台州語維基百科

本頁是唯讀的，您可以看到原始碼，但不能更動它。您如果覺得它不應被鎖上，請詢問管理員。
====== S-DU PI-TEH-KEH SHÜ-SING. DI-IH-FU. ======

使徒彼得个書信 第一副

===== 1 P. 1. =====

第一章.

<code>
1 Pi-teh kön-zia Zông-ti yü Ge da z-pe:
10 Yia-su-keh kyiu-sing feh-z sing-keh fông-fæh, ziu-z sin-ts-nying su ts-tin:
13 kyi-zin z tse-sang, ing-ke gyin-zing tso nying.

1 彼得 感謝 上帝 爲 佢 大 慈悲：
10 耶穌个 救星 不是 新个 方法，就是 先知人 所 指點：
13 既然 是 再生，應該 虔誠 做 人。
</code>

> YIA-SU Kyi-toh-keh s-du Pi-teh, sia sing peh s-sæn djü ze Peng-tu, Kô-læh-t‛a, Kô-p‛ô-to-kô, Ô-si-ô, teh Pi-t‛e-nyi, c‛ih-meng nying,
> 2 ziu-z Vu-ts‛ing Zông-ti, tsiao Ge yü-sin ts-i, su kæn-shün cü-ts, yüong Sing-Ling ts‛ing-kyih ge, i-jing dao-li, teh-djôh Yia-su Kyi-toh-keh hyüih tsæn ze ge sing-zông cü-ts: Dæn-nyün eng-yü bing-ön kah-nga kô-ts‛eo peh ng-he.

耶穌 基督个 使徒 彼得，寫 信 畀 四散 住 在 本都，加拉太，迦帕多家，亞西亞，搭 庇推尼，出門 人，

2 就是 父親 上帝，照 佢 預先 旨意，所 揀選 主子，用 聖靈 清潔 佢，依順 道理，得着 耶穌 基督个 血 蘸 在 佢 身上 主子：但願 恩惠 平安 格外 加湊 畀 爾許。

> 3 Coh-tsæn Zông-ti ngô-he Cü Yia-su Kyi-toh-keh Vu-ts‛ing, yi-kying tsiao Ge da z-pe tse sang ngô-he, peh ngô-he hao k‛ao-djôh Yia-su Kyi-toh s-ku tse-weh, yiu weh-ming-keh sô-mông,
> 4 we teh-djôh ih-ke fe wa-gao, m u-tin, feh se-ba-keh sæn-nyih, ziu-z k‛ông ze t‛in-zông teng-de ng-he,
> 5 k‛ao-djôh siang-sing, mong Zông-ti-keh neng-kön su pao-wu cü-ts, we teh-djôh keh bi hao-kæn, tao lôh-kyiah nyih-ts we hyin-c‛ih keh kyiu-fæh.
> 6 Yü-ts, yin-ze shü-tsih dzæn-z tsao hyü-to s-lin-keh næn-deo tæn sing-z, ah z ting hwön-hyi,
> 7 peh keh s-s ng-he siang-sing-keh s-fæh, — pi ho lin-ku iao wa-gao-keh kying-ts kah-nga kyü-djong, — tao Yia-su Kyi-toh hyin-c‛ih-keh nyih-ts, we teh-djôh tsæn-mi, tseng-kyü, teh yüong-wa:
> 8 ng-he yi-zin shü-tsih vong mông-djôh, ah we e-kying Ge; yin-ze ning-gyiu vong mông-djôh, yi we siang-sing Ge, yi we peh kông-feh-zing yiu yüong-wa-keh kw‛a-lôh ting hwön-hyi:
> 9 teh-djôh ng-he siang-sing-keh kyih-gyüoh, ziu-z ng ling-weng teh kyiu.

3 祝讚 上帝 我許 主 耶穌 基督个 父親，已經 照 佢 大 慈悲 再 生 我許，畀 我許 好 靠着 耶穌 基督 死過 再活，有 活命个 奢望，

4 會 得着 一個 𣍐 壞爻，無 污點，不 衰敗个 産業，就是 囥 在 天上 等待 爾許，

5 靠着 相信，蒙 上帝个 能幹 所 保護 主子，會 得着 箇 備 好吤，到 落腳 日子 會 顯出 个 救法。

6 爲之，現在 雖即 暫時 遭 許多 試煉个 難頭 擔 心事，也 是 頂 歡喜，

7 畀 箇 試試 爾許 相信个 死法，——比 火 煉過 要 壞爻个 金子 格外 貴重，——到 耶穌 基督 顯出个 日子，會 得着 讚美，尊貴，搭 榮華：

8 爾許 以前 雖即 朆 望着，也 會 愛敬 佢；現在 仍舊 朆 望着，貤 會 相信 佢，貤 會 畀 講不盡 有 榮華个 快樂 頂 歡喜：

9 得着 爾許 相信个 結局，就是 爾 靈魂 得 救。

> 10 Keh kyiu-sing, keh-sih sin-ts-nying yi-kying dzô-ts‛æh k‛ao-kyiu ku. Ge-he yü-sin kông iao ling-djôh ng-he-keh eng-yü;
> 11 ts-si ze-teh k‛ao-kyiu ze ge-he li-min Kyi-toh-keh Sing-Ling yü-sin te-tsing Kyi-toh ziu-‛e teh Ge ts-‛eo-keh yüong-wa, tao-ti z ts-tin zao z-‛eo, teh zao væn-ts z-‛eo.
> 12 Ge-he teh-djôh moh-z hyiao-teh, ge-he su kông feh-z yü ge-z, z yü ngô-he, keh ziu-z yin-ze djün-dao cü-ts, k‛ao-djôh jong t‛in ts‛a-le-keh Sing-Ling, su t‛ong-ts ng-he-keh foh-ing: keh foh-ing lin t‛in-s ah siang ts-si k‛ao-kyiu ge.

