裏，還是 箇 窮 寡婦 斷落 多。

44 “因爲 衆人 都 把 多頭 斷落：箇 寡婦 是 缺少，是 佢 所 有 都 斷進去；箇 是 佢 合計 家私。”

===== Mk. XIII. =====

第十三章.

> YIA-SU tseo-c‛ih sing-din z-‛eo, yiu ih-ke meng-du teh Ge kông, “Sin-sang, ts‛ing mông keh-sih zih-deo teh oh-yü tsa hao!”
> 2 Yia-su we-teh ge, kông, “Keh-sih do oh-yü ng mông-djôh feh? Tsiang-le lin ih-kw‛e zih-deo tu m-yiu dzing ze zih-deo zông; tu we ts‛ah-gao.”

耶穌 走出 聖殿 時候，有 一個 門徒 搭 佢 講，“先生，請 望 箇些 石頭 搭 屋宇 怎 好！”

2 耶穌 回答 佢，講，“箇些 大 屋宇 爾 望着 不？將來 連 一塊 石頭 都 無有 剩 在 石頭 上；都 會 拆爻。”

> 3 Yia-su ze Kæh-læn sæn dziao sing-din zo-kæn, Pi-teh, Ngô-kôh, Iah-‛ön, teh Ön-teh-lih, s-‛ô le meng Ge, kông,
> 4 “Kyi-z yiu keh z-kön? teh ngô-he kông: ping-ts‛ia keh-sih z-kön tu iao ing-nyin z-‛eo yiu zah-m dziao-deo?

3 耶穌 在 橄欖山 朝 聖殿 坐吤，彼得，雅各，約翰，搭 安德烈，私下 來 問 佢，講，

4 “幾時 有 箇 事幹？搭 我許 講：并且 箇些 事幹 都 要 應驗 時候 有 倽某 兆頭？

> 5 Yia-su we-teh ge-he, kông, “Ng-he yüong vông-bi, feh iao bi bih-nying ta-li.
> 6 Ing-yü yiu hyü-to nying we mao Ngô ming le, kông, ‘Ngô ziu-z Ge;’ ah we ta-li hyü-to nying.
> 7 Ng-he t‛ing-djôh tang-tsiang z-kön teh tang-tsiang-keh sing-sih, feh iao hôh: ing-yü keh z-kön pih-ding yiu; dæn-z meh-keh z-‛eo wæ mi.
> 8 Ing-yü pah-sing teh pah-sing, koh-kô teh koh-kô, tu we tang-tsiang: yiu-sih su-ze di-dong, ping-ts‛ia yiu hông-nyin, teh fæn-lön. Keh-sih peh-ku z tse-næn-keh ky‛i-deo.

5 耶穌 回答 佢許，講，“爾許 用 防備，不要 被 別人 帶累((同寧波話聖經))。

6 因爲 有 許多 人 會 冒 我 名 來，講，‘我 就是 佢；’ 也 會 帶累((同寧波話聖經)) 許多 人。

7 爾許 聽着 打仗 事幹 搭 打仗个 訊息，不 要 𢞕：因爲 箇 事幹 必定 有；但是 末个 時候 還 未。

8 因爲 百姓 搭 百姓，國家 搭 國家，都 會 打仗：有些 所在 地方，并且 有 謊言，搭 反亂。箇些 不過 是 災難个 起頭。

> 9 “Ng-he z-kyi yüong kying-vông: ing-yü nying we song ng tao kong-we; ze jü-we-dông tang ng; yü Ngô-keh yün-ku, ng pih iao gyi ze tsong-toh teh wông-ti-keh min-zin, hao tso te-tsing peh ge-he.
> 10 Wæ-yiu foh-ing dao-li pih iao sin djün-k‛e peh væn-koh pah-sing t‛ing.
> 11 Ge-he peh ng song kwön z-‛eo, feh yüong sin zeo zah-m hao kông, ah feh yüong wa-sön; keh z-‛eo su s-peh ng shih-wa, hao kông: ing-yü ze-teh kông feh-z ng z, z Sing-Ling.
> 12 Hyüong-di we peh hyüong-di, ah-pang we peh n song kwön bæn ge s-ze; n-nô ah we dong-siu tsông-s do-lao-nying:
> 13 ping-ts‛ia yü Ngô-keh ming-deo, ng we bi cong-nying ün-‛eng. Dæn-z zing-ne tao ti cü-ts we teh-djôh kyiu.

9 “爾許 自己 用 謹防：因爲 人 會 送 爾 到 公會；在 聚會堂 打 爾；爲 我个 緣故，爾 必 要 徛 在 總督 搭 皇帝个 面前，好 做 對證 畀 佢許。

10 還有 福音 道理 必 要 先 傳開 畀 萬國 百姓 聽。

11 佢許 畀 爾 送 官 時候，不用 先 愁 倽某 好 講，也 不 用 畫算；箇 時候 所 賜畀 爾 說話，好 講：因爲 在𡍲 講 不是 爾 自，是 聖靈。

12 兄弟 會 畀 兄弟，阿伯‛ 會 畀 兒 送 官 辦 佢 死罪；兒囡 也 會 動手 妝死 大佬人：

13 并且 爲 我个 名頭，爾 會 被 衆人 怨恨。但是 忍耐 到 底 主子 會 得着 救。

> 14 “Ng-he mông-djôh sin-ts Dæn-yi-li su kông, ‘we mih-gao, keh k‛o-u-keh meh-z,’ gyi ze feh ing-ke gyi-keh di-fông, (doh-keh cü-ts ke ming-bah,) keh z-‛eo ze Yiu-t‛a di-fông cü-ts hao dao tao sæn-zông:
> 15 ze oh-zông cü-ts feh iao tseo-lôh oh-li le, ah feh iao tseo-tsing-k‛e do meh-z:
> 16 ze di-yiang cü-ts ah feh iao cün-le do i-zông.
> 17 Keh-sih nyih-ts, do-du teh ky‛üoh-na-keh nyü-k‛ah yiu ‛o! 
> 18 Ng-he ing-ke tao-kao, sang-teh ng ze tong-t‛in dao-tseo.
> 19 Ing-yü ze keh-sih nyih-ts pih-ding yiu tse-næn, jong ky‛i-deo Zông-ti k‛e-t‛in p‛ih-di ih-dzih tao jü-kying, jong m-yiu keh-yiang-ts ku; ‛eo-deo ah m-yiu-keh.
> 20 Ziah-z Cü feh peh keh-sih nyih-ts tön-ting, ih-ke nying tu kyiu-feh-le: dæn-z yü Ge-z su t‛iao-shün-keh nying, we peh keh-sih nyih-ts tön-keh.

14 “爾許 望着 先知 但以理 所 講，‘會 滅爻，箇可惡个 物事，’ 徛 在 不 應該 徛个 地方，（讀个 主子 該 明白，）箇 時候 在 猶太 地方 主子 好 逃 到 山上：

15 在 屋上 主子 不要 走落 屋裏 來，也 不要 走進去 馱 物事：

16 在 地垟 主子 也 不 要 轉來 馱 衣裳。

17 箇些 日子，大肚 搭 喫奶个 女客 有 禍！

18 爾許 應該 禱告，省得 爾 在 冬天 逃走。

19 因爲 在 箇些 日子 必定 有 災難，從 起頭 上帝 開天 闢地 一直 到 如今，從 無有 箇樣子 過；後頭 也 無有个。

20 若是 主 不 畀 箇些 日子 短點，一個 人 都 救不來：但是 爲 佢自 所 挑選个 人，會 畀 箇些 日子 短个。

> 21 “Keh z-‛eo, ziah yiu nying teh ng kông, ‘Kyi-toh ze-i;’ ‛ôh-ts‛ia kông, ‘Ze-kæn;’ feh iao siang-sing ge.
> 22 Ing-yü yiu kô Kyi-toh kô sin-ts-nying iao c‛ih-le; ah we tso zing-tsih teh gyi-z, peh keh-sih t‛iao-shün-keh nying, ziah-z hao ta-li, ah we ta-li ge.
> 23 Ng-he yüong kying-vông: keh-sih z-kön, Ngô tu teh ng sin kông.

