台州語維基百科

本頁是唯讀的，您可以看到原始碼，但不能更動它。您如果覺得它不應被鎖上，請詢問管理員。
====== 小王子 第二章 ======

我冷清清个独个人宿，呒我真当性好讲讲个人，直到六年前，我个飞机来撒哈拉沙漠一粒故障。引擎里向何物无用爻。当然呒人搭我聚队来旁，机械工也呒伐趁客儿也呒。我独该坐着旁，忖咦孬修也要畀伊修转起。对我来讲是死阿是活个问题，我便只一个星期吃个水。
第一夜，我困叻沙漠上，千里之外且有人住个沙漠中央。便坐得木排上向，退得大海中央也何有我冷清也。馨尔总阿会觉得，第二日天亮猛，我讴一个奇怪个声响吵醒个时候，尔讲讲向当时我多少诧异。个声音讲：

『央尔好用伐……畀我画只羊起！』

『啊！』

『畀我画只羊起！』

扣得雷佛劈落来向，我个击徛起，眼黄搓搓爻，眼撑开侯大望，望着一个人。箇人伐细细该，徛旁一本正经(正功直认)个问我。尔望张最像渠个写真，我后晚照渠样画起个。

{{ :slg-2-1.jpeg?300 |}}

当然哪，画起呒渠本人范子好看。该也勿是我缘故。我六岁，大人便讴我对画家生涯呒勇气爻。我便画两张蛇肚里蛇肚外个画呃、且别样便朆学着过个。昶我眼睛撑去侯大个注牢望箇蓦临头趒出个人。尔总还记牢，我是来远离人烟个沙漠里向。哈箇小伙是望去是咦朆何物来沙漠里向迷路爻,阿朆何物吃力、肚顑、口燥、吓着叻咋物。怎奈都勿是何物落旁荒无人烟个沙漠里个小人。我惊爻之后且总算讲出句话爻，我搭伊讲：

『渠……尔趒搭来咋物？』

渠搭个要紧险个事干向，慢慢时转讲一遍：『好用勿会……畀我羊画只起……』

当样物事畀尔震摄牢个时候,尔是弗可能弗照渠讲个做。对我来讲呒数是做荒唐事干，来荒无人烟个沙漠里，面对死个危险，擐出一张纸、一支钢笔。之后我忖着我个专业便地理，历史、算术搭语法许。搭个细佬讲(也一粒气)我晓弗得怎奈画画。渠讲：

『呒告相干，畀我羊画只起……』

我养朆画过，我畀渠画起张我便只画得两幅来个旁幅蛇肚外个画。『勿是，勿是，勿是！我休擐(hiughuae-hiae)易肚里有大象个蟒蛇』
听渠句话我都呆爻，渠咦讲，『蟒蛇危险显，大象咦忒大蛮个爻。我宿个地方是，样加样物事都细险个。我要个羊，羊画畀我。』
我畀伊一张画起：

{{ :slg-2-2.jpeg?200 |}}

渠仔细望爻，讲：

『无用，只羊望去扣得约死紧要相个。畀我转画画幅起。』

我咦另外一张画起：

{{ :slg-2-3.jpeg?200 |}}

我个箇位朋友笑起，咦个有趣相。
『尔自己望望向』渠讲，『只勿是小羊？只公羊啊，尔望还有角个讲。』
我咦画一张：

{{ :slg-2-4.jpeg?200 |}}

幅阿搭头起两幅样，无用。

『只忒老爻。我要只羊要活得长久个。』

我呒耐心爻。
因为我要修我个引擎。哈我便贪省力画幅起伐是爻：

{{ :slg-2-5.jpeg?200 |}}

我再搭句话讲：

『该是著羊个笼。尔要个羊便来只笼里。』

老实儿奇怪，个小判官是怎奈个快活：

『该老真式我要个物事！尔讲只羊缺得关咦草畀伊哽个凡？』

『咋物？』

『我宿个地方，管解物都细猛……』

『呒告，我畀尔只羊眼大个』我讲，『地方眼大阿有得喂爻！』

渠畀箇头迫进画边去。

『呒尔讲个替细……尔望！渠困去爻唻……』

我便馨搭小王子熟起爻。