10 箇 救星，箇些 先知人 已經 查察 考究 過。佢許 預先 講 要 臨着 爾許个 恩惠；

11 仔細 在𡍲 考究 在 佢許 裏面 基督个 聖靈 預先 對證 基督 受害 搭 佢 之後个 榮華，到底 是 指點 倽 時候，搭 倽 範子 時候。

12 佢許 得着 默示 曉得，佢許 所 講 不是 爲 佢自，是 爲 我許，箇 就是 現在 傳道 主子，靠着 從 天 差來个 聖靈，所 通知 爾許个 福音：箇 福音 連 天使 也 想 仔細 考究 佢。

> 13 SU-I iao siu-shoh ng-he sing-li-keh iao-hyih, iao kying-sing, jün-jün sô-mông Yia-su Kyi-toh hyin-c‛ih z-‛eo, iao ling-djôh ng-he-keh eng-yü;
> 14 iao ziang hao-jing-keh n-nô; hyiao ziang ng-he yi-zin mong-tong z-‛eo i s-yüoh tso nying;
> 15 tsong iao yiang-yiang su tso ts‛ing-kyih, ziang dziao ng-he le-keh Cü z ts‛ing-kyih;
> 16 ing-yü yiu sia-lôh, “Ng-he iao ts‛ing-kyih; ing-yü Ngô z ts‛ing-kyih.” [Lv. 11. 44.]

13 所以 要 收束 爾許 心裏个 腰脅，要 警醒，全全 奢望 耶穌 基督 顯出 時候，要 臨着 爾許个 恩惠；

14 要 像 孝順个 兒囡；𠏕 像 爾許 以前 懵懂 時候 依 私慾 做 人；

15 總 要 樣樣 所 做 清潔，像 召 爾許 來个 主 是 清潔；

16 因爲 有 寫落，“爾許 要 清潔；因爲 我 是 清潔。” [Lv. 11. 44.]

> 17 Wæ-yiu, keh-yü m p‛in-ky‛üoh-sing, iao tsiao kôh-nying-keh ‛ang-yü p‛ön-tön ge-keh Vu-ts‛ing, ng-he ziah e-gyiu Ge, iao p‛ô-gyü ng-he weh-zin dzæn-djü-keh nyih-ts:
> 18 ing-yü hyiao-teh ng-he bi c‛ü-joh, hao t‛eh-c‛ih ng-he tsu-tsong djün-lôh-keh hyü-hwa fong-joh, feh-z yüong we wa-gao-keh kying-ts nying-ts;
> 19 z yüong Kyi-toh pao-pe-keh hyüih, ziang ih-tsih m mao-bing, m pæn-pô siao-yiang-keh hyüih:
> 20 ziu-z zao t‛in-di ts-zin lih-ding, tao meh-de z-si yü ng-he hyin-c‛ih,
> 21 ng-he k‛ao-djôh Ge siang-sing Zông-ti, ziu-z peh Ge jong s-nying cong-yiang weh-cün-le, yi s-peh Ge yüong-wa; peh ng-he-keh siang-sing teh sô-mông tu hao ze-ü Zông-ti.

17 還有，箇位 無 偏曲心，要 照 各人个 行爲 判斷 佢个 父親，爾許 若 哀求 佢，要 怕懼 爾許 活前 暫住个 日子：

18 因爲 曉得 爾許 被 取贖，好 脫出 爾許 祖宗 傳落个 虛花 風俗，不是 用 會 壞爻个 金子 銀子；

19 是 用 基督 寶貝个 血，像 一隻 無 毛病，無 斑疤 小羊个 血：

20 就是 造 天地 之前 立定，到 末代 時世 爲 爾許 顯出，

21 爾許 靠着 佢 相信 上帝，就是 畀 佢 從 死人 中央 活轉來，貤 賜畀 佢 榮華；畀 爾許个 相信 搭 奢望 都 好 在於 上帝。

> 22 Ng-he kyi-zin k‛ao-djôh Sing-Ling i-jong tsing dao-li kyih-zing ng-he-keh sing k‛o-i tsing-sing e-sih hyüong-di, yüih-fæh ih-sing jü-de siang-e:
> 23 ng-he tse sang feh-z c‛ih-ü we wa-gao-keh cong, z c‛ih-ü fe wa-gao-keh, ziu-z keh-yü üong-weh Zông-ti-keh dao-li.
> 24 “Ing-yü nying-keh nyüoh-sing tu ziang ts‛ao, [S. 103. 15.] ge-keh yüong-wa ziang ts‛ao-keh hwa. Ts‛ao pih iao k‛u-sao, ge-keh hwa pih iao zia-gao:” [Y. 40. 7.]
> 25 tsih-yiu Cü-keh shih-wa we üong-yün ze-teh. Keh dao-li ziu-z su djün peh ng-he-keh foh-ing.

22 爾許 既然 靠着 聖靈 依從 真 道理 潔淨 爾許个 心 可以 真心 愛惜 兄弟，越發 一心 聚隊 相愛：

23 爾許 再 生 不是 出於 會 壞爻个 種，是 出於 𣍐 壞爻个，就是 箇位 永活 上帝个 道理。

24 “因爲 人个 肉身 都 像 草，[S. 103. 15.] 佢个 榮華 像 草个 花。草 必 要 枯燥，佢个 花 必 要 謝爻：” [Y. 40. 7.]