21 “箇 時候，若 有 人 搭 爾 講，‘基督 在倚；’ 或者 講，‘在 吤；’ 不 要 相信 佢。

22 因爲 有 假 基督 假 先知人 要 出來；也 會 做 神蹟 搭 奇事； 畀 箇些 挑選个 人，若是 好 帶累((同寧波話聖經))，也 會 帶累((同寧波話聖經)) 佢。

23 爾許 用 謹防：箇些 事幹，我 都 搭 爾 先 講。

> 24 Keh-sih nyih-ts, keh tse-næn yi-‛eo, nyih-deo iao heh-ön, nyüih-liang fe fæh-kwông,
> 25 t‛in-zông sing-siu we tih-lôh, t‛in-zông yiu gyün-ping-keh we yiao-dong.
> 26 Keh z-‛eo we mông-djôh Nying-keh N, yiu do gyün-ping teh yüong-wa, zo yüing le.
> 27 Ge ziu we ts‛a Ge-keh t‛in-s, jong di-keh zing-deo ih-dzih tao t‛in-keh zing-deo k‛e jü-zih s-fông t‛iao-shün-keh nying.

24 箇些 日子，箇 災難 以後，日頭 要 黑暗，月亮 𣍐 發光，

25 天上 星宿 會 跌落，天上 有 權柄个 會 搖動。

26 箇 時候 會 望着 人个 兒，有 大 權柄 搭 榮華，坐 雲 來。

27 佢 就 會 差 佢个 天使，從 地个 盡頭 一直 到 天个 盡頭 去 聚集 四方 挑選个 人。

> 28 “Ng-he mông vu-hwa-ko jü, hao ts‛eng tao ih-ke pi-fông: ge-keh ts-hong neng-ky‛i-le, yih ts‛iu-c‛ih-le, keh z-‛eo ng-he hyiao-teh ‛ô-t‛in kw‛a tao.
> 29 Z-t‛ih, ng mông-djôh yiu keh-sih z-kön, ziu hyiao-teh Zông-ti-keh koh kw‛a tao, ze meng-k‛eo.
> 30 Ngô lao-zih teh ng kông, Keh ih-de, wæ-vong ku-k‛e, keh-sih z-kön tu pih-ding zing-ziu.
> 31 T‛in teh di we ku-k‛e, Ngô-keh shih-wa fe ku-k‛e.
> 32 “Dæn-z keh nyih-ts, keh z-zing, m-nying hyiao-teh, t‛in-zông-keh t‛in-s ah feh hyiao-teh; N ah feh hyiao-teh; tsih-yiu Ah-pang hyiao-teh.

28 “爾許 望 無花果 樹，好 忖 到 一個 比方：佢个 枝蕻 嫩起來，葉 抽出來，箇 時候 爾許 曉得 夏天 快 到。

29 是僣，爾 望着 有 箇些 事幹，就 曉得 上帝个 國 快 到，在 門口。

30 我 老實 搭 爾 講，箇 一代，還朆 過去，箇些 事幹 都 必定 成就。

31 天 搭 地 會 過去，我个 說話 𣍐 過去。

32 “但是 箇 日子，箇 時辰，無人 曉得，天上个 天使 也 不 曉得；爾 也 不 曉得；只有 阿伯‛ 曉得。

> 33 “Ng-he yüong kying-vông, yüong kying-sing tao-kao: ing-yü feh hyiao-teh keh z-‛eo kyi-z tao.
> 34 Nying-keh N tsing-ziang ih-ke nying li-k‛e ge u-li c‛ih-meng k‛e, gyün-ping kao peh Ge nu-boh, yi kao-de kôh-nying-keh sang-weh; feng-fu kwön-meng-keh nying iao kying-sing.
> 35 Su-i ng-he iao kying-sing: ing-yü feh hyiao-teh Cü-nying-kô zao z-‛eo we le, wæ-z wông-kw‛eng, wæ-z pön-yia, wæ-z kyi di z-‛eo, wæ-z t‛in-liang:
> 36 ky‛üong-p‛ô Ge mah-ding cün-le, p‛ong-djôh ng-he ze-teh kw‛eng.
> 37 Ngô teh ng-he su kông, ah z teh cong-nying kông, iao kying-sing.”

33 “爾許 用 謹防，用 警醒 禱告：因爲 不 曉得 箇 時候 幾時 到。

34 人个 兒 正像 一個 人 離開 佢 塢裏 出門 去，權柄 交 畀 佢 奴僕，貤 交代 各人个 生活；吩咐 管門个 人 要 警醒。

35 所以 爾許 要 警醒：因爲 不 曉得 主人家 倽 時候 會 來，還是 黃昏，還是 半夜，還是 雞 啼 時候，還是 天亮：

36 恐怕 佢 驀停 轉來，碰着 爾許 在𡍲 睏。

37 我 搭 爾許 所 講，也 是 搭 衆人 講，要 警醒。”

===== Mk. XIV. =====

第十四章.

> YÜ-YIAH-TSIH te vu-kao-tsih liang nyih zin-deo, keh-sih tsi-s-deo teh doh-shü-nying wa-sön tsa-sang hao yüong kyi-meo k‛ô Yia-su, tsông-s Ge.
> 2 tsih-z kông, “Feh-k‛o z tsih ts‛, ky‛üong-p‛ô pah-sing iao nao-z.”

逾越節 對 無酵節 兩日 前頭，箇些 祭司頭 搭 讀書人 畫算 怎生 好 用 計謀 揢 耶穌，妝死 佢。

2 只是 講，“不可 是 節次，恐怕 百姓 要 鬧事。”

> 3 Yia-su ze Pah-da-nyi, sang da-mo-fong keh Si-meng u-li; Ge zo-zih z-‛eo, yiu ih-ke nyü-k‛ah, do nyüoh-‛eh ts-mön ting hao ting kyü hyiang-yiu, tseo-le, ky‛iao-k‛e tao ze Ge deo-zông.
> 4 Yiu kyi-ke nying sing-li feh cong-i, kông, “Keh hyiang-yiu fi-gao zah-m?
> 5 Keh feh-zin hao ma sæn-zih-to liang nying-ts, feng peh gyüong-nying.” Ziu ma-ün keh nyü-k‛ah.
> 6 Yia-su ziu kông, “Bing ge; ng-he tsa-sang peh ge tæn sing-z? ge hyiang Ngô tso-keh, z ih-yiang hao z-kön.
> 7 Ing-yü ng yiu gyüong-nying dziang-z jü-de, jü ng kyi-z hao de ge hao: dæn-z Ngô feh-z dziang ze-i.
> 8 Ge neng-keo tso, ge z yi-kying tso-ku; ge do hyiang-yiu fu ze Ngô sing-zông, z bi-bæn Ngô ma-tsông z-kön.
> 9 Ngô lao-zih teh ng kông, P‛u-t‛in-‛ô feh-leng nô su-ze, yiu keh foh-ing djün-k‛e, ah pih-ding kông keh nyü-k‛ah su tso z-kön, hao peh nying kyi-teh ge.”

3 耶穌 在 伯大尼，生 大麻風 个 西門 塢裏；佢 坐席 時候，有 一個 女客，馱 玉盒 著滿 頂 好 頂 貴 香油，走來，撬開 倒 在 佢 頭上。

4 有 幾個 人 心裏 不 中意，講，“箇 香油 廢爻 倽某？

5 箇 不然 好 賣 三十多 兩 銀子，分 畀 窮人。”

6 耶穌 就 講，“凭 佢；爾許 怎生 畀 佢 担 心事？佢 向 我 做个，是 一樣 好 事幹。

7 因爲 爾 有 窮人 長時 聚隊，隨 爾 幾時 好 待 佢 好：但是 我 不是 長 在倚。

8 佢 能彀 做，佢 自 已經 做過；佢 馱 香油 敷 在 我 身上，是 備辦 我 埋葬 事幹。

9 我 老實 搭 爾 講，普天下 不論 哪 所在，有 箇 福音 傳開，也 必定 講 箇 女客 所 做 事幹，好 畀 人 記得 佢。”

> 10 Zih-nyi meng-du li-min ih-ke, ziu-z Kô-liah nying Yiu-da, tseo tao tsi-s-deo su-ze, iao ma Yia-su peh ge.
> 11 Ge-he t‛ing-djôh ziu hwön-hyi, ing-hyü peh ge nying-ts. Yiu-da ziu zing kyi-we hao peh Yia-su kao-de ge.

10 十二 門徒 裏面 一個，就是 加略 人 猶大，走 到 祭司頭 所在，要 賣 耶穌 畀 佢。

11 佢許 聽着 就 歡喜，應許 畀 佢 銀子。猶大 就 尋 機會 好 畀 耶穌 交代 佢。

> 12 VU-KAO-TSIH deo-nyih, sæh yü-yiah-tsih siao-yiang z-‛eo, meng-du teh Yia-su kông, “Ng iao ngô-he ‛ah-yi k‛e bi-bæn yü-yiah-tsih peh Ng ky‛üoh?”
> 13 Yia-su ziu ts‛a liang-ke meng-du, teh ge kông, “Ng tao zing-li k‛e, we p‛ong-djôh ih-ke nying yiu ih-bing shü ky‛ih-teh; hao keng ge k‛e.
> 14 Tao ge tseo-tsing-keh u-li, hao teh keh-veng cü-nying-kô kông, ‘Sin-sang keh-t‛ih kông, Ngô teh Ngô meng-du hao ky‛üoh yü-yiah-tsih keh-kæn k‛ah-vông ze ‛ah-yi?’
> 15 Ge ziu yiu pa-sih hao ih-kæn do leo-zông peh ng mông: ze kæn ng hao bi-bæn.”
> 16 Meng-du ziu k‛e tseo-tsing zing-li, p‛ong-djôh ziang Yia-su teh ge su kông: ziu bi-bæn yü-yiah-tsih.

12 無酵節 頭日，殺 逾越節 小羊 時候，門徒 搭 耶穌 講，“爾 要 我許 何倚 去 備辦 逾越節 畀 爾 喫？”

13 耶穌 就 差 兩個 門徒，搭 佢 講，“爾 到 城裏 去，會 碰着 一個 人 有 一瓶 水 挈得；好 跟 佢 去。

14 到 佢 走進个 塢裏，好 搭 箇份 主人家 講，‘先生 箇僣 講，我 搭 我 門徒 好 喫 逾越節 箇間 客房 在 何倚？’

15 佢 就 有 擺設 好 一間 大 樓上 畀 爾 望：在 吤 爾 好 備辦。”

16 門徒 就 去 走進 城裏，碰着 像 耶穌 搭 佢 所 講：就 備辦 逾越節。

> 17 Æn-keng, Yia-su teh zih-nyi-ke meng-du jü-de le.
> 18 Ge-he zo-zih ky‛üoh z-‛eo, Yia-su kông, “Ngô lao-zih teh ng kông, Ng-he cong-yiang yiu ih-ke, teh Ngô jü-de ky‛üoh cü-ts, iao ma Ngô.”
> 19 Ge-he ziu iu-zeo, ke-tang-ke meng Ge: kông, “Z ngô feh?” “Z ngô feh?”
> 20 Yia-su we-teh ge-he kông, “Z zih-nyi-ke cong-yiang ih-ke, teh Ngô jü-de beng-li ‛ô-siu-keh.
> 21 Nying-keh N nyün-z iao k‛e, ziang Sing-shü ts-tin Ge: dæn-z ma Nying-keh N cü-ts yiu ‛o! keh-ke nying feh sang wæ-z ge bin-i.”

17 晏跟，耶穌 搭 十二個 門徒 聚隊 來。

18 佢許 坐席 喫 時候，耶穌 講，“我 老實 搭 爾 講，爾許 中央 有 一個，搭 我 聚隊 喫 主子，要 賣 我。”

19 佢許 就 憂愁，個打個 問 佢：講，“是 我 不？” “是 我 不？”

20 耶穌 回答 佢許 講，“是 十二個 中央 一個，搭 我 聚隊 盤裏 下手个。

21 人个 兒 原是 要 去，像 聖書 指點 佢：但是 賣 人个 爾 主子 有 禍！箇個 人 不 生 還是 佢 便意。”

> 22 Ge-he ky‛üoh z-eo, Yia-su do mæn-deo, coh-foh p‛ah-k‛e, kao-fu ge-he, kông, “Ng-he hao do-k‛e ky‛üoh: keh z Ngô-keh sing-t‛i.
> 23 Yi do pe, coh-zia, kao-fu ge-he: ge-he tu hæh.
> 24 Ping-ts‛ia teh ge-he kông, “Keh z Ngô-keh hyüih, ziu-z sing-iah-keh hyüih, yü hyü-to nying liu-c‛ih-le.
> 25 Ngô lao-zih teh ng kông, Jong kying-yi-‛eo Ngô tse feh kyüoh bu-dao-tsih, ih-dzih tao Ngô ze Zông-ti-keh koh kyüoh sing keh nyih.”

22 佢許 喫 時候，耶穌 馱 饅頭，祝福 𤖼開，交付 佢許，講，“爾許 好 馱去 喫：箇 是 我个 身體。

23 貤 馱 杯，祝謝，交付 佢許 佢許 都 呷。

24 并且 搭 佢許 講，“箇 是 我个 血，就是 新約个 血，爲 許多 人 流出來。

25 我 老實 搭 爾 講，從 今以後 我 再 不 喫 葡萄汁，一直 到 我 在 上帝个 國 喫 新汁 箇 日。”

> 26 Sing-s ts‛ông hao, ge-he tseo-c‛ih tao Kæh-læn sæn k‛e.
> 27 Yia-su teh ge-he kông, “Kying-nying mæn-deo ng cong-nying tu we yin-tseng tön Ngô gao: ing-yü Sing-shü kông, ‘Ngô we tang K‛ön-yiang-keh Nying; yiang ziu we sæn-k‛e.’
> 28 Dæn-z Ngô weh-cün-le ‛eo-deo, we pi ng-he ku-sin tao Kô-li-li k‛e.”
> 29 Pi-teh teh Ge kông, “Ziu-z cong-nying tu yin-tseng tön Ng gao, ngô tsong fe t‛ih tso.”
> 30 Yia-su teh ge kông, “Ngô lao-zih teh ng kông, Ziu-z kying-nying tông-yia, kyi di liang-væh zin-deo, Ng we sæn-t‛ao feh tsiao-nying Ngô.”
> 31 Pi-teh yüih-fæh sæh-kæh kông, “Ngô ziu-z teh Ng jü-de s, tsong fe feh tsiao-nying.” Cong meng-du ah z-t‛ih kông.