25 只有 主个 說話 會 永遠 在𡍲。箇 道理 就是 所 傳 畀 爾許个 福音。

===== 1 P. 2. =====

第二章.

<code>
1 Ky‛ün ge tön-gao ôh-doh, kô-i, iao s-ts‛eng dao-li:
4 ge-he su ky‛i-zông-keh ziang-kyiah ziu-z Kyi-toh.
11 Ky‛ün ge li-yün nyüoh-sing-keh s-yüoh,
13 iao i-jing wông-ti teh kwön-fu,
18 tso yüong-nying iao i-jing ge cü-nying-kô,
20 yü tso hao ziu-k‛u, iao zing-ne ziang Kyi-toh.

1 勸 佢 斷爻 惡毒，假意，要 思忖 道理：
4 佢許 所 起上个 牆腳 就是 基督。
11 勸 佢 離遠 肉身个 私慾，
13 要 依順 皇帝 搭 官府，
18 做 傭人 要 依順 佢 主人家，
20 爲 做 好 受苦，要 忍耐 像 基督。
</code>

> Su-i ng-he iao tön-gao ih-ts‛ih ôh-doh, kæn-tsô, kô-i, k‛eh-tu, teh ih-ts‛ih hyü-pông,
> 2 iao s-ts‛eng dao-li, ziang te sang-keh siao-nying s-ts‛eng jing-na, peh ng-he k‛ao-djôh ge hao djoh-ting do-ky‛i-le;
> 3 Cü eng-yü-keh mi-dao ng-he ziah-z zông-djôh-ku:
> 4 Ge ziang ih-kw‛e ling-weh-keh zih-deo, bi nying su tön-gao, z Zông-ti su kæn-shün, sön pao-pe: ng-he tao Ge su-ze le,
> 5 ah ziang ling-weh-keh zih-deo, ze Ge zông-min ky‛i-zao ling-keh oh-yü, tso ih-pæn sing-zin-keh tsi-s, k‛ao-djôh Yia-su Kyi-toh hyin-zông Zông-ti su cong-i ling-keh tsi-veh.
> 6 Ing-yü Sing-shü yiu keh shih-wa sia-lôh, “Ngô peh ih-kw‛e kæn-shün sön pao-pe-keh oh-kôh zih-deo fông ze Shing-sæn zông: væn-pah siang-sing Ge cü-ts fe ‛ôh-nying-siang.” [Y. 28. 16.]
> 7 Su-i yü ng-he siang-sing cü-ts, Ge z pao-pe: dæn-z yü feh siang-sing cü-ts, lao-s su tön-gao, tso oh-kôh deo-ih-kw‛e zih-deo;
> 8 yi z pæn-tih, yiu kwæn-nge-keh zih-deo, ge-he pæn-tih z yü feh i-jing dao-li, ah z yü-sin cü-ding.
> 9 Tsih-z ng-he z kæn-shün-keh zoh-veng, fong-wông-keh tsi-s, sing-zin-keh koh-kô, c‛ü-joh-keh pah-sing; hao piao-ming su dziao ng-he li-k‛e heh-ön tsing Ge hyi-gyi-keh liang-kwông, keh-yü Cü-keh teh-‛ang:
> 10 ng-he zin-deo sön-feh-teh pah-sing, yin-ze z Zông-ti-keh pah-sing: yi-zin vong teh-djôh e-lin, yin-ze z teh-djôh e-lin.

所以 爾許 要 斷爻 一切 惡毒，奸詐，假意，刻妒，搭 一切 毀謗，

2 要 思忖 道理，像 對 生个 小人 思忖 吮奶，畀 爾許 靠着 佢 好 逐點 大起來；

3 主 恩惠个 味道 爾許 若是 嘗着過：

4 佢 像 一塊 靈活个 石頭，被 人 所 斷爻，是 上帝 所 揀選，算 寶貝：爾許 到 佢 所在 來，

5 也 像 靈活个 石頭，在 佢 上面 起造 靈个 屋宇，做 一班 聖善个 祭司，靠着 耶穌 基督 獻上 上帝 所 中意 靈个 祭物。

6 因爲 聖書 有 箇 說話 寫落，“我 畀 一塊 揀選 算 寶貝个 屋角 石頭 放 在 郇山 上：凡百 相信 佢 主子 𣍐 下人相。” [Y. 28. 16.]

7 所以 爲 爾許 相信 主子，佢 是 寶貝：但是 爲 不 相信 主子，老司 所 斷爻，做 屋角 頭一塊 石頭；

8 貤 是 𥾵跌，有 關礙个 石頭，佢許 𥾵跌 是 爲 不 依順 道理，也 是 預先 註定。

9 只是 爾許 是 揀選个 族份，封王个 祭司，聖善个 國家，取贖个 百姓；好 表明 所 召 爾許 離開 黑暗 進 佢 希奇个 亮光，箇位 主个 德行：

10 爾許 前頭 算不得 百姓，現在 是 上帝个 百姓：以前 朆 得着 哀憐，現在 是 得着 哀憐。

> 11 TS‛ING-E-KEH hyüong-di, ng-he kyi-zin z c‛ih-meng ze-nga-keh nying, ngô ky‛ün ng-he, iao li-yün nyüoh-sing-keh s-yüoh, ing-yü z teh ling-weng tsôh-te;
> 12 ze bih-koh nying cong-yiang ng-he iao tso hao nying, peh su-le hyü-pông ng-he z ôh-nying-keh, mông-djôh ng-he hao ‛ang-yü, tsiao-ku-keh nyih-ts ih-tao, ziu we kyü yüong-wa peh Zông-ti.

11 親愛个 兄弟，爾許 既然 是 出門 在外个 人，我 勸 爾許，要 離遠 肉身个 私慾，因爲 是 搭 靈魂 作對；

12 在 別國 人 中央 爾許 要 做 好 人，畀 素來 毀謗 爾許 是 惡人个，望着 爾許 好 行爲，照顧个 日子 一到，就 會 歸 榮華 畀 上帝。

> 13 Ng-he yü Cü, iao i-jing væn-pah z nying su sih-lih: ‛oh-tsia wông-ti, ing-yü ge z ze ting zông-deo;
> 14 ‛oh-tsia kwön, ing-yü ge z wông-ti su ts‛a-le sông-zin væh-ôh.
> 15 Ing-yü Zông-ti-keh ts-i iao ng-he yüong hao ‛ang-yü seh-lao nge-beng nying-keh lön-wa;
> 16 ng-he shü-tsih z yiu z ze, hyiao peh keh z yiu z ze tsô-lao z-keh ze-ôh: tsong iao ziang Zông-ti-keh nu-boh.

13 爾許 爲 主，要 依順 凡百 是 人 所 設立：或者 皇帝，因爲 佢 是 在 頂 上頭；

14 或者 官，因爲 佢 是 皇帝 所 差來 賞善 罰惡。

15 因爲 上帝个 旨意 要 爾許 用 好 行爲 塞牢 獃㤓 人个 亂話；

16 爾許 雖即 自 由 自 在，𠏕 畀 箇 自 由 自 在 遮牢 自个 罪惡：總 要 像 上帝个 奴僕。

> 17 Iao kying-djong cong-nying. Ts‛ing-e hyüong-di. P‛ô-gyü Zông-ti. Tseng-kying wông-ti.

17 要 敬重 眾人。親愛 兄弟。怕懼 上帝。尊敬 皇帝。

> 18 Ng-he tso yüong-nying-keh, iao yiang-yiang p‛ô-gyü z-keh cü-nying-kô; fi-tæn liang-zin ‛o-ky‛i-keh, ziu-z k‛eh-bôh-keh, ah iao z-t‛ih.
> 19 Ziah yiu nying ziu we-ky‛üoh neng-keo zing-ne ky‛üoh-k‛u, liang-sing te-teh Zông-ti ku, keh z hao.
> 20 Ng-he ziah yü væn-ze bi tang, ziu-z we zing-ne, yiu zah-m t‛i-min? Tsih-yiu yü ‛ang-zin ziu-næn we zing-ne, keh z Zông-ti su cong-i.
> 21 Ng-he yü-ts bi dziao-le; ing-yü Kyi-toh de ng-he ziu-næn, yi yiu ih-ke pông-yiang liu-lôh peh ng-he hao keng Ge kyiah-bu:
> 22 Ge vong væn-ze, Ge kông shih-wa yi m-yiu kæn-tsô:
> 23 nying zôh Ge, Ge feh zôh wæn; nying ‛e Ge, Ge feh kông iao wæn-pao; tsih-yiu k‛ao-t‛ôh Zông-ti kong-nyi-keh sing-p‛ön.
> 24 Ge ts‛ing-sing ze jü-zông gwæn ngô-he-keh ze-nyih, peh ngô-he hao t‛eh-gao ze-nyih, tso kong-nyi-keh nying; yü Ge siang-‛eng, ng-he ziu teh-djôh i-hao.
> 25 Ing-yü ng-he yi-zin ziang mi-lu-keh yiang; yin-ze z cün tao keh-yü tsiao-ku ng-he ling-weng-keh Moh-s teh Kæn-toh-keh su-ze.

18 爾許 做 傭人个，要 樣樣 怕懼 自个 主人家；非單 良善 和氣个，就是 刻薄个，也 要 是僣。

19 若 有 人 受 委曲 能彀 忍耐 喫苦，良心 對得 上帝 過，箇 是 好。

20 爾許 若 爲 犯罪 被 打，就是 會 忍耐，有 倽某 體面？只有 爲 行善 受難 會 忍耐，箇 是 上帝 所 中意。

21 爾許 爲之 被 召來；因爲 基督 代 爾許 受難，貤 有 一個 榜樣 留落 畀 爾許 好 跟 佢 腳步：

22 佢 朆 犯罪，佢 講 說話 貤 無有 奸詐：

23 人 𧮙 佢，佢 不 𧮙 還；人 害 佢，佢 不 講 要 還報；只有 靠託 上帝 公義个 審判。

24 佢 親身 在 樹上 擐 我許个 罪孽，畀 我許 好 脫爻 罪孽，做 公義个 人；爲 佢 傷痕，爾許 就 得着 醫好。

25 因爲 爾許 以前 像 迷路个 羊；現在 是 轉 到 箇位 照顧 爾許 靈魂个 牧師 搭 監督个 所在。

===== 1 P. 3. =====

第三章.

<code>
1 Ts‛i-ts teh dziang-fu-keh ming-veng,
8 ky‛ün cong-nying siang-e,
14 zing-ne ziu-k‛u.
19 Nô-ô z-‛eo ah yiu Kyi-toh-keh dao-li djün peh nying.