26 聖詩 唱 好，佢許 走出 到 橄欖 山 去。

27 耶穌 搭 佢許 講，“今日‛ 晚頭 爾 衆人 都 會 嫌憎 斷 我 爻：因爲 聖書 講，‘我 會 打 看羊个 人；羊 就 會 散開。’

28 但是 我 活轉來 後頭，會 比 爾許 過先 到 加利利 去。”

29 彼得 搭 佢 講，“就是 衆人 都 嫌憎 斷 爾 爻，我 總 𣍐 僣 做。”

30 耶穌 搭 佢 講，“我 老實 搭 爾 講，就是 今日‛ 當夜，雞 啼 兩垡 前頭，爾 會 三套 不 招認 我。”

31 彼得 越發 殺甲 講，“我 就是 搭 爾 聚隊 死，總 𣍐 不 招認。” 衆 門徒 也 是僣 講。

> 32 KEH-TS‛IAH ge-he tao ih-ke di-fông kyiao K‛ah-si-mô-nyi: Ge teh meng-du kông, “Ngô k‛e tao-kao, ng-he zo-i teng.”

32 箇且 佢許 到 一個 地方 叫 客西馬尼：佢 搭 門徒 講，“我 去 禱告，爾許 坐倚 等。”

> 33 Ziu ta Pi-teh, Ngô-kôh, Iah-ön, jü-de k‛e: sing-li ziu kying-hôh, pe-siang-teh-mang;
> 34 teh ge-he kông, “Ngô-keh sing ting iu-zeo tao s di-bu: ng-he hao ze-i teng, iao kying-sing.”

33 就 帶 彼得，雅各，約翰，聚隊 去：心裏 就 驚𢞕，悲傷得猛；

34 搭 佢許 講，“我个 心 頂 憂愁 到 死 地步：爾許 好 在倚 等，要 警醒。”

> 35 Ziu tseo-k‛e ting, p‛oh ze di, gyiu-gyiu, ziah-z neng-keo, peh Ge min-gao keh z-‛eo.
> 36 Ge kông, “Ô-pô, Ah-pang, Ng z yiang-yiang tu neng-keo; gyiu Ng min-gao Ngô keh pe: shü-tsih keh-t‛ih, feh hao jü Ngô-keh cü-i, tsong-z jü Ng cü-i.”
> 37 Tseo-le, mông-djôh meng-du kw‛eng-k‛e; ziu teh Pi-teh kông, “Si-meng, ng kw‛eng-k‛e feh? ih-k‛eh kong-fu tu feh neng-keo kying-sing?
> 38 Ng-he iao kying-sing, tao-kao; sang-teh tseo-tsing mi-‛ôh. Ling-sing z zing-nyün, tsih-z nyüoh-sing no-ziah.”

35 就 走去 點，覆 在 地，求求，若是 能彀，畀 佢 免爻 箇 時候。

36 佢 講，“亞爸，阿伯‛，爾 是 樣樣 都 能彀；求 爾 免爻 我 箇 杯：雖即 箇僣，不 好 隨 我个 主意，總是 隨 爾 主意。”

37 走來，望着 門徒 睏去；就 搭 彼得 講，“西門，爾 睏去 不？一刻 工夫 都 不 能彀 警醒？

38 爾許 要 警醒，禱告；省得 走進 迷惑。靈心 是 情願，只是 肉身 懦弱。”

> 39 Yi k‛e tao-kao, shih-wa ah z-t‛ih kông-fæh.
> 40 Cün-le, mông-djôh ge-he yi kw‛eng-kæn, ing-yü ge-keh ngæn k‛e-feh-k‛e; ge-he ah feh hyiao-teh tsa-sang hao we-teh Ge.

39 貤 去 禱告，說話 也 是僣 講法。

40 轉來，望着 佢許 貤 睏吤，因爲 佢个 眼 開不開；佢許 也 不 曉得 怎生 好 回答 佢。

> 41 Di-sæn-t‛ao tseo-le teh ge-he kông, “Yi-‛eo jü ng kw‛eng, tsiang-sih. Keh-ts‛iah keo-gao; z-‛eo tao-gao: Nying-keh N iao kao-de ze-nying-keh siu-li.
> 42 Nang-ky‛i, Ngô-he k‛e: ma Ngô cü-ts gying-gao.”

41 第三套 走來 搭 佢許 講，“以後 隨 爾 睏，將息。箇且 彀爻；時候 到爻：人个 兒 要 交代 罪人个 手裏。

42 玍起，我許 去：賣 我 主子 近爻。”

> 43 Tông-z, Ge wæ ze-teh kông z-‛eo, zih-nyi meng-du li-min ih-ke, kyiao Yiu-da, le-gao; wæ-yiu ih-do-pæn nying, ta tao teh kweng, jong tsi-s-deo doh-shü-nying tsiang-lao su-ze, teh Yiu-da jü-de le.
> 44 Ma ge cü-ts yi-kying peh ge-he ih-ke ‛ön-‛ao, kông, “Ngô teh Ge o-cü-keh, ziu-z: ng-he hao k‛ô Ge, t‛o-tông ta-k‛e.
> 45 Ge ih-tao, ziu tseo tao Yia-su sing-pin, kông, “Fu-ts, Fu-ts;” ziu teh Ge o-cü.
> 46 Ge-he ziu dong-siu k‛ô Ge.

43 當時，佢 還 在𡍲 講 時候，十二 門徒 裏面 一個，叫 猶大，來爻；還有 一大班 人，帶 刀 搭 棍，從 祭司頭 讀書人 長老 所在，搭 猶大 聚隊 來。

44 賣 佢 主子 已經 畀 佢許 一個 害爻，講，“我 搭 佢 唩嘴个，就是：爾許 好 揢 佢，妥當 帶去。

45 佢 一到，就 走 到 耶穌 身邊，講，“夫子，夫子；” 就 搭 佢 唩嘴。

46 佢許 就 動手 揢 佢。

> 47 Wang-pin gyi-kæn yiu ih-ke nying bæh-c‛ih tao, tsôh tsi-s-deo-keh nu-boh, siah-lôh ge ng-to.
> 48 Yia-su teh ge-he kông, “Ng-he tsa-sang do tao teh kweng tseo-c‛ih-le k‛ô Ngô, ziang k‛ô gyiang-dao?
> 49 Ngô nyih-nyih ze sing-din ng-keh cong-yiang kông dao-li; ng-he feh k‛ô Ngô: dæn-z keh z-kön tso-zing, hao peh Sing-shü shih-wa yiu ing-nyin.”