1 妻子 搭 丈夫个 明份，
8 勸 眾人 相愛，
14 忍耐 受苦。
19 挪亞 時候 也 有 基督个 道理 傳 畀 人。
</code>

> Ng-he ts‛i-ts iao i-jing z-keh dziang-fu; peh feh siang-sing dao-li-keh dziang-fu feh yüong dao-li ky‛ün ge, we bi ge ts‛i-ts-keh hao ‛ang-yü kyü-voh dao-li;
> 2 ing-yü mông-djôh ng-he yiu ts‛ing-kyih p‛ô-gyü-keh ‛ang-yü.
> 3 Ng-he-keh tang-pæn feh-k‛o ze nga-min, ziang pin-ky‛i deo-fæh, ta kying-ky‛i, teh tsiah i-zông;
> 4 ing-ke yüong ‛o-ky‛i weng-ziu-keh sing-zing tang-pæn ge li-min mông-feh-djôh-keh sing: keh z fe wa-gao-keh tang-pæn, ze Zông-ti min-zin z ting pao-pe.
> 5 Ing-yü jong-zin nyiang-vông Zông-ti i-jing z-keh dziang-fu, keh-sih sing-zin nyü-nying, ge-z ah z-t‛ih tang-pæn:
> 6 ziang Sæh-læh i-jing Ô-pah-læh-hön, ts‛ing-hwu ge Cü: ng-he ziah tso nying hao, ih-ting feh p‛ô næn, ziu-z ge-keh nô.

爾許 妻子 要 依順 自个 丈夫；畀 不 相信 道理个 丈夫 不 用 道理 勸 佢，會 被 佢 妻子个 好 行爲 歸服 道理；

2 因爲 望着 爾許 有 清潔 怕懼个 行爲。

3 爾許个 打扮 不可 在 外面，像 編起 頭髮，戴 金器，搭 撯 衣裳；

4 應該 用 和氣 溫柔个 性情 打扮 佢 裏面 望不着个 心：箇 是 𣍐 壞爻个 打扮，在 上帝 面前 是 頂 寶貝。

5 因爲 從前 仰望 上帝 依順 自个 丈夫，箇些 聖善 女人，佢自 也 是僣 打扮：

6 像 撒拉 依順 亞伯拉罕，稱呼 佢 主：爾許 若 做 人 好，一點 不 怕 難，就是 佢个 女。

> 7 Ng-he dziang-fu, ah ing-ke tsiao li teh ts‛i-ts jü-de djü, kying-djong ge ziang kah-nga nyün-ziah-keh, ah ziang jü-de teh-djôh weh-ming-keh eng-s cü-ts; peh ng-he-keh tao-kao fe bi tsu-kah.

7 爾許 丈夫，也 應該 照 禮 搭 妻子 聚隊 住，敬重 佢 像 格外 軟弱个，也 像 聚隊 得着 活命个 恩賜 主子；畀 爾許个 禱告 𣍐 被 阻隔。

> 8 Tsong-z-nyin-ts, ng-he tu iao dong-sing-‛eh-i, jü-de t‛i-liang, ziang hyüong-di siang-e, zeng z-pe-keh sing, iao ky‛in-hyü siang-de:
> 9 hyiao yi ôh pao ôh, zôh-mô pao zôh-mô; fæn-cün coh-foh ge; ing-yü hyiao-teh ng-he bi dziao-le, z hao teh-djôh foh-ky‛i.
> 10 “Ing-yü siang yiu weh-ming, mông kw‛a-weh nyih-ts cü-ts, iao kying-lao ge k‛eo-zih-keh ôh-doh, yi tsu-lao ge k‛eo-li-keh kæn-tsô;
> 11 iao ke-ôh jong-zin; iao cü-gyiu ‛o-moh, iao kön-kying cü-gyiu ge.
> 12 Ing-yü Cü-keh ngæn we tsiao-ku kong-nyi nying, Ge ng-tô we t‛ing ge-he-keh tao-kao; dæn-z Cü-keh min-lin we ky‛i tsôh-ôh cü-ts.” [S. 34. 12-16.]

8 總而言之，爾許 都 要 同心合意，聚隊 體諒，像 兄弟 相愛，存 慈悲个 心，要 謙虛 相待：

9 𠏕 以 惡 報 惡，𧮙罵 報 𧮙罵；反轉 祝福 佢；因爲 曉得 爾許 被 召來，是 好 得着 福氣。

10 “因爲 想 有 活命，望 快活 日子 主子，要 禁牢 佢 口舌个 惡毒，貤 阻牢 佢 口裏个 奸詐；

11 要 改惡 從善；要 追求 和睦，要 趕緊 追求 佢。

12 因爲 主个 眼 會 照顧 公義 人，佢 耳朵 會 聽 佢許个 禱告；但是 主个 面臉 會 氣 作惡 主子。” [S. 34. 12-16.]

> 13 Ng-he ziah-z ‛ôh hao yiang, kæh-nying we ‛e ng-he?
> 14 Ng ziah-z yü kong-nyi ziu-næn, z yiu foh-ky‛i: feh yüong p‛ô ge-he-keh yü-si, ah feh iao kying-hôh;
> 15 tsih-z ng-he-keh sing-li iao kyüong-kying p‛ô-gyü Cü, keh-yü Zông-ti: ziah yiu nying meng ng-he sing-li su sô-mông-keh yün-ku, ing-ke z-k‛eh vông-bi, hao yüong ky‛in-hyü p‛ô-gyü-keh sing we-teh ge:
> 16 iao zeng hao liang-sing, peh hyü-pông ng-he z ôh-nying, vu-kao ng-he jong Kyi-toh le-keh hao ‛ang-yü cü-ts, ziu we ‛ôh-nying-siang.
> 17 Ing-yü ng-he ‛ang zin ziu-næn, ziah-z Zông-ti-keh ts-i, z hao-jü tsôh-ôh ziu-næn.
> 18 Ing-yü Kyi-toh ah yiu ih-t‛ao yü ze ziu-k‛u, z kong-nyi yü feh kong-nyi, iao ta ngô-he tao Zông-ti min-zin, Ge-keh nyüoh-sing bi tsông-s, ze-ü Sing-Ling tse-weh;
> 19 Ge yi-zin ze-ü keh Sing-Ling k‛e djün dao-li peh ze kæn-lao-keh ling t‛ing,
> 20 ziu-z yi-zin feh siang-sing cü-ts, Zông-ti z zing-ne kw‛ön-shü ge, teng-tao Nô-ô bi-bæn fông-jün z-‛eo, jong shü teh kyiu-keh m-to-siao, tsih-yiu pæh-ke nying:
> 21 keh z ziang yin-ze-keh si-li k‛ao-djôh Yia-su Kyi-toh-keh weh-cün-le, kyiu ngô-he: bing-fi tön-gao nyüoh-sing-keh we-u, z piao-ming hao-keh liang-sing ze Zông-ti min-zin;
> 22 Yia-su z yi-kying sing-zông t‛in, ze Zông-ti jing-siu-pin; t‛in-s, teh yiu gyün-ping, yiu si-deo-keh, tu yi-kying kyü-voh Ge-keh siu-‛ô.