47 橫匾 徛吤 有 一個 人 拔出 刀，斫 祭司頭个 奴僕，削落 佢 耳朵。

48 耶穌 搭 佢許 講，“爾許 怎生 馱 刀 搭 棍 走出來 揢 我，像 揢 強盜？

49 我 日日 在 聖殿 爾个 中央 講 道理；爾許 不 揢 我：但是 箇 事幹 做成，好 畀 聖書 說話 有 應驗。”

> 50 Keh-ts‛iah meng-du tu li-k‛e Ge, dao-gao.
> 51 Yiu ih-ke ‛eo-sang, yiu si mô-pu yü c‛ih-pôh-keh sing-t‛i, keng Yia-su; keh-sih ping bæh ge.
> 52 Ge ziu t‛eng-gao mô-pu, c‛ih-sing dao-gao.

50 箇且 門徒 都 離開 佢，逃爻。

51 有 一個 後生，有 細 麻布 圍 出膊个 身體，跟 耶穌；箇些 兵 辦 佢。

52 佢 就 褪爻 麻布，出身 逃爻。

> 53 GE-HE ziu ta Yia-su tao tsi-s-deo-keh ngô-meng-li; cong tsi-s-deo, tsiang-lao, teh doh-shü-nying, tu jü-we tao tsi-s-deo su-ze.
> 54 Pi-teh yün-yün keng-djôh Ge, ih-dzih tao tsi-s-deo ngô-meng-li; teh ts‛a-nying jü-de zo-kæn, hong-hong ho.

53 佢許 就 帶 耶穌 到 祭司頭个 衙門裏；衆 祭司頭，長老，搭 讀書人，都 聚會 到 祭司頭 所在。

54 彼得 遠遠 跟着 佢，一直 到 祭司頭 衙門裏；搭 差人 聚隊 坐吤，烘烘 火。

> 55 Keh-sih tsi-s-deo teh jün kong-we tu iao zing kyin-tsing kao Yia-su, hao bæn Ge s-ze; tsih-z zing-feh-djôh.
> 56 Yiu hyü-to nying tso kô kyin-tsing kao Ge, dæn-z ge-keh kyin-tsing feh ‛eh.
> 57 Yi yiu kyi-ke gyi-ky‛i-le, tso kô kyin-tsing kao Ge, kông,
> 58 “Ngô-he t‛ing-djôh Ge kông, ‘Keh sing-din z nying siu su tso, Ngô we ts‛ah-gao, sæn-nyih nen tse ky‛i ih-ke, feh z nying siu su tso.’ ”
> 59 Dæn-z ge-keh kyin-tsing ah z feh ‛eh.

55 箇些 祭司頭 搭 全 公會 都 要 尋 見證 告 耶穌，好 辦 佢 死罪；只是 尋不着。

56 有 許多 人 做 假 見證 告 佢，但是 佢个 見證 不 合。

57 貤 有 幾個 徛起來，做 假 見證 告 佢，講，

58 “我許 聽着 佢 講，‘箇 聖殿 是 人 手 所 做，我 會 拆爻，三日 內 再 起 一個，不 是 人 手 所 做’ ”

59 但是 佢个 見證 也 是 不 合。

> 60 Tsi-s-deo cong-yiang gyi-ky‛i-le, meng Yia-su, kông, “Ng ih-kyü tu feh we-teh? Ge-he tso kyin-tsing kao Ng-keh z-kön tao-ti tsa-sang?”
> 61 Yia-su feh ing, ih-ting feh we-teh ge. Tsi-s-deo tse meng Ge, teh Ge kông, “Ng tao-ti z Kyi-toh keh-yü ke tsæn-mi Cü-ts-keh N feh?”
> 62 Yia-su kông, “Ngô z-keh: ng-he tsiang-le we mông-djôh Nying-keh N zo ze yiu neng-kön Cü-ts-keh jing-siu-pin, yi zo t‛in-zông-keh yüing le.”

60 祭司頭 中央 徛起來，問 耶穌，講，“爾 一句 都 不 回答？佢許 做 見證 告 爾个 事幹 到底 怎生？”

61 耶穌 不 應，一點 不 回答 佢。祭司頭 再 問 佢，搭 佢 講，“爾 到底 是 基督 箇位 該 讚美 主子个 兒 不？”

62 耶穌 講，“我 是个：爾許 將來 會 望着 人个 兒 坐 在 有 能幹 主子个 順手邊，貤 坐 天上个 雲 來。”

> 63 Tsi-s-deo ts‛e-p‛o z-keh i-zông, kông, “Ngô-he ‛o-yüong bih-nying-keh kyin-tsing?
> 64 Ge sih-doh shih-wa ng-he t‛ing-djôh-ku: ng-he-keh i-s tsa-sang?” Ge-he tu ding Ge væn-djôh s-ze.
> 65 Keh-ts‛iah yiu-sih zæn-t‛u t‛u Ge, tsô Ge-keh min, yüong gyün-deo tang Ge, yi teh Ge kông, “Ng ts‛ia kông sin-ts shih-wa.” Keh-sih ts‛a-nying ah dong-siu tang Ge.

63 祭司頭 撦破 自个 衣裳，講，“我許 何用 別人个 見證？

64 佢 褻瀆 說話 爾許 聽着過：爾許个 意思 怎生？” 佢許 都 定 佢 犯着 死罪。

65 箇且 有些 瀺吐 吐 佢，遮 佢个 面，用 拳頭 打 佢，貤 搭 佢 講，“爾 且 講 先知 說話。” 箇些 差人 也 動手 打 佢。

> 66 Pi-teh ze ‛ô-min, ming-dông-li; tsi-s-deo ih-ke ‛ô-deo tseo-le,
> 67 mông-djôh Pi-teh ze-teh hong-ho, ziu ts‛ing-ting mông ge, kông, “Ng ah z teh Nô-sæh-leh Yia-su jü-de.”
> 68 Ge feh tsiao-nying, kông, “Ng-keh shih-wa tsa-sang, ngô feh hyiao-teh, feh ming-bah.” Ge tseo-c‛ih tao meng-zin, kyi ziu di.
> 69 Yi yiu ih-ke ô-deo mông-djôh ge, teh wang-pin gyi-kæn cü-ts kông, “Keh-ke nying z ge-he tso-de.”
> 70 Pi-teh yi feh tsiao-nying. Ku ih-ts‛iang, keh-sih wang-pin gyi-kæn-keh nying tse teh Pi-teh kông, “Ng zih-ze z ge-he tso-de-keh nying; ing-yü ng z Ko-li-li nying, ng k‛eo-ing ah te-keh.”
> 71 Keh-ts‛iah Pi-teh do væh-tsiu, kông, “Ng ze-teh kông Cü-ts ngô feh nying-teh Ge.”
> 72 Kyi ziu di-nyi-pin di-gao. Pi-teh ziu ts‛eng-tao Yia-su teh ge su kông shih-wa, “Kyi di liang-væh zin-deo, ng we sæn-t‛ao feh tsiao-nying Ngô.” Ih ts‛eng-tao, ziu k‛oh-ky‛i-le.

66 彼得 在 下面，明堂裏；祭司頭 一個 丫頭 走來，

67 望着 彼得 在𡍲 烘火，就 青盯 望 佢，講，“爾 也 是 搭 拿撒勒 耶穌 聚隊。”

68 佢 不 招認，講，“爾个 說話 怎生，我 不 曉得，不 明白。” 佢 走出 到 門前，雞 就 啼。

69 貤 有 一個 丫頭 望着 佢，搭 橫邊 徛吤 主子 講，“箇個 人 是 佢許 佐隊。”

70 彼得 貤 不 招認。過 一瑲，箇些 橫邊 徛吤个 人 再 搭 彼得 講，“爾 實在 是 佢許 佐隊个 人；因爲 爾 是 加利利 人，爾 口音 也 對个。”

71 箇且 彼得 大 罰咒，講，“爾 在𡍲 講 主子 我 不 認得 佢。”

72 雞 就 第二遍 啼爻。彼得 就 忖到 耶穌 搭 佢 所 講 說話，“雞 啼 兩垡 前頭，爾 會 三套 不 招認 我。” 一 忖到，就 哭起來。

===== Mk. XV. =====

第十五章.

> TSAO t‛in-liang, keh-sih tsi-s-deo, tsiang-lao, doh-shü-nying, teh jün kong-we, tu siang-liang-hao, ziu kw‛eng-ky‛i Yia-su, ta-c‛ih-k‛e, ka peh Pi-læh-to.

早 天亮，箇些 祭司頭，長老，讀書人，搭 全 公會，都 商量 好，就 綑起 耶穌，帶出去，解 畀 彼拉多。

> 2 Pi-læh-to meng Ge, kông, “Ng z Yiu-t‛a nying-keh Wông-ti feh?” Yia-su we-teh ge, kông, “Ng kông-djôh-gao.”
> 3 Keh-sih tsi-s-deo kao Ge hyü-to ön-gyin.
> 4 Pi-læh-to yi meng Ge, kông, “Ng ih-ting feh we-teh? Ts‛ia-k‛ön, ge-he yiu to-siao ön-gyin tso kyin-tsing kao Ng.” 
> 5 Dæn-z Yia-su ning-gyiu ih-ting feh we-teh; peh Pi-læh-to hyi-gyi.

2 彼拉多 問 佢，講，“爾 是 猶太 人个 皇帝 不？” 耶穌 回答 佢，講，“爾 講着爻。”

3 箇些 祭司頭 告 佢 許多 案件。

4 彼拉多 貤 問 佢，講，“爾 一點 不 回答？且看，佢許 有 多少 案件 做 見證 告 爾。”

5 但是 耶穌 仍舊 一點 不 回答；畀 彼拉多 希奇。

> 6 Tao keh tsih-ts‛, lao-li fông ih-ke væn-nying peh pah-sing, jü ge gyiu kæh-nying.
> 7 Yiu ih-ke nying kyiao Pô-læh-pô, teh ge kyih-tông zao-fæn-keh jü-de kw‛eng-lao: zao-fæn z-‛eo ge z sæh-nying ku.
> 8 Cong-nying kao-sing gyiu Pi-læh-to, iao ge tsiao lao-li tso.
> 9 Pi-læh-to we-teh ge-he, kông, “Iao ngô fông Yiu-t‛a nying-keh Wông-ti peh ng feh?”
> 10 Ing-yü hyiao-teh keh-sih tsi-s-deo z yü ky‛i Ge feh-ku ka-zông-le.

6 到 箇 節次，牢裏 放 一個 萬人 畀 百姓，隨 佢 求 吤人。

7 有 一個 人 叫 巴拉巴，搭 佢 結黨 造反个 聚隊 綑牢：造反 時候 佢 是 殺人 過。

8 衆人 高聲 求 彼拉多，要 佢 照 老例 做。

9 彼拉多 回答 佢許，講，“要 我 放 猶太 人个 皇帝 畀 爾 不？”

10 因爲 曉得 箇些 祭司頭 是 爲 氣 佢 不過 解上來。

> 11 Dæn-z keh-sih tsi-s-deo ts‛ön-tön keh-pæn nying, gyiu tsong-toh fông Pô-læh-pô peh ge.
> 12 Pi-læh-to yi we-teh ge, kông, “Ng su kông z Yiu-t‛a nying Wông-ti, iao ngô tsa-sang bæn Ge?”
> 13 Ge-he yi kao-sing kông, “Ting Ge ze zih-z-kô-zông.”
> 14 Pi-læh-to teh ge-he kông, “Ge tso zah-m ôh z-kön?” Ge-he yüih-fæh ao-teh hyiang, kông, “Ting Ge ze zih-z-kô-zông.”
> 15 Pi-læh-to iao peh pah-sing hwön-hyi, ziu fông Pô-læh-pô peh ge-he, yüong pin tang Yia-su, kao-de ge-he ting Ge ze zih-z-kô-zông.

11 但是 箇些 祭司頭 攛斷 箇班 人，求 總督 放 巴拉巴 畀 佢。

12 彼拉多 貤 回答 佢，講，“爾 所 講 是 猶太 人 皇帝，要 我 怎生 辦 佢？”

13 佢許 貤 高聲 講，“釘 佢 在 十字架上。”

14 彼拉多 搭 佢許 講，“佢 做 倽某 惡 事幹？” 佢許 越發 噢得 響，講，“釘 佢 在 十字架上。”

15 彼拉多 要 畀 百姓 歡喜，就 放 巴拉巴 畀 佢許，用 鞭 打 耶穌，交代 佢許 釘 佢 在 十字架上。

> 16 KEH-SIH ping ta Yia-su tao ming-dông-‛eo, ziu-z kwön-t‛ing; ao-le ‛eh-ying-keh ping.
> 17 Ziu do ‛ong-bao peh Ge tsiah, yüong ts‛ tso ih-ting bing-t‛in-kwön peh Ge ta;
> 18 ziu ts‛ing Ge ön, kông, “Yiu-t‛a nying-keh Wông-ti, kyüong-hyi!”
> 19 Yi do ih-keng lu-kön tang Ge deo zæn-t‛u t‛u Ge, yi gyü-lôh pa Ge.
> 20 C‛ü-siao-wön, ‛ong-bao t‛eh-gao, ning-gyiu peh Ge tsiah Z i-zông; ziu ta-c‛ih-k‛e ting Ge ze zih-z-kô-zông.

16 箇些 兵 帶 耶穌 到 明堂後，就是 官廳；噢來 閤營个 兵。

17 就 馱 紅袍 畀 佢 撯，用 刺 做 一頂 平天冠 畀 佢 帶；

18 就 請 佢 安，講，“猶太 人个 皇帝，恭喜！”

19 貤馱 一根 蘆竿 打 佢 頭 瀺吐 吐 佢，貤 跪落 拜 佢。

20 取笑完，紅袍 脫爻，仍舊 畀 佢 撯 自 衣裳；就 帶出去 釘 佢 在 十字架上。

> 21 Yiu ih-ke Ku-li-na nying kyiao Si-meng, ziu-z Ô-lih-sæn-da teh Lu-fu-keh pang, ge z jong di-yiang le, tseo-ku: ge-he ngang-k‛ô ge gwæn Yia-su-keh zih-z-kô.

21 有 一個 古利奈 人 叫 西門，就是 亞歷山大 搭 魯孚个 伯‛，佢 是 從 地垟 來，走過：佢許 硬揢 佢 擐 耶穌个 十字架。

> 22 GE-HE ziu ta Yia-su tao Kôh-kôh-t‛a di-fông, ziu-z ‘k‛u-leo su-ze’ ka-shih.
> 23 Do yiu meh-yiah ‛o-teh-keh tsiu peh Ge ky‛üoh; Ge feh k‛eng ziu.
> 24 Ting-zông zih-z-kô ts-‛eo, ge-he jü-de feng Ge i-zông, côh kyiu k‛ön kôh-nying teh-djôh zah-m.
> 25 Tsao-ka-deo ge-he ting Ge ze zih-z-kô-zông.
> 26 Ze Ge deo-zông t‛ih ih-da tsiao-ts, yiu Ge ze-ming sia-teh, kông, “YIU-T‛A NYING-KEH WÔNG-TI.”