13 爾許 若是 學 好 樣，吤人 會 害 爾許？

14 爾 若是 爲 公義 受難，是 有 福氣：不 用 怕 佢許个 威勢，也 不 要 驚𢞕；

15 只是 爾許个 心裏 要 恭敬 怕懼 主，箇位 上帝：若 有 人 問 爾許 心裏 所 奢望个 緣故，應該 時刻 防備，好 用 謙虛 怕懼个 心 回答 佢：

16 要 存 好 良心，畀 毀謗 爾許 是 惡人，誣告 爾許 從 基督 來个 好 行爲 主子，就 會 下人相。

17 因爲 爾許 行 善 受難，若是 上帝个 旨意，是 好如 作惡 受難。

18 因爲 基督 也 有 一套 爲 罪 受苦，是 公義 爲 不 公義，要 帶 我許 到 上帝 面前，佢个 肉身 被 妝死，在於 聖靈 再活；

19 佢 以前 在於 箇 聖靈 去 傳 道理 畀 在 監牢个 靈 聽，

20 就是 以前 不 相信 主子，上帝 是 忍耐 寬恕 佢，等到 挪亞 備辦 方船 時候，從 水 得 救个 無多少，只有 八個 人：

21 箇 是 像 現在个 洗禮 靠着 耶穌 基督个 活轉來，救 我許：並非 斷爻 肉身个 穢污，是 表明 好个 良心 在 上帝 面前；

22 耶穌 是 已經 升上 天，在 上帝 順手邊；天使，搭 有 權柄，有 勢頭个，都 已經 歸服 佢个 手下。

===== 1 P. 4. =====

第四章.

<code>
1 Pi-teh yüong Kyi-toh-keh pông-yiang ky‛ün ge li-yün ôh-z:
12 ön-yü ziu-næn cü-ts.

1 彼得 用 基督个 榜樣 勸 佢 離遠 惡事：
12 安慰 受難 主子。
</code>

> Kyi-toh kyi-zin yü ngô-he ze nyüoh-sing ziu-næn, ng-he ah iao peh Ge-keh sing-i tông kw‛e-kæh tsiah; ing-yü ze-ü nyüoh-sing ziu-næn cü-ts, z yi-kying t‛eh-c‛ih ze;
> 2 peh ng-he yi-‛eo ze nyüoh-sing tso nying, fe tsiao nying-keh s-yüoh, tsih we tsiao Zông-ti-keh ts-i du-nyih.
> 3 Ngô-he ze-si yi-kying ku-k‛e z-‛eo tsiao bih-koh nying tso-fæh, ah keo-gao, ziu-z t‛ön-seh, t‛ön-iao, t‛ön-tsiu, t‛ön-cü, lön-ky‛üoh lön-yüong, teh ting k‛o-u-keh pa ngeo-ziang:
> 4 ng-he yin-ze feh teh ge jü-de tso keh we-u z-kön, ge-he ziu gyi-kwa, ze-teh hyü-pông ng-he:
> 5 ge-he pih-ding ze sing-p‛ön weh-nying teh s-nying-keh Cü min-zin ziu sing-p‛ön.
> 6 Yü-ts, keh foh-ing yi-kying djün peh s-nying, peh ge-he ze-ü nyüoh-sing, shü-tsih tsiao nying ziu sing-p‛ön, ge-he ze-ü ling tsiao Zông-ti hao weh.

基督 既然 爲 我許 在 肉身 受難，爾許 也 要 畀 佢个 心意 當 盔甲 撯；因爲 在於 肉身 受難 主子，是 已經 脫出 在；

2 畀 爾許 以後 在 肉身 做 人，𣍐 照 人个 私慾，只 會 照 上帝个 旨意 度日。

3 我許 在世 已經 過去 時候 照 別國 人 做法，也 彀爻，就是 貪色，貪要，貪酒，貪嘴，亂喫 亂用，搭 頂 可惡个 拜 偶像：

4 爾許 現在 不 搭 佢 聚隊 做 箇 穢污 事幹，佢許 就 奇怪，在𡍲 毀謗 爾許：

5 佢許 必定 在 審判 活人 搭 死人个 主 面前 受 審判。

6 爲之，箇 福音 已經 傳 畀 死人，畀 佢許 在於 肉身，雖即 照 人 受 審判，佢許 在於 靈 照 上帝 好 活。

> 7 Væn-veh lôh-kyiah nyih-ts yi-kying gying-gao; su-i iao weng-tông tso nying, kying-sing tao-kao:
> 8 ting iao-kying, iao hyüih-sing jü-de siang-e; ing-yü zing-e we tsô-ke hyü-to ze-nyih:
> 9 iao jü-de ts-zing de k‛ah, hyiao feh-sô-teh fi-yüong:
> 10 kôh-nying tsiao su teh-djôh-keh eng-s, ing-ke jü-de siang-pông, ziang tsông-kwön Zông-ti do eng-yü yiu cong-sing-keh kwön-tsiang sin-sang:
> 11 ziah yiu nying kông dao-li, iao i Zông-ti-keh tsiao-shü kông; ziah yiu nying bæn z-kön, iao tsiao Zông-ti su s-peh ge-keh lih-liang bæn: peh Zông-ti jong Yia-su Kyi-toh væn-pah z-kön hao teh-djôh yüong-wa, ing-yü yüong-wa gyün-si tao si-si-de-de tu z Ge-ke. Ô-meng.