22 佢許 就 帶 耶穌 到 各各他 地方，就是 ‘骷髏 所在’ 解說。

23 馱 有 沒藥 和𡍲个 酒 畀 佢 喫；佢 不 肯 受。

24 釘上 十字架 之後，佢許 聚隊 分 佢 衣裳，捉 鬮 看 各人 得着 倽某。

25 早界頭 佢許 釘 佢 在 十字架上。

26 在 佢 頭上 貼 一𡉑 招紙，有 佢 罪名 寫𡍲，講，“猶太 人个 皇帝。”

> 27 Yiu liang-ke gyiang-dao teh Ge jü-de ting ze zih-z-kô-zông, ih-ke ze Ge jing-siu-pin, ih-ke ze Ge tsi-siu-pin.
> 28 Ziu ing-djôh Sing-shü su kông, “Ge teh væn-nying sön-tsing ze-nen.”

27 有 兩個 強盜 搭 佢 聚隊 釘 在 十字架上，一個 在 佢 順手邊，一個 在 佢 濟手遍。

28 就 應着 聖書 所 講，“佢 搭 犯人 算進 在內。”

> 29 Tseo-ku cü-ts deo yiao-yiao, sih-doh Ge, kông, “‛E! Ng z we ts‛ah-gao sing-din, sæn-nyih kong-fu tse ky‛i hao Cü-ts,
> 30 nông-ze hao Z kyiu Z, jong zih-z-kô tseo-lôh-le.”
> 31 Keh-sih tsi-s-deo teh doh-shü-nying ah z keh-t‛ih, ge-he jü-de kông-le-kông-k‛e, tsao-siao Ge, kông, “Ge yiu bih-nying kyiu-ku, feh neng-keo kyiu Z.
> 32 Keh-ke Kyi-toh, Yi-seh-lih Wông-ti, nông-ze jong zih-z-kô hao tseo-lôh-le, peh ngô-he mông-djôh ziu siang-sing. Teh Ge jü-de ting-kæn-keh nying ah zôh Ge.

29 走過 主子 頭 搖搖，褻瀆 佢，講，“咳！爾 是 會 拆爻 聖殿，三日 工夫 再 起 好 主子，

30 曩在 好 自 救 自，從 十字架 走落來。”

31 箇些 祭司頭 搭 讀書人 也 是 箇僣，佢許 聚隊 扛來扛去，嘲笑 佢，講，“佢 有 別人 救過，不 能彀 救 自。

32 箇個 基督，以色列 皇帝，曩在 從 十字架 好 走落來，畀 我許 望着 就 相信。搭 佢 聚隊 釘吤个 人 也 𧮙 佢。

> 33 Tao nyih-tsiu, pin-di heh-ön, ih-dzih tao pön æn-ka. 

> 34 Pön æn-ka, Yia-su do sing-hyiang ao-ky‛i-le, kông, “Yi-li! Yi-li! læh-mô sæh-bah-da-nyi?” ka-shih ziu-z kông, “Ngô-keh Zông-ti! Ngô-keh, Zông-ti! tsa-sang li-k‛e Ngô?”
> 35 Yiu sih wang-pin gyi-kæn-keh nying t‛ing-djôh, ziu kông, “Ge ze-teh ao Yi-li-ô.”
> 36 Yiu ih-ke nying diao-le, do he-min-hwa, tsing ze ts‛u li, c‛ôh ze lu-kön-zông, peh Ge ky‛üoh, kông, “Feh-yüong; ngô-he mông Yi-li-ô we le fông Ge lôh-le feh.”

33 到 日晝，遍地 黑暗，一直 到 半 晏界。

34 半 晏界，耶穌 大 聲響 噢起來，講，“以利！以利！拉馬 撒白大尼？” 解說 就是 講，“我个 上帝！我个，上帝！怎生 離開 我？”

35 有 些 橫邊 徛吤个 人 聽着，就 講，“佢 在𡍲 噢 以利亞。”

36 有 一個 人 趒來，馱 海綿花，浸 在 醋 裏，戳 在 蘆竿上，畀佢 喫，講，“不用；我許 望 以利亞 會 來 放 佢 落來 不。”

> 37 Yia-su do sing-hyiang ao ih-sing, ky‛i ziu dön-gao.
> 38 Sing-din-li-keh mön-tsiang jong zông-tao-‛ô te-lih-k‛e.

37 耶穌 大 聲響 噢 一聲，氣 就 斷爻。

38 聖殿裏个 幔帳 從 上到下 對裂開。

> 39 Teh Ge te-min gyi-kæn-keh pah-tsong, mông-djôh Yia-su keh-t‛ih ao ih-sing ky‛i ziu dön-gao, ziu kông, “Keh Nying lao-zih z Zông-ti-keh N.”
> 40 Yiu kyi-ke nyü-nying yün-yün mông-kæn: nen-cong yiu Mah-da-læh-keh Mô-li-ô, wæ-yiu siao Ngo-kôh teh Iah-si-keh m Mô-li-ô, teh Sæh-lo-mi:
> 41 ziu-z, Yia-su ze Kô-li-li z-‛eo, keng-djôh voh-z Ge cü-ts: yi yiu hyü-to bih-ke nyü-nying, ziu-z teh Ge jü-de zông Yia-lu-sæh-lang cü-ts.

39 搭 佢 對面 徛吤个 百總，望着 耶穌 箇僣 噢 一聲 氣 就 斷爻，就 講，“箇 人 老實 是 上帝个 兒。”

40 有 幾個 女人 遠遠 望吤：內中 有 陌大拉个 馬利亞，還有 笑 雅各 搭 約西个 母 馬利亞，搭 撒羅米：

41 就是，耶穌 在 加利利 時候，跟着 服事 佢 主子：貤 有 許多 別個 女人，就是 搭 佢 聚隊 上 耶路撒冷 主子。

> 42 YI-KYING æn-gao, ing-yü z yü-bi nyih, ziu-z ön-sih-nyih deo nyih,
> 43 Ô-li-mô-t‛a-keh Iah-seh tseo-le; z nyi-z-bu-li kyü-djong-keh kwön, ah z siang-vông Zông-ti-keh koh cü-ts; ge fông-tæn le kyin Pi-læh-to, t‛ao Yia-su-keh s-siu.
> 44 Pi-læh-to hyi-gyi Yia-su yi-kying s-gao: ziu ao pah-tsong le, meng ge, s-gao ih-ts‛iang feh.
> 45 Kyi-zin jong pah-tsong hyiao-teh, s-siu ziu song peh Iah-seh.

42 已經 晏爻，因爲 是 預備 日，就是 安息日 頭 日，

43 亞利馬太个 約瑟 走來；是 議事部裏 貴重个 官，也 是 想望 上帝个 國 主子；佢 放膽 來 見 彼拉多，討 耶穌个 屍首。

44 彼拉多 希奇 耶穌 已經 死爻：就 噢 百總 來，問 佢，死爻 一瑲 不。

45 既然 從 百總 曉得，屍首 就 送 畀 約瑟。

> 46 Iah-seh ziu ma si mô-pu, s-siu do-lôh-le, yüong keh pu pao hao, tsông ze ngæn-zih zôh-c‛ih-le-keh veng-li: yi fæn ih-kw‛e zih-deo, seh ze veng meng-k‛eo.
> 47 Meh-da-læh-keh Mô-li-ô, teh Iah-si-keh m Mô-li-ô, tu mông-djôh Ge tsông-keh di-fông.