7 萬物 落腳 日子 已經 近爻；所以 要 穩當 做 人，警醒 禱告：

8 頂 要緊，要 血心 聚隊 相愛；因爲 仁愛 會 遮蓋 許多 罪孽：

9 要 聚隊 至誠 待 客，𠏕 不捨得 費用：

10 各人 照 所 得着个 恩賜，應該 聚隊 相幫，像 掌管 上帝 大 恩惠 有 忠心个 管賬 先生：

11 若 有 人 講 道理，要 依 上帝个 詔書 講；若 有 人 辦 事幹，要 照 上帝 所 賜畀 佢个 力量 辦：畀 上帝 從 耶穌 基督 凡百 事幹 好 得着 榮華，因爲 榮華 權勢 到 世世代代 都 是 佢个。亞門。

> 12 TS‛ING-E-KEH hyüong-di, ng-he p‛ong-djôh ziang ho s-lin ng-he-keh næn-deo, feh yüong gyi-kwa, ziang p‛ong-djôh hyi-gyi z-kön:
> 13 fæn-cün ing-ke kao-hying, ing-yü teh Kyi-toh jü-de ziu-k‛u; teng-tao Ge yüong-wa hyin-c‛ih z-‛eo, ng-he hao ting kao-hying.
> 14 Ziah yü Kyi-toh ming-deo bi zôh-mô, ng-he z yiu foh-kyi((應爲：foh-ky‛i)); ing-yü Zông-ti yüong-wa-keh Sing-Ling z ze ng-he sing-zông: ge-he z hyü-pông Ge; ng-he z kyü yüong-wa peh Ge.
> 15 Ng-he hyiao yü tso hyüong-siu, dao-zeh, kæn-ôh, pön-long-z-fi, ky‛üoh-k‛u:
> 16 ziah yü tso Kyi-toh meng-du ky‛üoh-k‛u, feh yüong ‛ôh-nying-siang; fæn-cün yü ziu-k‛u, hao kyü yüong-wa peh Zông-ti.
> 17 Ing-yü z-‛eo yi-kying tao-gao, sing-p‛ön iao sin jong Zông-ti ih-kô ky‛i; ziah ko-zin jong ngô-he ky‛i, feh siang-sing Zông-ti foh-ing cü-ts, wæ-z tsa kyih-gyüoh?
> 18 Ziah kong-nyi nying teh kyiu z t‛ih næn, vu-fæh-vu-t‛in cü-ts, teh ze-nying lôh ze ‛o-c‛ü?
> 19 Su-i tsiao Zông-ti ts-i ky‛üoh-k‛u-keh nying, yüong hao ‛ang-yü t‛ôh-fu z-keh ling-weng peh keh-yü sing-zih-keh zao-veh Cü.

12 親愛个 兄弟，爾許 碰着 像 火 試煉 爾許个 難頭，不 用 奇怪，像 碰着 希奇 事幹：

13 反轉 應該 高興，因爲 搭 基督 聚隊 受苦；等到 佢 榮華 顯出 時候，爾許 好 頂 高興。

14 若 爲 基督 名頭 被 𧮙罵，爾許 是 有 福氣；因爲 上帝 榮華个 聖靈 是 在 爾許 身上：佢許 是 毀謗 佢；爾許 是 歸 榮華 畀 佢。

15 爾許 𠏕 爲 做 兇手，盜賊，奸惡，搬弄是非，喫苦：

16 若 爲 做 基督 門徒 喫苦，不 用 下人相；反轉 爲 受苦，好 歸 榮華 畀 上帝。

17 因爲 時候 已經 到爻，審判 要 先 從 上帝 一家 起；若 果然 從 我許 起，不 相信 上帝 福音 主子，還是 怎 結局？

18 若 公義 人 得 救 是 僣 難，無法無天 主子，搭 罪人 落 在 何處？

19 所以 照 上帝 旨意 喫苦个 人，用 好 行爲 託付 自个 靈魂 畀 箇位 信實个 造物 主。

===== 1 P. 5. =====

第五章.

<code>
1 Ky‛ün tsiang-lao tsiao-ku Zông-ti-keh yiang,
5 nyin-ky‛ing cü-ts iao i-jing,
8 ky‛ün ge yüong kyü-gyi, kying-sing tso nying,
9 iao ti-dih ngô-he-keh te-deo mo-kyü.