46 約瑟 就 買 細 麻布，屍首 馱落來，用 箇 布 包 好，葬 在 岩石 鑿出來个 墳裏：貤 反 一塊 石頭，塞 在 墳 門口。

47 抹大拉个 馬利亞，搭 約西个 馬利亞，都 望着 佢 葬个 地方。

===== Mk. XVI. =====

第十六章.

> ÖN—SIH—NYIH ku—gao, Meh-da-læh-keh Mô-li-ô, teh Ngô-kôh-keh m Mô-li-ô, teh Sæh-lo-mi, sin ma hyiang-liao, iao le fu Yia-su-keh s-siu.
> 2 Ts‛ih-nyih-keh deo-nyih t‛in-liang, nyih-deo te c‛ih z-‛eo, tao veng-deo le.
> 3 Ge-he jü-de siang-liang, kông, “Kæh-nying we peh ngô-he fæn-ku veng meng-k‛eo-keh zih-deo?”
> 4 Deo nyiang-ky‛i, ziu mông-djôh zih-deo yi-kying fæn-ku-gao: keh-kw‛e zih-deo z ting do.
> 5 Tseo-tsing veng li-min, mông-djôh ih-ke ‛eo-sang ze jing-siu-pin zo-kæn, tsiah bah-bao: ge-he ziu hôh.
> 6 Keh ‛eo-sang teh ge kông, “Hyiao hôh: ng le zing ting zih-z-kô Nô-sæh-læh-keh Yia-su: Ge z weh-cün-le-gao, feh ze-i: hao mông tsông Ge-keh su-ze.
> 7 Hao k‛e t‛ong-ts meng-du teh Pi-teh kông, ‘Ge pi ng-he sin tao Kô-li-li k‛e; ze kæn ng we mông-djôh Ge, ziang Ge teh ng-he su kông.’ ”
> 8 Ge-he beh tseo-c‛ih, jong veng diao-k‛e; nying hôh-mang gæh-gæh-teo; ih-ting feh teh bih-nying kông, ing-yü hôh-mang.

安息日 過爻，抹大拉个 馬利亞，搭 雅各个 母 馬利亞，搭 撒羅米，先 買 香料，要 來 敷 耶穌个 屍首。

2 七日个 頭日 天亮，日頭 對 出 時候，到 墳頭 來。

3 佢許 聚隊 商量，講，“吤人 會 畀 我許 反過 墳 門口个 石頭？”

4 頭 仰起，就 望着 石頭 已經 反過爻：箇塊 石頭 是 頂 大。

5 走進 墳 裏面，望着 一個 後生 在 順手邊 坐吤，撯 白袍：佢許 就 𢞕。

6 箇 後生 搭 佢 講，“𠏕 𢞕：爾 來 尋 釘 十字架 拿撒拉个 耶穌：佢 是 活轉來爻，不 在倚：好 望 葬 佢个 所在。

7 好 去 通知 門徒 搭 彼得 講，‘佢 比 爾許 先 到 加利利 去；在 吤 爾 會 望着 佢，像 佢 搭 爾許 所 講。’ ”

8 佢許 便 走出，從 墳 趒去；人 𢞕猛 軋軋抖；一點 不 搭 別人 講，因爲 𢞕猛。

> 9 Ts‛ih-nyih-keh deo-nyih t‛in-liang Yia-su weh-cün-le, sin yin-c‛ih peh Meh-da-læh-keh Mô-li-ô mông; ziu-z jong ge sing-zông kön-c‛ih ts‛ih-ke kyü.
> 10 Keh-sih su-zông teh Yia-su jü-de cü-ts k‛eo-k‛eo pe-siang k‛oh z-‛eo, keh nyü-nying tseo-k‛e t‛ong-ts ge-he.
> 11 Ge-he t‛ing-djôh Yia-su z weh-gao, peh ge mông-djôh-ku, feh siang-sing.

9 七日个 頭日 天亮 耶穌 活轉來，先 現出 畀 抹大拉个 馬利亞 望；就是 從 佢 身上 趕出 七個 鬼。

10 箇些 素常 搭 耶穌 聚隊 主子 扣扣 悲傷 哭 時候，箇 女人 走去 通知 佢許。

11 佢許 聽着 耶穌 是 活爻，畀 佢 望着過，不 相信。

> 12 Keh-sih z-kön ‛eo-deo, liang-ke meng-du tao hyiang-‛ô k‛e; tseo-lu z-‛eo, Yia-su pin kôh-yiang siang-mao yin-c‛ih-le peh ge-he mông.
> 13 Ge-he ziu k‛e t‛ong-ts gyi-yü-keh meng-du; ge ah feh siang-sing ge-he.

12 箇些 事幹 後頭，兩個 門徒 到 鄉下 去；走路 時候，耶穌 變 各樣 相貌 現出來 畀 佢許 望。

13 佢許 就 去 通知 其餘个 門徒；佢 也 不 相信 佢許。

> 14 ‛Eo-deo, zih-ih-ke meng-du zo-zih z-‛eo, Yia-su yin-c‛ih-le peh ge-he mông, tsah-væh ge-he feh siang-sing-keh ngang sing-dziang; ing-yü Ge weh-cün-le ‛eo-deo, keh-sih mông-djôh-ku nying shih-wa ge-he feh siang-sing.

14 後頭，十一個 門徒 坐席 時候，耶穌 現出來 畀 佢許 望，責罰 佢許 不 相信个 硬 心腸；因爲 佢 活轉來 後頭，箇些 望着過 人 說話 佢許 不 相信。

> 15 Yia-su teh ge-he kông, “Ng-he tao p‛u-t‛in-‛o k‛e, djün foh-ing dao-li peh cong-nying t‛ing.
> 16 Siang-sing ziu tsing-li cü-ts hao teh-djôh kyiu: feh siang-sing cü-ts iao ding ge ze.
> 17 Siang-sing cü-ts, keh-sih gyi-z we keng ge: yüong Ngô-keh ming-deo we kön-c‛ih kyü; we kông kôh-c‛ü t‛u-wa;
> 18 we k‛ô zô; jü-bin ky‛üoh zah-m doh meh-z, ah feh siang-‛e; wæ-yiu sang-bing nying sing-zông siu en-en ge, ziu we hao.”

15 耶穌 搭 佢許 講，“爾許 到 普天下 去，傳 福音 道理 畀 衆人 聽。

16 相信 受 浸禮 主子 好 得着 救：不 相信 主子 要 定 佢 罪。

17 相信 主子，箇些 奇事 會 跟 佢：用 我个 名頭 會 趕出 鬼；會 講 各處 土話；

18 會 揢 蛇；隨便 喫 倽某 毒 物事，也 不 傷害；還有 生病 人 身上 手 按按 佢，就 會 好。”

> 19 Cü teh ge-he kông-hao, ziu sing-zông t‛in, zo ze Zông-ti-keh jing-siu-pin.
> 20 Meng-du tseo-c‛ih, kôh-tao-c‛ü k‛e djün dao-li: Cü pông-zu ge-he, keng-djôh ge-he keh gyi-z te-tsing keh dao-li. Ô-meng.

19 主 搭 佢許 講好，就 昇上 天，坐 在 上帝个 順手邊。

20 門徒 走出，各到處 去 傳 道理：主 幫助 佢許，跟着 佢許 个 奇事 對證 箇 道理。亞門。