1 勸 長老 照顧 上帝个 羊，
5 年輕 主子 要 依順，
8 勸 佢 用 拘忌，警醒 做 人，
9 要 抵敵 我許个 對頭 魔鬼。
</code>

> Ngô z tsiang-lao, tso Kyi-toh ziu-k‛u-keh te-tsing, yi z tsiang-le iao hyin-c‛ih-keh yüong-wa jü-de yiu-veng cü-ts, ky‛ün ng-he cong-yiang-keh tsiang-lao:
> 2 iao tsiao-ku ng-he cong-yiang ih-pæn Zông-ti-keh yiang, hyiao min-gyiang, z iao zing-nyün, tsiao Zông-ti-keh ts-i; ah hyiao t‛ön fi-nyi-ts-ze, z iao kön-sing tsiao-ku ge;
> 3 hyiao ‛eo z-kyi tso Zông-ti sæn-nyih-keh cü, z iao tso keh-pæn yiang-keh pông-yiang.
> 4 Tao keh-yü do Moh-s hyin-c‛ih z-‛eo, ng-he we teh-djôh fe wa-gao yüong-wa-keh bing-t‛in-kwön.
> 5 Ng-he nyin-ky‛ing cü-ts, ah ing-ke t‛e-tseng keh-sih lao-nying-kô. Ping-ts‛ia ng-he tu iao jü-de siang t‛e-tseng, tsiah-ky‛i ky‛in-hyü-keh i-voh; ing-yü Zông-ti gyü-jih kyiao-ngao cü-ts, s eng-yü peh ky‛in-hyü-keh nying.
> 6 Su-i ze Zông-ti jün-neng siu-‛ô, iao ti-sing-siao-i, peh Ge z-‛eo ih tao, ziu hao sing ng zông.
> 7 Ng-he væn-pah su iu-zeo z-kön, hao t‛ôh-fu Ge, ing-yü Ge ze-teh tsiao-ku ng-he.
> 8 Ng-he iao kyü-gyi, iao kying-sing; ing-yü ng-he-keh te-deo mo-kyü, ziang ih-tsih ze-teh kyiao-keh s-ts, tseo-le-tseo-k‛e, iao zing nying t‛eng-ky‛üoh ge:
> 9 ng-he yüong kyin-ku-keh siang-sing ti-dih ge, ing-yü hyiao-teh ng-he ze si-zông-keh hyüong-di, tu iao ziu keh k‛u-næn.
> 10 Keh-yü yiu yiang-yiang eng-yü-keh Zông-ti, ziu-z jong Kyi-toh Yia-su dziao ngô-he le hao hyiang Ge üong-yün yüong-wa, ng-he dzæn-z ziu k‛u-næn ts-‛eo, Ge ziu we peh ng-he wön-jün, kyin-ku, kông-gyiang, lao-k‛ao.
> 11 Dæn-nyün yüong-wa gyün-si, tu kyü peh Ge tao si-si-de-de. Ô-meng.

我 是 長老，做 基督 受苦个 對證，貤 是 將來 要 顯出个 榮華 聚隊 有份 主子，勸 爾許 中央个 長老：

2 要 照顧 爾許 中央 一班 上帝个 羊，𠏕 勉強，是 要 情願，照 上帝个 旨意；也 𠏕 貪 非義之財，是 要 甘心 照顧 佢；

3 𠏕 候 自己 做 上帝 産業个 主，是 要 做 箇班 羊个 榜樣。

4 到 箇位 大 牧師 顯出 時候，爾許 會 得着 𣍐 壞爻 榮華个 平天冠。

5 爾許 年輕 主子，也 應該 推尊 箇些 老人家。并且 爾許 都 要 聚隊 相 推尊，着起 謙虛个 衣服；因爲 上帝 拒絕 驕傲 主子，賜 恩惠 畀 謙虛个 人。

6 所以 在 上帝 全能 手下，要 低心小意，畀 佢 時候 一 到，就 好 升 爾 上。

7 爾許 凡百 所 憂愁 事幹，好 託付 佢，因爲 佢 在𡍲 照顧 爾許。

8 爾許 要 拘忌，要 警醒；因爲 爾許个 對頭 魔鬼，像 一隻 在𡍲 叫个 獅子，走來走去，要 尋 人 吞喫 佢：

9 爾許 用 堅固个 相信 抵敵 佢，因爲 曉得 爾許 在 世上个 兄弟，都 要 受 箇 苦難。

10 箇位 有 樣樣 恩惠个 上帝，就是 從 基督 耶穌 召 我許 來 好 享 佢 永遠 榮華，爾許 暫時 受 苦難 之後，佢 就 會 畀 爾許 完全，堅固，剛強，牢靠。

11 但願 榮華 權勢，都 歸 畀 佢 到 世世代代。亞門。

> 12  Ngô z t‛ôh Si-læh tsiao ngô sön z cong-sing-keh hyüong-di sia keh kyi-kyü shih-wa ta-le, ky‛ün ng-he; ping-ts‛ia iao te-tsing, ng kyin-ku su siang-sing-keh dao-li lao-zih z Zông-ti-keh eng-yü.

12 我 是 託 西拉 照 我 算 是 忠心个 兄弟 寫 箇 幾句 說話 帶來，勸 爾許；并且 要 對證，爾 堅固 所 相信个 道理 老實 是 上帝个 恩惠。

> 13 Ze Pô-pi-leng teh ng-he jü-de kæn-shün-keh kong-we, lin ngô n-ts Mô-k‛o, tu t‛ao-sing ng-he. Ng-he iao ts-zing ‛ang o-cü-keh li jü-de t‛ao-sing.

13 在 巴比倫 搭 爾許 聚隊 揀選个 公會，連 我 兒子 馬可，都 討信 爾許。爾許 要 至誠 行 唩嘴个 禮 聚隊 討信。

> 14 Dæn-nyün bing-ön teh ng-he cong-nying, ze-ü Kyi-toh Yia-su cü-ts jü-de. Ô-meng.

14 但願 平安 搭 爾許 眾人，在於 基督 耶穌 主子 聚隊。亞門。